ഡോളറിനെതിരെ രൂപയുടെ മൂല്യം ഉയര്‍ന്നു. 19 പൈസയുടെ നേട്ടത്തോടെ 87.00 എന്ന നിലയിലേക്കാണ് രൂപയുടെ മൂല്യം ഉയര്‍ന്നത്. വിദേശ വിപണിയിൽ അമേരിക്കൻ കറൻസിയുടെ ബലഹീനതയും ക്രൂഡ് ഓയിൽ വിലയിലെ ഇടിവുമാണ് രൂപയ്ക്ക് തുണയായത്. ഇന്നലെ യുഎസ് ഡോളറിനെതിരെ രൂപയുടെ മൂല്യം 13 പൈസയുടെ നേട്ടത്തോടെ 87.19 എന്ന നിലയിലാണ് ക്ലോസ് ചെയ്തത്.
അതേസമയം, ആറ് കറൻസികളുടെ ഒരു കൂട്ടത്തിനെതിരെ ഗ്രീൻബാക്കിന്റെ ശക്തി അളക്കുന്ന ഡോളർ സൂചിക, വ്യാപാര താരിഫ് അനിശ്ചിതത്വങ്ങൾക്കിടയിൽ 0.79 ശതമാനം കുറഞ്ഞ് 104.91 എന്ന നിലയിലാണ് വ്യാപാരം നടക്കുന്നത്.
ആഗോള എണ്ണ മാനദണ്ഡമായ ബ്രെന്റ് ക്രൂഡ്, ഫ്യൂച്ചേഴ്സ് വ്യാപാരത്തിൽ 0.75 ശതമാനം ഇടിഞ്ഞ് ബാരലിന് 70.51 ഡോളറിലെത്തി.