സ്വര്‍ണവിലയില്‍ ഇടിവ്: പവന് 120 രൂപ കുറഞ്ഞു

കൊച്ചി: സംസ്ഥാനത്ത് സ്വര്‍ണവിലയില്‍ ഇടിവ്. ഇന്ന് പവന് 120 രൂപ കുറഞ്ഞ് 38,400 രൂപയില്‍ എത്തി. ഗ്രാമിന് 15 രൂപ കുറഞ്ഞ് 4,800 രൂപയില്‍ എത്തി (22 കാരറ്റ്). വെള്ളിയാഴ്ച്ച പവന് 320 രൂപ വര്‍ധിച്ച് 38,520 രൂപയില്‍ എത്തിയിരുന്നു. വ്യാഴം, വെള്ളി ദിവസങ്ങളിലായി ആകെ 640 രൂപയുടെ വര്‍ധനയാണ് സ്വര്‍ണവിലയിലുണ്ടായത്.

24 കാരറ്റ് സ്വര്‍ണം പവന് 136 രൂപ കുറഞ്ഞ് 41,888 രൂപയില്‍ എത്തി. ഗ്രാമിന് 17 രൂപയാണ് കുറഞ്ഞത്. ഇക്കഴിഞ്ഞ വെള്ളിയാഴ്ച്ച 24 കാരറ്റ് സ്വര്‍ണം പവന് 352 രൂപ വര്‍ധിച്ച് 42,024 രൂപയായിരുന്നു. വെള്ളി വില ഗ്രാമിന് 63.80 രൂപയാണ്. എട്ട് ഗ്രാമിന് 510.40 രൂപയാണ് ഇന്ന് വിപണി വില.