ജിഎസ്ടി വെട്ടിപ്പ് തടയാന്‍ സര്‍ക്കാര്‍ 'ആപ്പ്': ഉപഭോക്താക്കള്‍ക്ക് നേടാം 5 കോടിയുടെ സമ്മാനം
തിരുവനന്തപുരം : ചരക്ക് സേവന നികുതി സംബന്ധിച്ച് വെട്ടിപ്പുകള്‍ തടയുന്നതിനും സാധനങ്ങളും സേവനങ്ങളും വാങ്ങുമ്പോള്‍ ബില്ല് ചോദിച്ച് വാങ്ങാന്‍ പൊതുജനത്തെ പ്രേരിപ്പിക്കുന്നതിനമായി ലക്കി ബില്‍ ആപ്പ് ഇറക്കാന്‍ കേരള സര്‍ക്കാര്‍. പ്രതിവര്‍ഷം 5 കോടി രൂപയുടെ വരെ സമ്മാനങ്ങള്‍ നേടാനുള്ള അവസരവും ലക്കി ബില്‍ ആപ്പ് ഉപഭോക്താക്കള്‍ക്ക് ലഭിക്കും. സംസ്ഥാന ചരക്ക് സേവന നികുതി വകുപ്പാണ് മൊബൈല്‍ ആപ്പ് പുറത്തിറക്കുന്നത്. ആപ്പിന്റെ ഉദ്ഘാടനം ആഗസ്റ്റ് 16-ന് വൈകിട്ട് നാല് മണിക്ക് മുഖ്യമന്ത്രി പിണറായി വിജയന്‍ നിര്‍വ്വഹിക്കും. ധനകാര്യവകുപ്പ് […]
തിരുവനന്തപുരം : ചരക്ക് സേവന നികുതി സംബന്ധിച്ച് വെട്ടിപ്പുകള്‍ തടയുന്നതിനും സാധനങ്ങളും സേവനങ്ങളും വാങ്ങുമ്പോള്‍ ബില്ല് ചോദിച്ച് വാങ്ങാന്‍ പൊതുജനത്തെ പ്രേരിപ്പിക്കുന്നതിനമായി ലക്കി ബില്‍ ആപ്പ് ഇറക്കാന്‍ കേരള സര്‍ക്കാര്‍. പ്രതിവര്‍ഷം 5 കോടി രൂപയുടെ വരെ സമ്മാനങ്ങള്‍ നേടാനുള്ള അവസരവും ലക്കി ബില്‍ ആപ്പ് ഉപഭോക്താക്കള്‍ക്ക് ലഭിക്കും. സംസ്ഥാന ചരക്ക് സേവന നികുതി വകുപ്പാണ് മൊബൈല്‍ ആപ്പ് പുറത്തിറക്കുന്നത്.
ആപ്പിന്റെ ഉദ്ഘാടനം ആഗസ്റ്റ് 16-ന് വൈകിട്ട് നാല് മണിക്ക് മുഖ്യമന്ത്രി പിണറായി വിജയന്‍ നിര്‍വ്വഹിക്കും. ധനകാര്യവകുപ്പ് മന്ത്രി കെ.എന്‍.ബാലഗോപാല്‍ അദ്ധ്യക്ഷനാകും. പൊതുജനങ്ങള്‍ വാങ്ങുന്ന സാധനങ്ങളുടെയും സേവനങ്ങളുടെയും ബില്ലുകള്‍ നേരിട്ട് വകുപ്പിന് ലഭ്യമാക്കുക എന്ന ലക്ഷ്യത്തോടെയാണ് സംസ്ഥാന ചരക്ക് സേവന നികുതി വകുപ്പ് ലക്കി ബില്‍ ആപ്പ് പുറത്തിറക്കുന്നത്.
ഇത് സാധനങ്ങളും സേവനങ്ങളും വാങ്ങുമ്പോള്‍ ബില്ല് ചോദിച്ച് വാങ്ങാന്‍ പൊതുജനത്തെ പ്രേരിപ്പിക്കുന്നതോടൊപ്പം കൃത്യമായ ബില്ല് നല്‍കാന്‍ വ്യാപാരികളെ നിര്‍ബന്ധിതമാക്കുകയും ചെയ്യും. ജനങ്ങള്‍ നല്‍കുന്ന നികുതി പൂര്‍ണ്ണമായും സര്‍ക്കാരിലേക്ക് എത്തുന്നതോടെ സര്‍ക്കാരിന്റെ നികുതി വരുമാനത്തില്‍ ഗണ്യമായ വര്‍ധനവ് ഉണ്ടാകും. ലക്കി ബില്‍ ആപ്പില്‍ അപ്‌ലോഡ് ചെയ്യപ്പെടുന്ന ബില്ലുകള്‍ക്ക് നറുക്കെടുപ്പിലൂടെ പ്രതിദിന, പ്രതിവാര, പ്രതിമാസ സമ്മാനങ്ങള്‍ കൂടാതെ ബമ്പര്‍ സമ്മാനവും നല്‍കും.
പ്രതിദിന നറുക്കെടുപ്പിലൂടെ കുടുംബശ്രീ നല്‍കുന്ന 1000/ (ആയിരം രൂപ) വിലവരുന്ന ഗിഫ്റ്റ് പാക്കറ്റ് 25 പേര്‍ക്കും, വനശ്രീ നല്‍കുന്ന 1000/ (ആയിരം രൂപ) വിലവരുന്ന സമ്മാനങ്ങള്‍ 25 പേര്‍ക്കും ലഭിക്കും. പ്രതിവാര നറുക്കെടുപ്പിലൂടെ കെ.ടി.ഡി.സിയുടെ 3 പകല്‍/2 രാത്രി വരുന്ന സൗജന്യ ഫാമിലി താമസസൗകര്യം 25 പേര്‍ക്ക് ലഭിക്കും. പ്രതിമാസ നറുക്കെടുപ്പില്‍ ഒന്നാം സമ്മാനം നേടുന്ന ആള്‍ക്ക് 10 ലക്ഷം രൂപയും, രണ്ടാം സമ്മാനം 2 ലക്ഷം വീതം 5 പേര്‍ക്കും, മൂന്നാം സമ്മാനം 1 ലക്ഷം രൂപ വീതം 5 പേര്‍ക്കും ലഭിക്കും.
ബമ്പര്‍ സമ്മാന വിജയിക്ക് 25 ലക്ഷം രൂപയും ലഭിക്കും. പ്രതിവര്‍ഷം 5 കോടി രൂപയുടെ സമ്മാനങ്ങളാണ് ലക്കി ബില്‍ ആപ്പ് ഉപയോക്താക്കള്‍ക്ക് ലഭിക്കുന്നത്. ലക്കി ബില്‍ മൊബൈല്‍ ആപ്പ് ഗൂഗിള്‍ പ്ലേ സ്റ്റോറില്‍ നിന്നും സംസ്ഥാന ചരക്ക് സേവന നികുതി വെബ്‌സൈറ്റായ www.keralataxes.gov.in ല്‍ നിന്നും ഇന്‍സ്റ്റാള്‍ ചെയ്യാം. തുടര്‍ന്ന് പേര്, വിലാസം, മൊബൈല്‍ നമ്പര്‍ എന്നിവ നല്‍കി രജിസ്റ്റര്‍ ചെയ്യണം. ശേഷം ഉപയോക്താക്കള്‍ക്ക് സാധനങ്ങളുടെയും സേവനങ്ങളുടെയും ബില്ലുകള്‍ അപ്‌ലോഡ് ചെയ്യാം.