ഉപഭോഗത്തിന് ഊന്നല്‍ നല്‍കിയുള്ള ബജറ്റ് - വെങ്കിട്ടരാമന്‍ വെങ്കിടേശ്വരന്‍
വികസിത് ഭാരത് എന്ന ലക്ഷ്യത്തെ മുൻനിറുത്തിയുള്ള വികാസനോന്മുഖമായ ബഡ്ജറ്റാണ് അവതരിപ്പിച്ചിരിക്കുന്നത്. കൃഷി, പാദരക്ഷ, തുകൽ, കളിപ്പാട്ടം, ഭക്ഷ്യസംസ്കരണം തുടങ്ങിയ, തൊഴിലാളികൾക്കു പ്രാധാന്യമുള്ള ചെറുകിട- ഇടത്തരം മേഖലകൾക്ക് വലിയ പിന്തുണയാണ് ബഡ്ജറ്റ് നൽകിയിരിക്കുന്നത്. ചെറുകിട- ഇടത്തരം മേഖലകളിൽ ബാങ്ക് നല്കിപ്പോരുന്ന പ്രാധാന്യത്തിന് പൂരകമാവുക വഴി ഇടപാടുകാരുമായുള്ള ബന്ധം ദൃഢമാക്കാൻ ബഡ്ജറ്റ് സഹായിക്കുന്നു. വരുമാനനികുതി നിരക്കിൽ വരുത്തിയ കുറവ് ഉപഭോഗത്തിന്റെ വളർച്ചയ്ക്ക് സഹായമാകും. കഴിഞ്ഞ വര്ഷം പ്രഖ്യാപിച്ച സാമ്പത്തിക ഏകീകരണ പദ്ധതി തുടരുന്നതാണ്. കാപെക്‌സിനു ചെലവഴിക്കുന്ന തുക അടിസ്ഥാന സൗകര്യമേഖലയുടെ ഉണർവിനും തൊഴിൽ സൃഷ്ടിക്കലിനും വഴിയൊരുക്കും. ചുരുക്കിപ്പറഞ്ഞാൽ ഉപഭോഗത്തിന് ഊന്നൽ കൊടുത്തുകൊണ്ടുള്ള സമതുലിത ബഡ്ജറ്റ് ആണ് അവതരിപ്പിച്ചത്.
- വെങ്കിട്ടരാമന്‍ വെങ്കിടേശ്വരന്‍, ഫെഡറല്‍ ബാങ്ക് ഗ്രൂപ്പ് പ്രസിഡന്റ് ആന്‍ഡ് സിഎഫ്ഒ
ആരോഗ്യപരിരക്ഷ എല്ലാവർക്കും പ്രാപ്യമാവുന്നതും താങ്ങാനാവുന്നതുമാക്കുന്നതാണ് പുതിയ യൂണിയൻ ബജറ്റ് 2025. ആരോഗ്യമേഖലയ്ക്ക് ₹99,858.56 കോടി രൂപ വകയിരുത്തിയതും 10,000 പുതിയ മെഡിക്കൽ സീറ്റുകൾ കൊണ്ടുവരുന്നതും ആരോഗ്യ സേവനങ്ങൾ മെച്ചപ്പെടുത്തും. എന്നാൽ അടിസ്ഥാന സൗകര്യങ്ങളുടെ കുറവും ഫാക്കൽറ്റികളുടെ പരിമിതികളും ഗുണനിലവാരത്തെ ബാധിച്ചേക്കാം. ഡേകെയർ ക്യാൻസർ സെൻ്ററുകൾ സ്ഥാപിക്കുന്നത് ഒരു നല്ല ചുവടുവയ്പ്പാണെങ്കിലും പരിശീലനം ലഭിച്ച പ്രൊഫഷണലുകളും ആധുനിക സൗകര്യങ്ങളും ആശ്രയിച്ചിരിക്കും അവയുടെ വിജയം. ജീവൻ രക്ഷാ മരുന്നുകൾക്ക് കസ്റ്റംസ് തീരുവ ഒഴിവാക്കുന്നത് ചെലവ് കുറയ്ക്കുന്നുണ്ടെങ്കിലും ഇറക്കുമതി ചെയ്യുന്ന മരുന്നുകളെ ആശ്രയിക്കുന്നത് ആശങ്കാജനകമാണ്. മെഡിക്കൽ ടൂറിസത്തെ പ്രോത്സാഹിപ്പിക്കുന്നത് സാധ്യതകൾ നൽകുന്നുണ്ടെങ്കിലും, ലോജിസ്റ്റിക്ക്, റെഗുലേറ്ററി തടസ്സങ്ങൾ പരിഹരിക്കുന്നത് പ്രധാനമാണ്. പ്രാഥമിക ആരോഗ്യ സംരക്ഷണം, ഡിജിറ്റലൈസേഷൻ, ആരോഗ്യ ഇൻഷുറൻസ് വിപുലീകരിക്കൽ എന്നിവയിൽ ശ്രദ്ധ കേന്ദ്രീകരിക്കുന്നതിൽ ബജറ്റിന്റെ ശ്രദ്ധക്കുറവ് ദീർഘകാല പുരോഗതിയെ തടസ്സപ്പെടുത്തിയേക്കാം. ഈ സംരംഭങ്ങളുടെയെല്ലാം വിജയത്തിന് ഫലപ്രദമായ നടപ്പാക്കൽ നിർണായകമാണ്.
എസ് കെ അബ്ദുള്ള
മാനേജിംഗ് ഡയറക്ടർ
വിപിഎസ് ലേക്‌ഷോർ