കേരള കമ്പനികൾ ഇന്ന്: കുതിപ്പില്‍ വി-ഗാര്‍ഡ് ഓഹരികൾ

കേരളാ കമ്പനികളില്‍ വി- ഗാര്‍ഡ് ഓഹരികളായിരുന്നു ഇന്ന് ഏറ്റവും കൂടുതൽ നേട്ടമുണ്ടാക്കിയത്. മുൻ ദിവസത്തെ ക്ലോസിംഗിൽ നിന്നും 4.16 ശതമാനം ഉയർന്ന ഓഹരികൾ 344.40 രൂപയിലാണ് വ്യാപാരം അവസാനിപ്പിച്ചത്. ഇതോടെ കമ്പനിയുടെ വിപണി മൂല്യം 15,064 കോടി രൂപയിലെത്തി. ഓഹരികളുടെ 52 ആഴ്ച്ചയിലെ ഉയർന്ന വില 577.45 രൂപയും താഴ്ന്ന വില 303.10 രൂപയുമാണ്.

കേരള ആയുർവേദ  ഓഹരികൾ 4.20 ശതമാനം ഉയർന്ന് 345.10 രൂപയിൽ ക്ലോസ് ചെയ്തു. നിറ്റാ ജെലാറ്റിന്‍ ഓഹരികൾ 3.49 ശതമാനം നേട്ടത്തോടെ 697.50 രൂപയിലെത്തി. വെസ്റ്റേണ്‍ ഇന്ത്യ പ്ലൈവുഡ്സ് ഓഹരികൾ 3.21 ശതമാനം വർധനയോടെ 193 രൂപയിൽ വ്യാപാരം അവസാനിപ്പിച്ചു. ഇസാഫ് സ്മാൾ ഫിനാൻസ് ബാങ്ക് ഓഹരികൾ 3.20 ശതമാനം നേട്ടത്തോടെ 30.99 രൂപയിൽ വ്യാപാരം അവസാനിപ്പിച്ചു.

കിറ്റെക്സ് ഓഹരികൾ 5 ശതമാനം ഇടിഞ്ഞ് 190.50 രൂപയിൽ ക്ലോസ് ചെയ്തു. മുത്തൂറ്റ് ഫിനാൻസ് ഓഹരികൾ 3.30 ശതമാനം ഇടിവോടെ 2201.15 രൂപയിലെത്തി. പ്രൈമ അഗ്രോ ഓഹരികൾ 8.15 ശതമാനം നഷ്ടം നൽകി 22.30 രൂപയിൽ വ്യാപാരം അവസാനിപ്പിച്ചു. അപ്പോളോ ടയർസ് ഓഹരികൾ 2.41 ശതമാനം താഴ്ന്ന് 408.30 രൂപയിൽ ക്ലോസ് ചെയ്തു. കല്യാൺ ജൂവലേഴ്‌സ് ഓഹരികൾ 2.16 ശതമാനം ഇടിവോടെ 483.20 രൂപയിലെത്തി.