മികച്ച സമ്പത്ത് നേടിയെടുക്കാന്‍ ഏതുരാജ്യം തെരഞ്ഞെടുക്കണം?

സമ്പന്ന ഇന്ത്യാക്കാര്‍ സ്വിറ്റ്‌സര്‍ലാന്‍ഡ് തെരഞ്ഞെടുക്കുന്നത് എന്തുകൊണ്ടായിരിക്കും. അതിനുത്തരം പൗരത്വ ഉപദേശക സ്ഥാപനമായ ഹെന്‍ലി&പാര്‍ട്‌നേഴ്‌സ് പുറത്തിറക്കിയ ഇന്‍ഡെക്‌സ് ആണ്. ഈ പട്ടിക പ്രകാരം തങ്ങള്‍ക്കും അവരുടെ കുട്ടികള്‍ക്കും ഉയര്‍ന്ന വരുമാനവും മികച്ച തൊഴില്‍ സാധ്യതകളും ലഭ്യമാക്കാന്‍ ആഗ്രഹിക്കുന്ന കുടുംബങ്ങള്‍ക്ക് സ്വിറ്റ്‌സര്‍ലാന്‍ഡ് മികച്ച അവസരങ്ങള്‍ വാഗ്ദാനം ചെയ്യുന്നു. അതുവഴി കൂടുതല്‍ സമ്പത്ത് സമ്പാദിക്കുന്നതിനും ഇവിടം വഴിയൊരുക്കുന്നു. പട്ടികയില്‍ രണ്ടാമത് യുഎസും മൂന്നാമത് സിംഗപ്പൂരുമാണ്.

പ്രീമിയം വിദ്യാഭ്യാസം, തൊഴിലവസരങ്ങള്‍, വരുമാന സാധ്യതകള്‍, തൊഴില്‍ പുരോഗതി, സാമ്പത്തിക ചലനാത്മകത, ജീവിതക്ഷമത എന്നിവ വിലയിരുത്തിയ ശേഷമാണ് പട്ടിക പ്രസിദ്ധീകരിച്ചത്. ഭാവി തലമുറകള്‍ക്ക് അവരുടെ കരിയര്‍ മുന്നോട്ട് കൊണ്ടുപോകുന്നതിനും അവരുടെ വരുമാന സാധ്യതകള്‍ വര്‍ധിപ്പിക്കുന്നതിനും മികച്ച പരിസ്ഥിതി വ്യവസ്ഥകള്‍ വാഗ്ദാനം ചെയ്യുന്ന സ്ഥലങ്ങള്‍ തിരിച്ചറിയുന്നതിനും ഈ ഇന്‍ഡെക്‌സ് സഹായിക്കുന്നു.

വിപുലീകരിച്ച ആഗോള പ്രവേശന അവകാശങ്ങള്‍ക്കൊപ്പം മികച്ച വിദ്യാഭ്യാസം എങ്ങനെ അടുത്ത തലമുറയ്ക്ക് സുപ്രധാന അവസരങ്ങള്‍ സൃഷ്ടിക്കുന്നുവെന്നും അവരുടെ കരിയര്‍ സാധ്യതകള്‍ വര്‍ധിപ്പിക്കുന്നുവെന്നും സമ്പാദിക്കാനുള്ള സാധ്യതകള്‍, സാമ്പത്തിക ചലനാത്മകത എന്നിവയും ഹെന്‍ലി ആന്‍ഡ് പാര്‍ട്ണേഴ്സിന്റെ പുതിയ ഗവേഷണം കാണിക്കുന്നു. 27 രാജ്യങ്ങളിലെ സാധ്യതകള്‍ അവര്‍ പരിശോധിച്ചു.

'ഹെന്‍ലി ഓപ്പര്‍ച്യുണിറ്റി ഇന്‍ഡക്സിലെ താരതമ്യ ഫംഗ്ഷന്‍ ഉപയോഗിച്ച്, അവരുടെ മാതൃരാജ്യത്ത് സാധ്യതകള്‍ വെറും 25% മാത്രമുള്ള ഒരു ഇന്തോനേഷ്യന്‍ കുടുംബത്തിന് യുഎസിലെ താമസാവകാശം ആക്സസ് ചെയ്യുന്നതിലൂടെ അടുത്ത തലമുറയുടെ വിജയസാധ്യത 82% ആയി ഉയര്‍ത്താനാകുമെന്ന് തെളിയിക്കുന്നു. അതുപോലെ, 32% ഉള്ള ഒരു ഇന്ത്യന്‍ കുടുംബത്തിന്, സ്വിസ് റെസിഡന്‍സ് പ്രോഗ്രാമിലൂടെ സ്വിറ്റ്‌സര്‍ലന്‍ഡിലേക്ക് മാറുന്നത് അവരുടെ നേട്ടം 85% ആയും വര്‍ധിപ്പിക്കുന്നു.

യുഎഇയുടെ ഗോള്‍ഡന്‍ വിസ, ന്യൂസിലന്‍ഡിന്റെ പുതിയ ആക്റ്റീവ് ഇന്‍വെസ്റ്റര്‍ പ്ലസ് വിസ എന്നിവയിലൂടെയുള്ള മറ്റ് നിക്ഷേപ മൈഗ്രേഷന്‍ ഓപ്ഷനുകള്‍ അടുത്ത തലമുറയ്ക്ക് യഥാക്രമം 63%, 59% ആനുകൂല്യങ്ങള്‍ നല്‍കും.

സ്വിറ്റ്സര്‍ലന്‍ഡില്‍ 2 ശതമാനം തൊഴിലില്ലായ്മാ നിരക്ക് രമ്ടു ശതമാനം മാത്രമാണ്. ലോകത്തിലെ ഏറ്റവും മികച്ച 250 സര്‍വ്വകലാശാലകളില്‍ ഏഴെണ്ണം സ്വിറ്റ്സര്‍ലന്‍ഡിലാണ്. ഗവേഷണ പ്രകാരം, സമ്പത്ത് കെട്ടിപ്പടുക്കാനും അവരുടെ കുട്ടികള്‍ക്ക് നല്ല കരിയര്‍ ഉറപ്പാക്കാനും ആഗ്രഹിക്കുന്ന കുടുംബങ്ങള്‍ക്ക് ഇതൊരു പ്രീമിയം ലക്ഷ്യസ്ഥാനമാക്കി മാറുന്നു.

അമേരിക്ക, ഓസ്ട്രേലിയ, കാനഡ, നിരവധി യൂറോപ്യന്‍ രാജ്യങ്ങള്‍, ന്യൂസിലാന്‍ഡ്, സ്വിറ്റ്സര്‍ലന്‍ഡ്, ഏഷ്യയിലെയും മിഡില്‍ ഈസ്റ്റിലെയും സമ്പദ് രാജ്യങ്ങള്‍ എന്നിവയെ ഹെന്‍ലി ഓപ്പര്‍ച്യുണിറ്റി ഇന്‍ഡക്സ് വരും ദശകങ്ങളില്‍ അഭിവൃദ്ധി പ്രാപിക്കാന്‍ ലക്ഷ്യമിടുന്ന വിദ്യാഭ്യാസ, സംരംഭകര്‍, അനന്തരാവകാശികള്‍ എന്നിവരുടെ പ്രധാന ലൊക്കേഷനുകളായി തിരിച്ചറിയുന്നു.

സമാനതകളില്ലാത്ത സ്വകാര്യ സര്‍വ്വകലാശാലകള്‍, വെഞ്ച്വര്‍ ഫണ്ടിംഗ്, ശാസ്ത്ര-സാങ്കേതിക വിഭാഗങ്ങളില്‍ ഉടനീളം സംയോജിത വൈദഗ്ധ്യം എന്നിവയുള്ള യുഎസ് ആത്യന്തിക സംരംഭക ലക്ഷ്യസ്ഥാനമായി തുടരുന്നു. സിലിക്കണ്‍ വാലി ജോലികളിലേക്ക് നയിക്കുന്ന കൂടുതല്‍ താങ്ങാനാവുന്ന യോഗ്യതാപത്രങ്ങള്‍ കാനഡ വാഗ്ദാനം ചെയ്യുന്നു.

മുന്‍നിര ആക്സിലറേറ്റര്‍മാരുടെയും നിക്ഷേപകരുടെയും പിന്തുണയുള്ള ബിസിനസ്സുകള്‍ സജ്ജീകരിക്കുന്നതിന് സംരംഭകര്‍ക്ക് യുകെ ഇന്നൊവേറ്റര്‍ ഫൗണ്ടര്‍ വിസ ലഭ്യമാകുന്നതിനൊപ്പം, ആശയങ്ങള്‍ സമാരംഭിക്കുന്നതിന് ലണ്ടനിലെ ഫിനാന്‍സ്, ടെക് ഹബുകളിലേക്കും യുകെ പ്രവേശനവും നല്‍കുന്നു.

ബിസിനസ് രൂപീകരണവും നൂതനത്വവും പ്രോത്സാഹിപ്പിക്കുന്ന ബെസ്‌പോക്ക് വിസ വിഭാഗങ്ങളോടെ സിംഗപ്പൂര്‍ ഗ്ലോബല്‍ ഇന്‍വെസ്റ്റര്‍ പ്രോഗ്രാമിലൂടെ അള്‍ട്രാ ഹൈ-നെറ്റ്-മൂല്യമുള്ള ആഗോള പൗരന്മാരെ സിംഗപ്പൂര്‍ സ്വാഗതം ചെയ്യുന്നുമുണ്ട്. പ്രാദേശിക സ്വത്തുകളിലും ബിസിനസ്സുകളിലും 550,000 ഡോളര്‍ നിക്ഷേപിക്കുന്നവര്‍ക്ക് 10 വര്‍ഷത്തെ പുതുക്കാവുന്ന ഗോള്‍ഡന്‍ വിസകളാണ് യുഎഇ വാഗ്ദാനം ചെയ്യുന്നത്.

നിങ്ങളുടെ കുട്ടിയുടെ വിദ്യാഭ്യാസത്തില്‍ നിക്ഷേപിക്കുന്നത്, പിന്നീടുള്ള ജീവിതത്തില്‍ വിജയിക്കാന്‍ അവരെ സജ്ജമാക്കുന്നതിനുള്ള ഏറ്റവും മികച്ച മാര്‍ഗങ്ങളിലൊന്നായും സാര്‍വത്രികമായി അംഗീകരിക്കപ്പെട്ടിരിക്കുന്നു. ഇതെല്ലാം മികവു പുലര്‍ത്തുന്ന മേല്‍പ്പറഞ്ഞ രാജ്യങ്ങളിലേക്ക്് കുടിയേറാന്‍ സമ്പന്നരെ പ്രേരിപ്പിക്കുന്നു.