ചെറിയതോതില്‍ വീണ്ടും കയറി സ്വര്‍ണവില

സംസ്ഥാനത്തെ സ്വര്‍ണവിലയില്‍ ഇന്ന് വീണ്ടും വര്‍ധന. 22 കാരറ്റ് സ്വര്‍ണം ഗ്രാമിന് 10 രൂപ ഉയര്‍ന്ന് 5740 രൂപയായി. ശനിയാഴ്ച 45 രൂപയുടെ ഇടിവാണ് രേഖപ്പെടുത്തിയിരുന്നത്. ഇന്ന് പവന്‍ വില 80 രൂപയുടെ വര്‍ധനയോടെ 45920 രൂപയാണ്. ഇന്ന് 24 കാരറ്റ് സ്വര്‍ണം ഗ്രാമിന് 11 രൂപയുടെ വര്‍ധനയോടെ 6262 രൂപയാണ് വില, പവന് 88 രൂപയുടെ വര്‍ധനയോടെ 50,096 രൂപ.

ആഗോള വിപണിയിലും സ്വര്‍ണവില ഇന്ന് നേട്ടത്തിലാണ്. യുഎസ് ഫെഡ് റിസര്‍വ് അടുത്ത വര്‍ഷം മൂന്ന് തവണ പലിശ നിരക്ക് കുറയ്ക്കുമെന്ന പ്രഖ്യാപനം കഴിഞ്ഞ ദിവസം വിലയിലെ മുന്നേറ്റത്തിന് കാരണമായിരുന്നു. ആ ആവേശം അല്‍പ്പം കുറഞ്ഞിട്ടുണ്ട്. ഇന്ന് ട്രോയ് ഔണ്‍സിന് 2,015 - 2,025 ഡോളര്‍ എന്ന നിലയിലാണ് ആഗോള തലത്തില്‍ സ്വര്‍ണ വ്യാപാരം നടക്കുന്നത്.

വെള്ളിയുടെ വിലയിലും ഇന്ന് ഉയര്‍ച്ച പ്രകടമായിട്ടുണ്ട്.വെള്ളി ഗ്രാമിന്‍റെ സംസ്ഥാനത്തെ വില 30 പൈസ വര്‍ധിച്ച് 80 രൂപയായി.