ഇടക്കാല ബജറ്റ് ആശ്വാസം പകരുന്നുവെന്ന് ബിഡിഒ വിദഗ്ധർ
- മെഡിക്കല്‍ കോളേജുകളുടെ എണ്ണം വിപുലീകരിക്കുക എന്ന ലക്ഷ്യം നിലവാരത്തിലുള്ള പരിചരണമെന്ന ആവശ്യം നിറവേറ്റുന്നതിനുള്ള മികച്ച നീക്കമാണ്
- ആത്മനിര്‍ഭര്‍ എണ്ണക്കുരു അഭിയാന്‍ വഴി സംസ്ഥാനങ്ങളിലെ വിളവ് മെച്ചപ്പെടുത്തുന്നതില്‍ ശ്രദ്ധ കേന്ദ്രീകരിച്ച് ഭക്ഷ്യ എണ്ണയുടെ ഇറക്കുമതിയെ ആശ്രയിക്കുന്നത് കുറയ്ക്കുമെന്ന് പ്രതീക്ഷിക്കുന്നു
- അര്‍ഹരായ ആശാ, അങ്കണവാടി ജീവനക്കാര്‍ക്കുള്ള ആയുഷ്മാന്‍ ഭാരത് ഇന്‍ഷുറന്‍സ് പദ്ധതി വിപുലീകരിക്കുന്നതിനുള്ള മികച്ച നീക്കം ബജറ്റ് മുന്നോട്ട് വക്കുന്നു
ഇന്നലെ ധനമന്ത്രി നിർമല സീതാരാമൻ അവതരിപ്പിച്ച ഇടക്കാല ബജറ്റിനെക്കുറിച്ചുള്ള ബിഡിഒ ഇന്ത്യയിലെ വിദഗ്ധരുടെ അഭിപ്രായങ്ങളാണ് താഴെ കൊടുത്തിരിക്കുന്നത്. തൊഴിൽ, ഫാർമ, ഊർജം, കൃഷി, നികുതി എന്നീ മേഖലകളാണ് ഇവിടെ വിശകലന ചെയ്യുന്നത്.
ക്രോസ്-ബോര്‍ഡര്‍ തൊഴില്‍: ദീപശ്രീ ഷെട്ടി, പങ്കാളി, നികുതി-നിയന്ത്രണ സേവനങ്ങള്‍, ബിഡിഒ ഇന്ത്യ
''അടുത്തിടെ പ്രഖ്യാപിച്ച ഇന്ത്യ-മിഡില്‍ ഈസ്റ്റ്-യൂറോപ്പ് സാമ്പത്തിക ഇടനാഴി ഒരു തന്ത്രപരമായ സാമ്പത്തിക ഗെയിം ചേഞ്ചറായിട്ടാണ് ധനമന്ത്രി ഉദ്ധരിച്ചത്. ബിസിനസ്സിനും കോണ്‍ഫറന്‍സ് ടൂറിസത്തിനുമുള്ള ആകര്‍ഷകമായ സ്ഥലമായാണ് ഇന്ത്യയെ കണക്കാക്കുന്നതിന്റെ ഭാഗമാണിത്. ഇന്ത്യന്‍ വ്യോമയാന മേഖലയിലെ ഉത്തേജകമായ വളര്‍ച്ചയും അടിസ്ഥാന സൗകര്യ വികസന നടപടികളും വര്‍ധിപ്പിച്ചതോടെ അതിര്‍ത്തി കടന്നുള്ള തൊഴിലവസരങ്ങള്‍ ഉള്‍പ്പെടെയുള്ള തൊഴില്‍ സൃഷ്ടിയിലേക്കുള്ള മുന്നേറ്റത്തിന് സഹായകമാവും.
ഹെല്‍ത്ത് ആന്‍ഡ് ഫാര്‍മ; ധ്രുബാ ഘോഷ്, പങ്കാളി, മാനേജ്‌മെന്റ് കണ്‍സള്‍ട്ടിംഗ്, ബഡിഒ ഇന്ത്യ
ഇടക്കാല ബജറ്റില്‍ പൊതുജനാരോഗ്യത്തിന്റെ ആവശ്യങ്ങള്‍ക്കനുസൃതമായുള്ള പ്രഖ്യാപനങ്ങള്‍ ഉണ്ടായത് സന്തോഷകരമാണ്. 9-14 വയസ് പ്രായമുള്ള പെണ്‍കുട്ടികള്‍ക്ക് സെര്‍വിക്കല്‍ കാന്‍സര്‍ വാക്‌സിനുകള്‍ നല്‍കുന്നു. ഒപ്പം രോഗഭാരം കുറയ്ക്കാനുള്ള തീവ്രമായ ദൗത്യം ഇന്ദ്രധനുഷ് ശ്രമങ്ങള്‍ക്കൊപ്പം യുവിഎന്‍ പുറത്തിറക്കിയതും ഉള്‍പ്പെടുന്നു. അര്‍ഹരായ ആശാ, അങ്കണവാടി ജീവനക്കാര്‍ക്കുള്ള ആയുഷ്മാന്‍ ഭാരത് ഇന്‍ഷുറന്‍സ് പദ്ധതി വിപുലീകരിക്കുന്നതിനുള്ള മികച്ച നീക്കം ബജറ്റ് മുന്നോട്ട് വക്കുന്നു. ജനങ്ങളുടെ മുന്നിലേക്ക് എത്തുന്ന വിവിധ സര്‍ക്കാര്‍ പദ്ധതികളില്‍ ഏറെ കാലമായി ഉയര്‍ന്നു വന്നിരുന്ന ആവശ്യമായിരുന്നു ഇത്. മെഡിക്കല്‍ കോളേജുകളുടെ എണ്ണം വിപുലീകരിക്കുക എന്ന ലക്ഷ്യം നിലവാരത്തിലുള്ള പരിചരണമെന്ന ആവശ്യം നിറവേറ്റുന്നതിനുള്ള മികച്ച നീക്കമാണ്.
നിലവിലുള്ള അടിസ്ഥാന സൗകര്യങ്ങള്‍ പ്രയോജനപ്പെടുത്തി കൂടുതല്‍ മികച്ച ഡോക്ടര്‍മാരെ ഉപയോഗപ്പെടുത്താന്‍ ഇതിലൂടെ സാധിക്കും. 1.3 ബില്യണ്‍ ഇന്ത്യക്കാരെ ചികിത്സിക്കുന്നതിന് വേണ്ടത്ര അനുപാതം ഡോക്ടര്‍മാരെ കണക്കാക്കേണ്ടതുണ്ട്. ഏറെ കാലം തീരുമാനാകാതെ കിടന്ന പ്രധാന പ്രശ്‌നങ്ങള്‍ക്ക് ഈ ബജറ്റില്‍ പരിഗണിച്ചിട്ടുണ്ട്.
ഇഎസ്ജി: ദിപങ്കര്‍ ഘോഷ്, പങ്കാളിയും നേതാവും, സുസ്ഥിരതയും ഇഎസ്ജിയും, ബിഡിഒ ഇന്ത്യ
2070 ല്‍ നെറ്റ്-സീറോ അഭിലാഷത്തിലേക്കുള്ള ഇന്ത്യയുടെ ഡീകാര്‍ബണൈസേഷന്‍ പാതയ്ക്ക് വന്‍ പ്രചോദനം നല്‍കുന്നതാണ് ബജറ്റ്. ഇത് സുസ്ഥിര വികസനം എന്ന അമൃത് കാലിന്റെ പ്രധാന സ്തംഭവുമായി ബന്ധിപ്പിക്കുന്നു. ഫോസില്‍ ഇതര ഇന്ധന പരിവര്‍ത്തനത്തിലേക്കുള്ള ഇന്ത്യയുടെ മുന്നേറ്റത്തിന് ബജറ്റ് ഉത്തേജനം നല്‍കുന്നുണ്ട്. കാറ്റില്‍ നിന്നുള്ള ഊര്‍ജ വ്യാപ്തി വിടവ് ഫണ്ടിംഗ്, ബയോഗ്യാസ് ഘട്ടം ഘട്ടമായി മിശ്രിതമാക്കല്‍, ബയോമാസ് അഗ്രഗേഷന്‍ മെഷിനറികള്‍ക്കുള്ള സാമ്പത്തിക സഹായം, റൂഫ്ടോപ്പ് സോളാറൈസേഷനുള്ള പ്രോത്സാഹനങ്ങള്‍, ഇ-മൊബിലിറ്റി സംരംഭങ്ങള്‍, ബയോ നിര്‍മ്മാണം എന്നിവ ഇതില്‍പെടുന്നു.
കൃഷി: സൗമ്യക് ബിശ്വാസ്, പങ്കാളി, മാനേജ്‌മെന്റ് കണ്‍സള്‍ട്ടിംഗ്, ബിഡിഒ ഇന്ത്യ
ഉല്‍പ്പാദനക്ഷമത മെച്ചപ്പെടുത്തല്‍, മൂല്യവര്‍ദ്ധന, സുസ്ഥിര കൃഷി, ഇറക്കുമതി ആശ്രിതത്വം കുറയ്ക്കല്‍, ഡയറി, ഫിഷറീസ് തുടങ്ങിയ അനുബന്ധ മേഖലകളിലെ അതിവേഗ വികസനം, ചെറുകിട സംരംഭങ്ങള്‍ സൃഷ്ടിക്കുന്നതിലൂടെ ഗ്രാമീണ തൊഴിലവസരങ്ങള്‍ എന്നിവ ഉള്‍പ്പെടുന്ന കാര്‍ഷിക മേഖലയിലെ പരിവര്‍ത്തനത്തില്‍ ബജറ്റ്് വ്യക്തമായി ശ്രദ്ധ കേന്ദ്രീകരിക്കുന്നു.
പൊതു-സ്വകാര്യ-പങ്കാളിത്തം (പിപിപി) പ്രോത്സാഹിപ്പിക്കുന്നതിന് ഈ മേഖലയില്‍ നിക്ഷേപം വര്‍ദ്ധിപ്പിക്കുമെന്ന് മാത്രമല്ല, മൂല്യ ശൃംഖലയില്‍ മുന്നേറുന്നതിന് ചെറുതും നാമമാത്രവുമായ ഭൂരിഭാഗം കര്‍ഷകരെ പ്രാപ്തരാക്കുന്നതിന് ആവശ്യമായ വൈദഗ്ധ്യം കൊണ്ടുവരികയും ചെയ്യുമെന്നാണ് പ്രതീക്ഷ.
പ്രധാനമന്ത്രി-മൈക്രോ ഫുഡ് പ്രോസസിംഗ് എന്റര്‍പ്രൈസസ് സ്‌കീമിന്റെ വിഹിതം വര്‍ദ്ധിപ്പിച്ചു. ആസ്പിരേഷനല്‍ ഡിസ്ട്രിക്റ്റ് പ്രോഗ്രാമില്‍ ശ്രദ്ധ കേന്ദ്രീകരിക്കുന്നത് ഗ്രാമീണ തൊഴിലവസരങ്ങള്‍ സൃഷ്ടിക്കുന്നതിനുള്ള അവസരങ്ങള്‍ക്ക് ഉത്തേജനം നല്‍കുമെന്ന് പ്രതീക്ഷിക്കുന്നു, ഇത് ഗ്രാമീണ ആവശ്യകത വര്‍ദ്ധിപ്പിക്കും.
ആത്മനിര്‍ഭര്‍ എണ്ണക്കുരു അഭിയാന്‍ വഴി സംസ്ഥാനങ്ങളിലെ വിളവ് മെച്ചപ്പെടുത്തുന്നതില്‍ ശ്രദ്ധ കേന്ദ്രീകരിച്ച് ഭക്ഷ്യ എണ്ണയുടെ ഇറക്കുമതിയെ ആശ്രയിക്കുന്നത് കുറയ്ക്കുമെന്ന് പ്രതീക്ഷിക്കുന്നു. കുറഞ്ഞ ഉല്‍പ്പാദനക്ഷമതയുള്ള കൂടുതല്‍ പ്രദേശങ്ങള്‍, പാരമ്പര്യേതര പ്രദേശങ്ങളില്‍ വിസ്തൃതി വര്‍ധിപ്പിക്കലും, പുതിയ ഇനങ്ങള്‍ വികസിപ്പിക്കല്‍, വിഭവശേഷി, കര്‍ഷകര്‍ക്ക് സമയോചിതമായ ഇന്‍പുട്ടുകളും പരിശീലനവും നല്‍കുന്നു.
മാറിക്കൊണ്ടിരിക്കുന്ന ഭക്ഷണ രീതികളും വരുമാനം ഉണ്ടാക്കാനുള്ള സാധ്യതയും കണക്കിലെടുത്ത്, ക്ഷീര, മത്സ്യബന്ധന മേഖലയ്ക്കുള്ള (നീല വിപ്ലവവും പിഎംമത്സ്യ സമ്പത്ത് യോജനയും) വര്‍ദ്ധിച്ചുവരുന്ന ചെലവ് ആഭ്യന്തര വിപണിയിലെ പോഷകാഹാരത്തിന്റെ വര്‍ദ്ധിച്ച ആവശ്യം നിറവേറ്റാന്‍ മാത്രമല്ല, മാത്രമല്ല രാജ്യത്ത് നിന്നുള്ള കയറ്റുമതിക്ക് ഉത്തേജനം നല്‍കുകയും ചെയ്യുന്നു.
സംയോജിത അക്വാപാര്‍ക്കുകള്‍ സ്ഥാപിക്കുന്നത് അടിസ്ഥാന സൗകര്യ വികസനത്തിനും മത്സ്യകൃഷി ഉല്‍പ്പാദനക്ഷമത വര്‍ദ്ധിപ്പിക്കുന്നതിനും സഹായിക്കും, ഇത് ദശലക്ഷക്കണക്കിന് മത്സ്യത്തൊഴിലാളികളുടെ/മത്സ്യ കര്‍ഷകരുടെ ഉപജീവനത്തിന് പ്രചോദനം ചെയ്യും
ടിസിഎസ്: നബിന്‍ ബല്ലോഡിയ, പങ്കാളിയും നേതാവും (നോര്‍ത്ത്), ടാക്‌സ് ആന്‍ഡ് റെഗുലേറ്ററി സര്‍വീസസ്, ബിഡിഒ ഇന്ത്യ
പഴയ നികുതി രേഖകളുടെ ഡിജിറ്റലൈസേഷന്‍ കഴിഞ്ഞ വര്‍ഷങ്ങളുമായി ബന്ധപ്പെട്ട ചെറിയ ആവശ്യങ്ങള്‍ നേരിടുന്ന നിരവധി വ്യക്തിഗത നികുതിദായകര്‍ക്ക് കാരണമായി. മിക്ക സാഹചര്യങ്ങളിലും, നികുതി വകുപ്പിന്റെ പക്കല്‍ പോലും അനുബന്ധ രേഖകള്‍ ഇല്ലാത്തതിനാല്‍ വിഷയം നികുതിദായകരില്‍ ആശങ്ക സൃഷ്ടിച്ചു.
ഇത്തരം അപ്രഖ്യാപിത ഡിമാന്‍ഡ് നോട്ടീസുകള്‍ വ്യക്തിഗത നികുതിദായകരെ പ്രകോപിപ്പിച്ചിരുന്നു. പഴയ പെറ്റി ഡിമാന്‍ഡ് 25000 രൂപയായി കുറയ്ക്കാനുള്ള നിര്‍ദ്ദേശം നികുതി വകുപ്പുമായി ആത്മവിശ്വാസം വളര്‍ത്താന്‍ സഹായിക്കുകയും വ്യക്തിഗത നികുതിദായകര്‍ക്ക് വളരെയധികം ആശ്വാസം നല്‍കുകയും ചെയ്യും.
നികുതി, അക്കൗണ്ടിംഗ്, അഷ്വറന്‍സ്, ഉപദേശക സേവനങ്ങള്‍ എന്നിവ വാഗ്ദാനം ചെയ്യുന്ന ഒരു പ്രമുഖ ആഗോള പ്രൊഫഷണല്‍ സേവന സ്ഥാപനമാണ് ബിഡിഒ ഇന്ത്യ. ലോകത്തിലെ അഞ്ചാമത്തെ വലിയ അക്കൗണ്ടിംഗ് സ്ഥാപനമായ ബിഡിഒ ഇന്റര്‍നാഷണലിന്റെ അംഗ സ്ഥാപനമാണ് ഇന്ത്യയിലെ ബിഡിഒ.