മുംബൈ- കുവൈറ്റ് വിമാന സര്‍വീസുമായി എയര്‍ ഇന്ത്യ എക്സ്പ്രസ്
- മുംബൈയില്‍ നിന്ന് ആഴ്ചതോറും 112 വിമാന സര്‍വീസുകള്‍
- കോഴിക്കോട്, കണ്ണൂര്‍, കൊച്ചി, ചെന്നൈ, തിരുച്ചിറപ്പള്ളി, മംഗലാപുരം, മുംബൈ എന്നീ നഗരങ്ങളില്‍നിന്ന് കുവൈറ്റിലേക്ക് നേരിട്ട് വിമാന സര്‍വീസ്
മുംബൈയില്‍ നിന്ന് കുവൈറ്റിലേക്കും മംഗലാപുരത്തേക്കും രണ്ട് പുതിയ സെക്ടറുകളില്‍ എയര്‍ ഇന്ത്യ എക്സ്പ്രസ് വിമാന സര്‍വീസ് ആരംഭിച്ചു.
ഈ പുതിയ റൂട്ടുകള്‍ നിലവില്‍ വന്നതോടെ എയര്‍ ഇന്ത്യ എക്സ്പ്രസ് ഇപ്പോള്‍ മുംബൈയില്‍ നിന്ന് ആഴ്ചതോറും 112 വിമാന സര്‍വീസുകള്‍ നടത്തുന്നതായി എയര്‍ലൈന്‍ പ്രസ്താവനയില്‍ പറഞ്ഞു.
ഈ വിപുലീകരണത്തോടെ, കോഴിക്കോട്, കണ്ണൂര്‍, കൊച്ചി, ചെന്നൈ, തിരുച്ചിറപ്പള്ളി, മംഗലാപുരം, മുംബൈ എന്നീ ഏഴ് ഇന്ത്യന്‍ നഗരങ്ങളില്‍ നിന്ന് എയര്‍ ഇന്ത്യ എക്സ്പ്രസ് ഇപ്പോള്‍ കുവൈറ്റിലേക്ക് നേരിട്ട് വിമാന സര്‍വീസ് നടത്തുന്നു.
കുവൈറ്റില്‍ നിന്ന് ആഴ്ചയില്‍ 24 വിമാന സര്‍വീസുകളാണ് എയര്‍ലൈനിനുള്ളത്.
കൂടാതെ, കുവൈറ്റിനെ ബെംഗളൂരു, ഡല്‍ഹി, ഗോവ, ഹൈദരാബാദ്, ജയ്പൂര്‍ തുടങ്ങിയ നഗരങ്ങളിലേക്ക് ബന്ധിപ്പിക്കുന്ന 12 വണ്‍-സ്റ്റോപ്പ് യാത്രകള്‍ വാഗ്ദാനം ചെയ്യുന്നുവെന്ന് എയര്‍ ഇന്ത്യ എക്സ്പ്രസ് റിപ്പോര്‍ട്ട് ചെയ്യുന്നു.