സാമൂഹിക-സാമ്പത്തിക സൂചികയില്‍ ബെംഗളൂരു ഒന്നാമത്
- ഏറ്റവും ഉയര്‍ന്ന തൊഴില്‍ പങ്കാളിത്ത നിരക്ക് ബെംഗളൂരുവില്‍
- പ്രധാന നഗരങ്ങളില്‍ ഏറ്റവും കുറഞ്ഞ തൊഴിലില്ലായ്മ നിരക്കും പൂന്തോട്ടനഗരിയില്‍
- ഹൈദരാബാദ് നിക്ഷേപകര്‍ക്കും താമസക്കാര്‍ക്കും ഒരുപോലെ പ്രധാന ലക്ഷ്യസ്ഥാനമായി മാറി
നൈറ്റ് ഫ്രാങ്ക് പ്രൈം സിറ്റി ഇന്‍ഡക്‌സ് റിപ്പോര്‍ട്ട് അനുസരിച്ച്, സാമൂഹിക-സാമ്പത്തിക വളര്‍ച്ചയുടെ കാര്യത്തില്‍, ബെംഗളൂരു വ്യക്തമായ മുന്നേറ്റം കൈവരിച്ചു. രാജ്യത്തെ ഏറ്റവും ഉയര്‍ന്ന തൊഴില്‍ പങ്കാളിത്ത നിരക്ക് ബംഗളൂരുവിലാണ്, 76 ശതമാനം. തൊഴിലില്ലായ്മ നിരക്ക് വെറും 1.8% മാണ്. ഇത് വിശകലനം ചെയ്ത ആറ് വന്‍ നഗരങ്ങളില്‍ ഏറ്റവും കുറവാണ്.
വൈവിധ്യമാര്‍ന്ന ബിസിനസ്സ് പ്രവര്‍ത്തനങ്ങള്‍ കാരണം ബെംഗളൂരുവിന്റെ സാമ്പത്തിക പ്രൊഫൈല്‍ ശക്തമായി നിലകൊള്ളുന്നു.സമീപ വര്‍ഷങ്ങളിലെ ശക്തമായ റിയല്‍ എസ്റ്റേറ്റ് വില്‍പ്പനയുടെ തെളിവാണ് ഇത്. ആഗോള നിക്ഷേപങ്ങള്‍ക്കും പ്രതിഭകള്‍ക്കും ഒരു പ്രധാന ലക്ഷ്യസ്ഥാനമെന്ന നിലയില്‍ നഗരം അതിന്റെ പ്രശസ്തി ഉറപ്പിച്ചുകൊണ്ടിരിക്കുന്നതായും . റിയല്‍ എസ്റ്റേറ്റ് കണ്‍സള്‍ട്ടന്‍സി സ്ഥാപനമായ നൈറ്റ് ഫ്രാങ്ക് പ്രസ്താവനയില്‍ പറഞ്ഞു.
അതേസമയം ഇന്ത്യയില്‍ അതിവേഗം വളരുന്ന നഗരം ഹൈദരാബാദാണെന്ന് റിപ്പോര്‍ട്ട് വ്യക്തമാക്കി. ഹുറുണ്‍ ഇന്ത്യ റിച്ച് ലിസ്റ്റ് 2024 പ്രകാരം, 27 ശതകോടീശ്വരന്മാര്‍ ഉള്‍പ്പെടെ ആകെ 100 സമ്പന്നരായ വ്യക്തികളുമായി ബാംഗ്ലൂര്‍ ഹൈദരാബാദിന് താഴെയാണ്.
അതേസമയം ഹൈദരാബാദ് നിക്ഷേപകര്‍ക്കും താമസക്കാര്‍ക്കും ഒരുപോലെ പ്രധാന ലക്ഷ്യസ്ഥാനമായി മാറിയിരിക്കുന്നു. വിപുലമായ മെട്രോ ശൃംഖലയും ഉയര്‍ന്ന തലത്തിലുള്ള ഹെല്‍ത്ത് കെയര്‍ സൗകര്യങ്ങളുമുള്ള ഫിസിക്കല്‍ ഇന്‍ഫ്രാസ്ട്രക്ചറില്‍ ഡല്‍ഹി-എന്‍സിആര്‍ മുന്നിലാണ്.
ഹൈദരാബാദ് നിവാസികളുടെ സമ്പത്തില്‍ കുതിച്ചുചാട്ടം ഉണ്ടായതായും റിപ്പോര്‍ട്ട് പറയുന്നു. ആഡംബര സ്വത്തുക്കള്‍ തേടുന്ന സമ്പന്നരായ വ്യക്തികളുടെ എണ്ണം വര്‍ധിക്കുന്നു. മുംബൈ, ഡല്‍ഹി തുടങ്ങിയ നഗരങ്ങളെ അപേക്ഷിച്ച് സാമ്പത്തിക സാധ്യതകള്‍, ജീവിത നിലവാരം, താരതമ്യേന താങ്ങാനാവുന്ന റിയല്‍ എസ്റ്റേറ്റ് എന്നിവയാല്‍ ആകര്‍ഷിക്കപ്പെട്ട ഈ ഉയര്‍ന്ന മൂല്യമുള്ള വ്യക്തികള്‍ നഗരത്തിലേക്ക് ഒഴുകുന്നു.
2023-ലെ കണക്കനുസരിച്ച് ഹൈദരാബാദിലെ വാസയോഗ്യമായ വിലകള്‍ 11% വര്‍ധിച്ചു. മുംബൈ-എംഎംആര്‍, ബെംഗളൂരു എന്നിവയ്ക്ക് യഥാക്രമം 7% , 9% എന്നിങ്ങനെ മിതമായ വിലക്കയറ്റം അനുഭവപ്പെട്ടു. ഡല്‍ഹിയില്‍ പാര്‍പ്പിട വിലയില്‍ 6% വര്‍ധനവുണ്ടായി.