'വേള്‍ഡ് ഫുഡ് ഇന്ത്യ'യ്ക്ക് ഇന്ന് തുടക്കം
- ഭക്ഷ്യ സംസ്‌കരണ മേഖലയിലെ നവീകരണം, സാങ്കേതികവിദ്യ, സുസ്ഥിരത എന്നിവ സമ്മേളനത്തില്‍ ചര്‍ച്ചയാകും
- ഭക്ഷ്യ സംസ്‌കരണ മേഖലയുടെ വളര്‍ച്ചയ്ക്കും വികസനത്തിനുമുള്ള ഗവണ്‍മെന്റിന്റെ സംരംഭങ്ങളും ഭാവി പദ്ധതികളും മന്ത്രി ചിരാഗ് പാസ്വാന്‍ വിശദീകരിക്കും
ഭക്ഷ്യ സംസ്‌കരണ വ്യവസായ മന്ത്രാലയം അതിന്റെ പ്രധാന സമ്മേളനം 'വേള്‍ഡ് ഫുഡ് ഇന്ത്യ ഇന്നുമതല്‍ 22വരെയുള്ള തീയതികളില്‍ ദേശീയ തലസ്ഥാനത്ത് നടത്തും.
പരിപാടിയില്‍ 90 രാജ്യങ്ങളില്‍ നിന്നുള്ള പങ്കാളിത്തം ഉണ്ടാകും.
''ഭക്ഷ്യ സംസ്‌കരണ മേഖലയിലെ നവീകരണം, സാങ്കേതികവിദ്യ, സുസ്ഥിരത എന്നിവയുടെ പ്രധാന സംയോജനമാകും സമ്മേളനമെന്ന് വാഗ്ദാനം ചെയ്യുന്നു,'' ഒരു ഔദ്യോഗിക പ്രസ്താവനയില്‍ പറഞ്ഞു.
ഇന്ത്യയിലെ ഭക്ഷ്യ സംസ്‌കരണ മേഖലയുടെ വളര്‍ച്ചയ്ക്കും വികസനത്തിനുമുള്ള ഗവണ്‍മെന്റിന്റെ സംരംഭങ്ങളും ഭാവി പദ്ധതികളും ഉയര്‍ത്തിക്കാട്ടിക്കൊണ്ട് ഭക്ഷ്യ സംസ്‌കരണ മന്ത്രി ചിരാഗ് പാസ്വാന്‍ പരിപാടിയില്‍ സദസിനെ അഭിസംബോധന ചെയ്യും.
തീമാറ്റിക് ചര്‍ച്ചകള്‍, സംസ്ഥാന, രാജ്യ-നിര്‍ദ്ദിഷ്ട കോണ്‍ഫറന്‍സുകള്‍ എന്നിവയുള്‍പ്പെടെ 40-ലധികം വിജ്ഞാന സെഷനുകള്‍ക്ക് ഇവന്റ് ആതിഥേയത്വം വഹിക്കും.
കൂടാതെ, ആഗോള അഗ്രി-ഫുഡ് കമ്പനികളുടെ 100-ലധികം മേധാവികളുമായി വ്യവസായ നേതൃത്വത്തിലുള്ള പാനല്‍ ചര്‍ച്ചകളും നടക്കും.