സ്മാര്‍ട്ട്‌ഫോണിനും ഇലക്ട്രോണിക്‌സ് ഉത്പന്നങ്ങള്‍ക്കും പകരച്ചുങ്കം ഒഴിവാക്കിയാതായി യുഎസ് പ്രസിഡന്റ് ഡൊണാൾഡ് ട്രംപ് പ്രഖ്യാപിച്ചതോടെ തിങ്കളാഴ്ച ഏഷ്യൻ വിപണികൾ ഉയർന്നു. ജപ്പാന്റെ നിക്കി 225 1.8% ഉയർന്ന് 34,189.37 ലും ദക്ഷിണ കൊറിയയുടെ കോസ്പി 0.8% ഉയർന്ന് 2,452.42 ലും എത്തി.
വെള്ളിയാഴ്ച യുഎസ് ഓഹരികൾ കുതിച്ചുയർന്നതിനെത്തുടർന്ന് ഇന്നു രാവിലെ യുഎസ് ഫ്യൂച്ചേഴ്സ് നേട്ടത്തിലാണ്. വെള്ളിയാഴ്ച, എസ് & പി 500 1.8% ഉയർന്ന് 5,363.36 ആയി. ഡൗ ജോൺസ് 1.6% ഉയർന്ന് 40,212.7 ലും നാസ്ഡാക്ക് കമ്പോസിറ്റ് 2.1% ഉയർന്ന് 16,724.46 ലും എത്തി.
മാർച്ചിൽ ചൈനയുടെ കയറ്റുമതി മുൻ വർഷത്തെ അപേക്ഷിച്ച് 12.4% വർദ്ധിച്ചതായി സർക്കാർ റിപ്പോർട്ട് വന്നതിനെത്തുടർന്ന് ഹോങ്കോങ്ങിന്റെ ഹാംഗ് സെങ് 2.4% ഉം ഷാങ്ഹായ് കോമ്പോസിറ്റ് സൂചിക 0.9% ഉം ഉയർന്ന് 3,266.26 ൽ എത്തി.
കമ്പ്യൂട്ടർ ചിപ്പുകളുടെയും മറ്റ് ഹൈടെക് ഉൽപ്പന്നങ്ങളുടെയും കയറ്റുമതിയെ വളരെയധികം ആശ്രയിക്കുന്ന സമ്പദ്‌വ്യവസ്ഥയായ തായ്‌വാനിൽ ടൈക്‌സ് 0.6% ഉയർന്നു. ഓസ്ട്രേലിയയുടെ എസ് & പി / എ‌എസ്‌എക്സ് 200 1.5% കൂടി 7,758.70 ആയി.
തിങ്കളാഴ്ച രാവിലെ നടന്ന വ്യാപാരത്തിൽ, യുഎസ് ബെഞ്ച്മാർക്ക് ക്രൂഡ് ഓയിൽ ബാരലിന് 20 സെന്റ് കുറഞ്ഞ് 61.30 ഡോളറിലെത്തി, അന്താരാഷ്ട്ര നിലവാരത്തിലുള്ള ബ്രെന്റ് ക്രൂഡ് ഓയിൽ ബാരലിന് 20 സെന്റ് കുറഞ്ഞ് 64.56 ഡോളറിലെത്തി. യുഎസ് ഡോളർ 143.91 യെന്നിൽ നിന്ന് 143.05 ജാപ്പനീസ് യെന്നായി കുറഞ്ഞു. യൂറോ 1.1320 ഡോളറിൽ നിന്ന് 1.1379 ഡോളറായി ഉയർന്നു.
