രണ്ടാംപാദത്തില്‍ കുതിച്ചുയര്‍ന്ന് അദാനി പോര്‍ട്ട്സ്

അദാനി പോര്‍ട്ട്സ് ആന്‍ഡ് സ്പെഷ്യല്‍ ഇക്കണോമിക് സോണ്‍ 2024 സെപ്റ്റംബറില്‍ അവസാനിച്ച പാദത്തില്‍ ഏകീകൃത അറ്റാദായം 37 ശതമാനം ഉയര്‍ന്ന് 2,413.54 കോടി രൂപയിലെത്തി. പ്രധാനമായും ഉയര്‍ന്ന വരുമാനത്തിന്റെ പശ്ചാത്തലത്തിലാണ് കമ്പനിയുടെ കുതിപ്പ്.

2023 സെപ്റ്റംബര്‍ 30 ന് അവസാനിച്ച പാദത്തില്‍ കമ്പനിയുടെ ഏകീകൃത അറ്റാദായം 1,762 കോടി രൂപയായിരുന്നുവെന്ന് കമ്പനി റെഗുലേറ്ററി ഫയലിംഗില്‍ അറിയിച്ചു.

2024-25 ജൂലൈ-സെപ്റ്റംബര്‍ കാലയളവില്‍ മൊത്ത വരുമാനം 7,372.37 കോടി രൂപയായി ഉയര്‍ന്നു, മുന്‍വര്‍ഷത്തെ പാദത്തിലെ 6,951.86 കോടി രൂപയില്‍ നിന്ന്.

അവലോകന കാലയളവിലെ മൊത്തം ചെലവ് മുന്‍വര്‍ഷത്തെ പാദത്തിലെ 4,477 കോടി രൂപയില്‍ നിന്ന് 4,433.96 കോടി രൂപയായി കുറഞ്ഞു.