യുപിഐ ലൈറ്റ്, യുപിഐ 123 പേ വാലറ്റ് പരിധി ഉയര്‍ത്തി

റിസര്‍വ് ബാങ്ക് ഓഫ് ഇന്ത്യ (ആര്‍ബിഐ) യുപിഐ 123 പേയ്ക്കുള്ള ഓരോ ഇടപാട് പരിധിയും 5,000 രൂപയില്‍ നിന്ന് 10,000 ആയും യുപിഐ ലൈറ്റ് വാലറ്റ് പരിധി 2,000 രൂപയില്‍ നിന്ന് 5,000 ആയും വര്‍ധിപ്പിച്ചതായി പ്രഖ്യാപിച്ചു.

യുപിഐ ലൈറ്റ് വാലറ്റ് പരിധി 2,000 രൂപയില്‍ നിന്ന് 5,000 രൂപയായി ഉയര്‍ത്തുന്നത് ചെറിയ മൂല്യമുള്ള ഇടപാടുകള്‍ സുഗമമാക്കാന്‍ ലക്ഷ്യമിടുന്നു.

ഫീച്ചര്‍ ഫോണ്‍ ഉപഭോക്താക്കള്‍ക്ക് ഡിജിറ്റല്‍ പേയ്മെന്റിന്റെ പ്രയോജനം വര്‍ധിപ്പിക്കാനും ചെറിയ ഇടപാടുകള്‍ക്കായി യുപിഐ ലൈറ്റ് വാലറ്റ് ഉപയോഗിക്കുന്നവരുടെ സൗകര്യം വര്‍ധിപ്പിക്കാനും ഈ നീക്കം ലക്ഷ്യമിടുന്നു.

യുപിഐ ലൈറ്റ് ഉപയോക്താക്കളെ അവരുടെ ഉപകരണത്തില്‍ നേരിട്ട് പണം സ്വീകരിക്കുന്നതിനും, ഓരോ ഇടപാടിനും ബാങ്ക് സെര്‍വര്‍ ആക്സസ് ചെയ്യാതെ തന്നെ പേയ്മെന്റുകള്‍ കാര്യക്ഷമമാക്കുന്നതിനും ദൈനംദിന പേയ്മെന്റുകള്‍ വേഗത്തിലും കാര്യക്ഷമമായും നടത്തുന്നതിനും അനുവദിക്കുന്നു.

ആര്‍ബിഐയും നാഷണല്‍ പേയ്മെന്റ് കോര്‍പ്പറേഷന്‍ ഓഫ് ഇന്ത്യയും (എന്‍പിസിഐ) 2022 മാര്‍ച്ചില്‍ ആരംഭിച്ച UPI 123Pay, ഇന്ത്യയിലെ 400 ദശലക്ഷം ഫീച്ചര്‍ ഫോണ്‍ ഉപയോക്താക്കള്‍ക്ക് ഡിജിറ്റല്‍ ഇടപാടുകള്‍ സാധ്യമാക്കുന്നതിന് രൂപകല്‍പ്പന ചെയ്തിരിക്കുന്നു. സ്മാര്‍ട്ട്ഫോണോ ഇന്റര്‍നെറ്റ് കണക്ഷനോ ആവശ്യമില്ലാതെ യുപിഐ പേയ്മെന്റുകള്‍ നടത്താന്‍ ഇത് ഉപയോക്താക്കളെ അനുവദിക്കുന്നു.

UPI 123Pay ഇടപാടുകള്‍ക്കായി നാല് രീതികള്‍ വാഗ്ദാനം ചെയ്യുന്നു:

ഐവിആര്‍: ഉപയോക്താക്കള്‍ മുന്‍കൂട്ടി നിശ്ചയിച്ച നമ്പറിലേക്ക് വിളിക്കുകയും ഇടപാടുകള്‍ പൂര്‍ത്തിയാക്കാന്‍ വോയ്സ് പ്രോംപ്റ്റുകള്‍ പിന്തുടരുകയും ചെയ്യുക. ഇത് ഒന്നിലധികം ഭാഷകളില്‍ ലഭ്യമാണ്.

മിസ്ഡ് കോള്‍ സമീപനം: ഉപയോക്താക്കള്‍ ഒരു വ്യാപാരി-നിര്‍ദ്ദിഷ്ട നമ്പറിലേക്ക് മിസ്ഡ് കോള്‍ നല്‍കുകയും ഒരു യുപിഐ പിന്‍ ഉപയോഗിച്ച് ഇടപാട് നടത്തുന്നതിന് ഒരു കോള്‍ബാക്ക് സ്വീകരിക്കുകയും ചെയ്യുന്നു.

ആപ്പ് അധിഷ്ഠിത പ്രവര്‍ത്തനം: അടിസ്ഥാന പേയ്മെന്റ് ഫംഗ്ഷനുകള്‍ വാഗ്ദാനം ചെയ്യുന്ന ഫീച്ചര്‍ ഫോണുകള്‍ക്കായുള്ള ലളിതമാക്കിയ യുപിഐ ആപ്പ്.

പ്രോക്സിമിറ്റി സൗണ്ട് അധിഷ്ഠിത പേയ്മെന്റുകള്‍: കോണ്‍ടാക്റ്റ്ലെസ് പേയ്മെന്റുകള്‍ക്കായി ശബ്ദ തരംഗങ്ങള്‍ ഉപയോഗിച്ച് ഉപയോക്താക്കള്‍ ഒരു വ്യാപാരി ഉപകരണത്തില്‍ അവരുടെ ഫോണ്‍ ടാപ്പ് ചെയ്യുന്നു.

UPI 123Pay സജ്ജീകരിക്കാന്‍, ഉപയോക്താക്കള്‍ അവരുടെ ഫീച്ചര്‍ ഫോണില്‍ *99# ഡയല്‍ ചെയ്തും അവരുടെ ബാങ്ക് തിരഞ്ഞെടുത്തും ഡെബിറ്റ് കാര്‍ഡ് വിശദാംശങ്ങള്‍ നല്‍കി ഡജക പിന്‍ സജ്ജീകരിച്ചും ഒരു ഡജക ഐഡി സൃഷ്ടിക്കുന്നു. ഈ സംവിധാനം ഇന്റര്‍നെറ്റ് ആക്സസ് ഇല്ലാതെ സുരക്ഷിതമായ ഇടപാടുകള്‍ അനുവദിക്കുന്നു. സ്മാര്‍ട്ട്ഫോണുകള്‍ ഇല്ലാത്തവരുടെ സാമ്പത്തിക ഇടപാടുകളെ ഇത് പിന്തുണയ്ക്കുന്നു.