കേരള കമ്പനികൾ ഇന്ന്: മണപ്പുറവും പോപ്പീസും മുന്നേറ്റത്തിൽ, തിളങ്ങി പ്രൈമ അഗ്രോ ഓഹരികൾ

കേരളാ കമ്പനികളില്‍ ഭൂരിഭാഗം ഓഹരികളും ഇന്ന് നേട്ടത്തിലാണ് ക്ലോസ് ചെയ്തത്. പ്രൈമ അഗ്രോ ഓഹരികളായിരുന്നു ഇന്ന് ഏറ്റവും കൂടുതൽ നേട്ടമുണ്ടാക്കിയത്. മുൻ ദിവസത്തെ ക്ലോസിംഗിൽ നിന്നും 14.53 ശതമാനം ഉയർന്ന ഓഹരികൾ 24.43 രൂപയിലാണ് വ്യാപാരം അവസാനിപ്പിച്ചത്. ഇതോടെ കമ്പനിയുടെ വിപണി മൂല്യം 12 കോടി രൂപയിലെത്തി. ഓഹരികളുടെ 52 ആഴ്ച്ചയിലെ ഉയർന്ന വില 36.50 രൂപയും താഴ്ന്ന വില 20.86 രൂപയുമാണ്.

പോപ്പിസ് കെയർ ഓഹരികൾ 5 ശതമാനം ഉയർന്ന് 67.03 രൂപയിൽ ക്ലോസ് ചെയ്തു. മണപ്പുറം ഫിനാൻസ് ഓഹരികൾ 6.78 ശതമാനം നേട്ടത്തോടെ 202.16 രൂപയിലെത്തി. കൊച്ചിൻ ഷിപ്യാർഡ് ഓഹരികൾ 4.70 ശതമാനം വർധനയോടെ 1293 രൂപയിൽ വ്യാപാരം അവസാനിപ്പിച്ചു. കിറ്റക്സ് ഓഹരികൾ 5 ശതമാനം നേട്ടത്തോടെ 199.76 രൂപയിൽ വ്യാപാരം അവസാനിപ്പിച്ചു.

കല്യാണ്‍ ജുവലേഴ്‌സ് ഓഹരികൾ 0.19 ശതമാനം ഇടിഞ്ഞ് 483.4 രൂപയിൽ ക്ലോസ് ചെയ്തു. സ്‌കൂബീ ഡേ ഗാര്‍മെന്റ്‌സ് ഓഹരികൾ 1.98 ശതമാനം ഇടിവോടെ 11.2 രൂപയിലെത്തി. പ്രൈമ ഇന്‍ഡസ്ട്രീസ് ഓഹരികൾ 2.00 ശതമാനം നഷ്ടം നൽകി 25 രൂപയിൽ വ്യാപാരം അവസാനിപ്പിച്ചു. കെ.എസ്.ഇ ഓഹരികൾ 1.98 ശതമാനം താഴ്ന്ന് 1943.1 രൂപയിൽ ക്ലോസ് ചെയ്തു. സെല്ല സ്‌പേസ് ഓഹരികൾ 4.96 ശതമാനം ഇടിവോടെ 9.97 രൂപയിലെത്തി.