480 മെഗാവാട്ട് വൈദ്യുതി വിതരണത്തിനായി രണ്ട് കരാറില്‍ ഒപ്പുവച്ച് ജുനൈപ്പര്‍ ഗ്രീന്‍
- 480 മെഗാവാട്ട് വൈദ്യുതി വിതരണം ചെയ്യുന്നതിനായി രണ്ട് കരാറുകളില്‍ ഒപ്പുവെച്ചതായി ബുധനാഴ്ച അറിയിച്ചു
- ജിയുവിഎന്‍എല്‍ ഹൈബ്രിഡ് ഫേസ് 1 പ്രോജക്റ്റിന് 190 മെഗാവാട്ട് ഹൈബ്രിഡ് ശേഷിയുണ്ട്
- ഗുജറാത്തിലും രാജസ്ഥാനിലുമായി 290 മെഗാവാട്ട് ഹൈബ്രിഡ് ശേഷിയുള്ള എന്‍ടിപിസി ഹൈബ്രിഡ് ട്രാഞ്ച് -1 ഉള്‍ക്കൊള്ളുന്നു
ജുനൈപ്പര്‍ ഗ്രീന്‍ എനര്‍ജി ഗുജറാത്ത് ഊര്‍ജ വികാസ് നിഗം, എന്‍ടിപിസി എന്നിവയ്ക്ക് സോളാര്‍-വിന്‍ഡ് ഹൈബ്രിഡ് ശേഷിയില്‍ നിന്ന് 480 മെഗാവാട്ട് വൈദ്യുതി വിതരണം ചെയ്യുന്നതിനായി രണ്ട് കരാറുകളില്‍ ഒപ്പുവെച്ചതായി ബുധനാഴ്ച അറിയിച്ചു. കമ്പനിയുടെ പ്രസ്താവന പ്രകാരം, ജിയുവിഎന്‍എല്‍ ഹൈബ്രിഡ് ഫേസ് 1 പ്രോജക്റ്റിന് 190 മെഗാവാട്ട് ഹൈബ്രിഡ് ശേഷിയുണ്ട്. 140 മെഗാവാട്ട് സോളാറും 50 മെഗാവാട്ട് വിന്‍ഡ് എനര്‍ജിയും ഇതില്‍ ഉള്‍പ്പെടുന്നു. പ്രതിവര്‍ഷം 412 ദശലക്ഷം യൂണിറ്റ് വൈദ്യുതി ഉല്‍പ്പാദിപ്പിക്കാനും 3,84,067 ടണ്‍ കാര്‍ബണ്‍ പുറന്തള്ളലിനുമായി 82,016 വീടുകള്‍ക്ക് ശുദ്ധമായ ഊര്‍ജം നല്‍കാനും ഇത് സജ്ജീകരിച്ചിരിക്കുന്നു.
ഗുജറാത്തിലും രാജസ്ഥാനിലുമായി 290 മെഗാവാട്ട് ഹൈബ്രിഡ് ശേഷിയുള്ള എന്‍ടിപിസി ഹൈബ്രിഡ് ട്രാഞ്ച് -1 ഉള്‍ക്കൊള്ളുന്നു. ഈ പദ്ധതി പ്രതിവര്‍ഷം 633 മില്ല്യണ്‍ യൂണിറ്റ്‌സ് വൈദ്യുതി ഉല്‍പ്പാദിപ്പിക്കുകയും കാര്‍ബണ്‍ പുറന്തള്ളല്‍ 5,90,810 ടണ്‍ കുറയ്ക്കുകയും 1,26,165 വീടുകളില്‍ വൈദ്യുതി എത്തിക്കുകയും ചെയ്യും.
ജിയുവിഎന്‍എല്‍, എന്‍ടിപിസി എന്നിവയുമായുള്ള ഈ തന്ത്രപരമായ പങ്കാളിത്തം, ഹൈബ്രിഡ് എനര്‍ജി സൊല്യൂഷനുകള്‍ക്ക് തുടക്കമിടുന്നതിനുള്ള ശ്രമങ്ങളെ പ്രതിനിധീകരിക്കുന്നു.