10 ദിവസത്തിനു ശേഷം കയറി സ്വര്ണ വില
- വെള്ളിവിലയില്‍ ഇന്ന് മാറ്റമില്ല
- ആഗോളതലത്തിലും സ്വര്‍ണവില ഇന്ന് നേരിയ തോതില്‍ ഉയര്‍ന്നു
- കഴിഞ്ഞ 9 ദിവസങ്ങള്‍ക്കിടെ വിലയില്‍ 920 രൂപയുടെ കുറവ് ഉണ്ടായി
സംസ്ഥാനത്തെ സ്വര്ണ വില 10 ദിവസത്തെ ഇടവേളയ്ക്ക് ശേഷം ഇന്ന് വര്‍ധന പ്രകടമാക്കി. ഈ മാസത്തില്‍ ഇതുവരെ ജനുവരി രണ്ടിന് മാത്രമാണ് വിലയില്‍ വര്‍ധന പ്രകടമായിരുന്നത്. ബാക്കിയുള്ള ദിവസങ്ങളിലെല്ലാം വില ഇടിയുകയോ മാറ്റമില്ലാതെ തുടരുകയോ ആയിരുന്നു. ഇന്ന് 22 കാരറ്റ് സ്വര്‍ണം ഗ്രാമിന്‍റെ വില 10 രൂപയുടെ വര്‍ധനയോടെ 5770 രൂപയില്‍ എത്തി. പവന് 80 രൂപയുടെ വര്‍ധനയോടെ 46,160 രൂപയാണ് ഇന്നത്തെ വില. കഴിഞ്ഞ 9 ദിവസങ്ങള്‍ക്കിടെ വിലയില്‍ 920 രൂപയുടെ കുറവ് ഉണ്ടായിരുന്നു.
24 കാരറ്റ് സ്വര്‍ണത്തിന്‍റെ വിലയും ഇന്ന് വര്‍ധിച്ചു. 24 കാരറ്റ് ഗ്രാമിന് 12 രൂപയുടെ ഇടിവോടെ 6295 രൂപയാണ് ഇന്നത്തെ വില, പവന് 96 രൂപയുടെ ഇടിവോടെ 50,360 രൂപയാണ്.
ആഗോളതലത്തിലും സ്വര്‍ണവില ഇന്ന് നേരിയ തോതില്‍ ശക്തി പ്രാപിച്ചിട്ടുണ്ട്. അന്താരാഷ്ട്ര വിപണിയില്‍ സ്വര്ണ വില ഇന്ന് ട്രോയ് ഔണ്‍സിന് 2035 ഡോളറിലാണ് (രാവിലെ 11.02നുള്ള വിവരം) വ്യാപാരം നടത്തുന്നത് . ഡിസംബറില്‍ സ്വര്‍ണവില പുതിയ ഉയരങ്ങളിലേക്ക് കുതിച്ചിരുന്നു. സംസ്ഥാനത്തെ സ്വര്ണ വില കഴിഞ്ഞമാസം രണ്ടു തവണ പുതിയ റെക്കോഡുകള്‍ കുറിച്ചു.
സംസ്ഥാനത്തെ വെള്ളിവിലയില്‍ ഇന്ന് മാറ്റമില്ല. വെള്ളി ഗ്രാമിന് 77.50 രൂപയാണ് ഇന്നത്തെ വില.