മുത്തൂറ്റ് മൈക്രോഫിന്‍ എയുഎം 32% ഉയര്‍ന്നു

മുത്തൂറ്റ് മൈക്രോഫിന്നിന്റെ മാര്‍ച്ച് 31 വരെയുള്ള മാനേജ്മെന്റിന് കീഴിലുള്ള (എയുഎം) ആസ്തി 32 ശതമാനം വര്‍ധിച്ച് 12,194 കോടി രൂപയായി.

ബിസിനസ് അപ്ഡേറ്റ് റിപ്പോര്‍ട്ടില്‍ മുത്തൂറ്റ് മൈക്രോഫിന്‍, 2023-24 കാലയളവില്‍ ലോണ്‍ വിതരണം റെക്കോര്‍ഡ് 10,662 കോടി രൂപയായെന്നും മുന്‍വര്‍ഷത്തെ അപേക്ഷിച്ച് 32 ശതമാനം വര്‍ധനവ് രേഖപ്പെടുത്തിയെന്നും അറിയിച്ചു.

വായ്പാ വിപുലീകരണം, ഉയര്‍ന്ന മാര്‍ജിനുകള്‍, ക്രെഡിറ്റ് ചെലവ് കുറയല്‍ എന്നിവയുടെ ആരോഗ്യകരമായ മിശ്രണത്തിലൂടെ 2024 സാമ്പത്തിക വര്‍ഷത്തില്‍ ഗണ്യമായ വളര്‍ച്ച കൈവരിച്ചതായി കമ്പനി പ്രസ്താവനയില്‍ പറഞ്ഞു. ഇതേ വര്‍ഷത്തില്‍ അസറ്റ് നിലവാരം ശക്തമായി തുടര്‍ന്നു.

അടുത്ത വര്‍ഷത്തേക്കുള്ള ഞങ്ങളുടെ പ്രധാന ശ്രദ്ധാകേന്ദ്രങ്ങളില്‍ അസറ്റ് അണ്ടര്‍ മാനേജ്മെന്റ് വളര്‍ച്ച, അസറ്റ് ക്വാളിറ്റി, ഡിജിറ്റല്‍ ഉള്‍പ്പെടുത്തല്‍, ഉപഭോക്തൃ നിലനിര്‍ത്തല്‍, ഭൂമിശാസ്ത്രപരമായ വിപുലീകരണം എന്നിവ ഉള്‍പ്പെടുന്നതായി മുത്തൂറ്റ് മൈക്രോഫിന്‍ പറഞ്ഞു.

തെലങ്കാന, ഉത്തരാഖണ്ഡ്, ഹിമാചല്‍ പ്രദേശ് എന്നിവിടങ്ങളില്‍ ഉള്‍പ്പെടെ 33.5 ലക്ഷം സജീവ ഉപഭോക്താക്കളും 1,508 ശാഖകളും കമ്പനിക്കുണ്ട്.

എയുഎം വര്‍ഷം തോറും 32 ശതമാനം വര്‍ദ്ധിച്ച് 2024 മാര്‍ച്ച് 31 വരെ 12,194 കോടി രൂപയിലെത്തി. 2023 മാര്‍ച്ച് 31 ലെ 9,208 കോടി രൂപയുമായി താരതമ്യം ചെയ്യുമ്പോഴാണ് ഈ വളര്‍ച്ചയെന്ന് മുത്തൂറ്റ് മൈക്രോഫിന്‍ പറഞ്ഞു.