അരങ്ങ് തകര്‍ത്ത് തിരിച്ചുവരവ്; ഇന്ന് വര്‍ധിച്ചത് പവന് 560 രൂപ
- പൊന്നിന് ഇന്ന് വര്‍ധിച്ചത് പവന് 560 രൂപ
- സ്വര്‍ണം ഗ്രാമിന് 7065 രൂപ
- പവന് 56520 രൂപ
രണ്ടുദിവസമായി സ്വര്‍ണം അതിന്റെ തിളക്കത്തെ വീണ്ടെടുക്കുകയാണ്. കഴിഞ്ഞ ദിവസം വര്‍ധിച്ച സ്വര്‍ണവില ഇന്നും
കുതിപ്പില്‍ത്തന്നെയാണ്. സംസ്ഥാനത്ത് ഇന്ന് സ്വര്‍ണം ഗ്രാമിന് 70 രൂപയാണ് വര്‍ധിച്ചത്. അതായത് ഇന്നലെ വര്‍ധിച്ചതിലും കൂടുതല്‍. ഇതോടെ ഗ്രാമിന് 7065 രൂപയായി ഉയര്‍ന്നു. ഏഴായിരം എന്ന കടമ്പ പൊന്ന് വീണ്ടും കടന്നു. പവന് 560 രൂപയുടെ വര്‍ധനവാണ് ഇന്നുണ്ടായത്. ഇതോടെ പവന്റെ വില 56520 രൂപ എന്ന നിലയിലെത്തി.
ലൈറ്റ് വെയ്റ്റ് ആഭരണങ്ങള്‍ നിര്‍മ്മിക്കുന്ന 18 കാരറ്റ് സ്വര്‍ണത്തിനും ഇന്നും വില വര്‍ധിച്ചു. ഗ്രാമിന് 60 രൂപ വര്‍ധിച്ച് 5830 രൂപ എന്ന നിലയിലാണ് ഇന്നത്തെ വ്യാപാരം. സ്വര്‍ണവില വര്‍ധനവിന് അനുസൃതമായി വെള്ളിയ്ക്കും ഇന്ന് വില ഉയര്‍ന്നു. ഗ്രാമിന് രണ്ട് രൂപ വര്‍ധിച്ച് 99 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്.
ഇതോടെ രണ്ടു ദിവസം കൊണ്ട് സ്വര്‍ണവിലയില്‍ പവന് 1040 രൂപയുടെ വര്‍ധനവാണ് ഉണ്ടായിരിക്കുന്നത്.