റായ്ബറേലിയില്‍ പ്രിയങ്ക മത്സരിക്കും
- അമേഠിയില്‍ നിന്ന് രാഹുലും മത്സരിക്കും
- റായ്ബറേലിയില്‍ പ്രിയങ്കയെ സ്വാഗതം ചെയ്തു കൊണ്ടുള്ള പോസ്റ്ററുകള്‍ പ്രത്യക്ഷപ്പെട്ടിരുന്നു
ഇപ്രാവിശ്യം ലോക്‌സഭാ തെരഞ്ഞെടുപ്പില്‍ ഉത്തര്‍പ്രദേശിലെ റായ്ബറേലിയില്‍ നിന്നും കോണ്‍ഗ്രസ് നേതാവ് പ്രിയങ്ക ഗാന്ധി മത്സരിക്കും. ഉത്തര്‍പ്രദേശിലെ അമേഠിയില്‍ നിന്ന് രാഹുലും മത്സരിക്കുമെന്ന് ഏറെക്കുറെ ഉറപ്പായി. അമേഠിയോടൊപ്പം രാഹുല്‍ വയനാടും മത്സരിക്കുമെന്നാണു സൂചന.
2019-ല്‍ അമേഠിയില്‍ ബിജെപി നേതാവ് സ്മൃതി ഇറാനിയോട് രാഹുല്‍ പരാജയപ്പെട്ടിരുന്നു.
കോണ്‍ഗ്രസിന്റെ ഉരക്കു കോട്ടയെന്നാണ് റായ്ബറേലി അറിയപ്പെടുന്നത്. ഇന്ദിരാ ഗാന്ധിയും സോണിയ ഗാന്ധിയും പ്രതിനിധാനം ചെയ്തിട്ടുള്ള മണ്ഡലമാണിത്. 2019-ല്‍ അടക്കം അഞ്ച് തവണയാണ് ഈ ലോക്‌സഭാ മണ്ഡലത്തില്‍നിന്നും സോണിയ ജയിച്ചത്. കഴിഞ്ഞ മാസം സോണിയ രാജസ്ഥാനില്‍ നിന്നും രാജ്യസഭയിലേക്ക് തിരഞ്ഞെടുക്കപ്പെടുകയും ചെയ്തു. ഇനി ലോക്‌സഭയിലേക്കില്ലെന്നു സോണിയ പ്രഖ്യാപിച്ച സാഹചര്യത്തിലാണ് റായ്ബറേലിയിലേക്ക് പ്രിയങ്കയുടെ വരവ്.
ഈയാഴ്ച റായ്ബലേറിയില്‍ പ്രിയങ്കയെ സ്വാഗതം ചെയ്തു കൊണ്ടുള്ള പോസ്റ്ററുകള്‍ പ്രത്യക്ഷപ്പെട്ടിരുന്നു.