നേട്ടത്തിലേക്ക് തിരിച്ചെത്തി വിപണി; കരുത്തായിഎച്ച്‌ഡി‌എഫ്‌സി, റിലയൻസ് ഇൻഡസ്ട്രീസ് ഓഹരികൾ

എട്ട് ദിവസത്തെ ഇടിവിന് ശേഷം ഓഹരി വിപണി ഇന്ന് നേട്ടത്തിലേക്ക് തിരിച്ചെത്തി. സെൻസെക്സ് 68.47 പോയിന്റ് അഥവാ 0.09% ഉയർന്ന് 76,007.68 ൽ ക്ലോസ് ചെയ്തു. നിഫ്റ്റി 37.25 പോയിന്റ് അഥവാ 0.16% ഉയർന്ന് 22,966.50 ൽ ലെത്തി.

രാവിലെ സൂചികകൾ ചുവപ്പിലാണ് വ്യാപാരം ആരംഭിച്ചതെങ്കിലും എച്ച്‌ഡി‌എഫ്‌സി ബാങ്ക്, റിലയൻസ് ഇൻഡസ്ട്രീസ് എന്നി ഓഹരികളിലെ വാങ്ങലുകൾ വിപണിയുടെ തിരിച്ചു വരവിനു കാരണമായി.

സെൻസെക്സ് ഓഹരികൾ

ബജാജ് ഫിൻസെർവ്, പവർ ഗ്രിഡ്, ഇൻഡസ്ഇൻഡ് ബാങ്ക്, അദാനി പോർട്ട്സ്, അൾട്രാടെക് സിമന്റ്, എച്ച്ഡിഎഫ്സി ബാങ്ക്, സൊമാറ്റോ, ടാറ്റ മോട്ടോഴ്സ് എന്നിവയാണ് ഇന്ന് നേട്ടമുണ്ടാക്കിയ ഓഹരികൾ.  അതേസമയം മഹീന്ദ്ര ആൻഡ് മഹീന്ദ്ര, ഭാരതി എയർടെൽ, ടാറ്റ കൺസൾട്ടൻസി സർവീസസ്, ഇൻഫോസിസ്, ഐസിഐസിഐ ബാങ്ക്, ഐടിസി എന്നി ഓഹരികൾ നഷ്ടത്തിൽ വ്യാപാരം അവസാനിപ്പിച്ചു.

സെക്ടറൽ സൂചിക

മേഖലാ തലത്തിൽ നിഫ്റ്റി ഫാർമ സൂചികയാണ് ഇന്ന് ഏറ്റവും കൂടുതൽ നേട്ടമുണ്ടാക്കിയത്. സൂചിക  1.27% ഉയർന്നു. നിഫ്റ്റി കൺസ്യൂമർ ഡ്യൂറബിൾസ്, നിഫ്റ്റി മെറ്റൽ, നിഫ്റ്റി ഓയിൽ ആൻഡ് ഗ്യാസ്, നിഫ്റ്റി ബാങ്ക് എന്നിവ യഥാക്രമം 0.32- 0.82 ശതമാനത്തോളം ഉയർന്നു.

മിഡ്ക്യാപ് സൂചിക 0.4 ശതമാനവും സ്മോൾക്യാപ് സൂചിക 0.6 ശതമാനവും ഉയർന്നു. ഇന്ത്യ വിക്സ് 4.71ശതമാനം ഉയർന്ന് 15.72 ൽ എത്തി.

ആഗോള വിപണികൾ

ഏഷ്യൻ വിപണികളിൽ, സിയോൾ, ടോക്കിയോ, ഷാങ്ഹായ് എന്നിവ നേട്ടം കൈവരിച്ചപ്പോൾ ഹോങ്കോംഗ് താഴ്ന്ന നിലയിലാണ് വ്യാപാരം അവസാനിപ്പിച്ചത്. യൂറോപ്യൻ വിപണികൾ ഉയർന്ന നിലയിലാണ് വ്യാപാരം നടത്തുന്നത്. വെള്ളിയാഴ്ച യുഎസ് വിപണികൾ താഴ്ന്ന നിലയിലാണ് വ്യാപാരം അവസാനിപ്പിച്ചത്.

ആഗോള എണ്ണ സൂചികയായ ബ്രെന്റ് ക്രൂഡ് ഓയിൽ 0.21 ശതമാനം ഉയർന്ന് ബാരലിന് 74.90 യുഎസ് ഡോളറിലെത്തി. ഡോളറിനെതിരെ രൂപയുടെ മൂല്യം 16 പൈസ ഇടിഞ്ഞ് 86.87 ൽ ക്ലോസ് ചെയ്തു.