സ്ഥിര നിക്ഷേപം നടത്താനൊരുങ്ങുമ്പോള്‍ ഓര്‍ക്കണം
സ്ഥിര നിക്ഷേപം (എഫ് ഡി) എന്നത് താരതമ്യേന സുരക്ഷിതവും ഏറെ പ്രശസ്തി ആര്‍ജ്ജിച്ചതുമായ നിക്ഷേപ രീതിയാണ്. നിക്ഷേപിച്ച പണത്തിന് സുരക്ഷിതത്വവും ന്യായമായ പലിശ നിരക്കും ലഭിക്കുന്നതിനാല്‍ സാധാരണക്കാരില്‍ ഭൂരിഭാഗവും സ്ഥിര നിക്ഷേപത്തിനാണ് ഊന്നല്‍ കൊടുക്കുന്നത്. ഒട്ടുമിക്ക ബാങ്കുകളും ധനകാര്യ സ്ഥാപനങ്ങളും സ്ഥിര നിക്ഷേപം നടത്താനുള്ള അവസരം ഒരുക്കുന്നുണ്ട്. എന്നിരുന്നാലും ഓരോ സ്ഥാപനങ്ങളും മുന്നോട്ട് വെക്കുന്ന വ്യവസ്ഥകളും പലിശ, കാലാവധി തുടങ്ങിയ കാര്യങ്ങളും ആഴത്തില്‍ പഠിച്ച ശേഷം മാത്രമേ സ്ഥിര നിക്ഷേപം നടത്തുവാന്‍ പാടുള്ളൂ. നിങ്ങള്‍ക്ക് അനുയോജ്യമായ […]
trueasdfstory
സ്ഥിര നിക്ഷേപം (എഫ് ഡി) എന്നത് താരതമ്യേന സുരക്ഷിതവും ഏറെ പ്രശസ്തി ആര്‍ജ്ജിച്ചതുമായ നിക്ഷേപ രീതിയാണ്. നിക്ഷേപിച്ച പണത്തിന്...
സ്ഥിര നിക്ഷേപം (എഫ് ഡി) എന്നത് താരതമ്യേന സുരക്ഷിതവും ഏറെ പ്രശസ്തി ആര്‍ജ്ജിച്ചതുമായ നിക്ഷേപ രീതിയാണ്. നിക്ഷേപിച്ച പണത്തിന് സുരക്ഷിതത്വവും ന്യായമായ പലിശ നിരക്കും ലഭിക്കുന്നതിനാല്‍ സാധാരണക്കാരില്‍ ഭൂരിഭാഗവും സ്ഥിര നിക്ഷേപത്തിനാണ് ഊന്നല്‍ കൊടുക്കുന്നത്. ഒട്ടുമിക്ക ബാങ്കുകളും ധനകാര്യ സ്ഥാപനങ്ങളും സ്ഥിര നിക്ഷേപം നടത്താനുള്ള അവസരം ഒരുക്കുന്നുണ്ട്. എന്നിരുന്നാലും ഓരോ സ്ഥാപനങ്ങളും മുന്നോട്ട് വെക്കുന്ന വ്യവസ്ഥകളും പലിശ, കാലാവധി തുടങ്ങിയ കാര്യങ്ങളും ആഴത്തില്‍ പഠിച്ച ശേഷം മാത്രമേ സ്ഥിര നിക്ഷേപം നടത്തുവാന്‍ പാടുള്ളൂ. നിങ്ങള്‍ക്ക് അനുയോജ്യമായ സ്ഥിര നിക്ഷേപ രീതി ഏതാണെന്ന് മനസിലാക്കിയ ശേഷം അതില്‍ ചേരുന്നതാണ് എപ്പോഴും നല്ലത്. നിക്ഷേപത്തിന്റെ കാലാവധി, ക്രെഡിറ്റ് റേറ്റിംഗ്, വായ്പയുടെ ലഭ്യത, പലിശ എത്രത്തോളം ലഭിക്കും തുടങ്ങിയ കാര്യങ്ങളാണ് സ്ഥിര നിക്ഷേപം നടത്തും മുന്‍പ് പ്രാഥമികമായി നാം അറിഞ്ഞിരിക്കേണ്ടത്.
നിക്ഷേപ കാലാവധി ഒപ്പം സ്ഥാപനത്തിന്റെ റേറ്റിംഗും
ദീര്‍ഘകാല ആവശ്യം മുന്നില്‍ കണ്ടാണ് പലരും സ്ഥിര നിക്ഷേപം നടത്തുന്നത്. ഗൃഹ നിര്‍മ്മാണം, വിവാഹം, വാഹനം വാങ്ങല്‍, ഉന്നത വിദ്യാഭാസം തുടങ്ങി പല ആവശ്യങ്ങളും നടത്തുന്നതിന് കൂടിയാണിത്. റിട്ടയര്‍മെന്റ് കാലത്തെ ആവശ്യത്തിനായി നേരത്തെ തന്നെ ഉള്ള സമ്പാദ്യം സ്ഥിര നിക്ഷേപമാക്കി മാറ്റുന്നവരുമുണ്ട്. എന്നാല്‍ ഇവയിലെല്ലാം കാലാവധി എന്ന ഘടകം മുന്നിട്ട് നില്‍ക്കുന്നുണ്ട്. സ്ഥിര നിക്ഷേപത്തിന്റെ കാലാവധിയും പലിശയും തമ്മില്‍ നേരിട്ട് ബന്ധമുണ്ട്. ഒരു വര്‍ഷത്തേക്കുള്ള നിക്ഷേപത്തെക്കാള്‍ 10 വര്‍ഷം ദൈര്‍ഘ്യമുള്ള നിക്ഷേപത്തിന് കൂടുതല്‍ പലിശ ലഭിക്കും. നിങ്ങളുടെ ആവശ്യമനുസരിച്ച് നിക്ഷേപ കാലയളവ് തിരഞ്ഞെടുക്കാം. ഒന്നു മുതല്‍ മൂന്നു വര്‍ഷം വരെ ഷോര്‍ട്ട് ടേം, മൂന്നു മുതല്‍ അഞ്ച് വരെ മിഡ് ടേം, അഞ്ച് മുതല്‍ പത്ത് വര്‍ഷം വരെ ലോംങ് ടേം എന്നിങ്ങനെയാണ് സാധാരണയായി നിക്ഷേപ കാലാവധികളാണുള്ളത്.
ക്രിസില്‍ - ഐ സി ആര്‍ എ റേറ്റിംഗ്
സ്ഥാപനത്തിന്റെ റേറ്റിംഗ് എന്നത് വളരെ പ്രധാനമാണ്. നിക്ഷേപത്തിന്റെ സുരക്ഷിതത്വം ഉറപ്പാക്കാന്‍ ഇത് ഉപകരിക്കും. ക്രിസില്‍, ഐ സി ആര്‍ എ എന്നീ തരത്തിലുള്ള ക്രെഡിറ്റ് റേറ്റിംഗ് ഏജന്‍സികള്‍ സ്ഥിര നിക്ഷേപങ്ങളുടെ വിശ്വാസ്യതയെ സൂചിപ്പിക്കുന്നു. അവര്‍ നല്‍കുന്ന റേറ്റിംഗിന് അനുസൃതമായി നമുക്ക് നിക്ഷേപത്തിന്റെ നിലവാരം മനസിലാക്കാം. ധനകാര്യ സ്ഥാപനങ്ങളുടെ പ്രവര്‍ത്തനത്തിന്റെ ചരിത്രം പരിശോധിച്ച ശേഷമാണ് റേറ്റിംഗ് നല്‍കുന്നത്. ക്രിസില്‍ എഫ് എ എ പ്ലസ്, ഐസിആര്‍എയുടെ എം എ എ എ തുങ്ങിയവയൊക്കെ മികച്ച റേറ്റിംഗുകളാണ്. നിക്ഷേപം നടത്തും മുന്‍പ് റേറ്റിംഗും അവ വാഗ്ദാനം ചെയ്യുന്ന സുരക്ഷിതത്വവും മനസിലാക്കിയ ശേഷം നിക്ഷേപം നടത്തുക. റിസ്‌ക് കുറയ്ക്കുന്നതിന് ഇത് ഉപകരിക്കും. ഏതാണ് കൂടുതല്‍ റിസ്‌ക് ഉള്ള നിക്ഷേപമെന്ന് ഇത്തരം റേറ്റിംഗുകള്‍ വ്യക്തമാക്കും.
ഓഫറുകള്‍ മുതല്‍ ഓണ്‍ലൈന്‍ സേവനങ്ങള്‍ വരെ
ക്രെഡിറ്റ് റിപ്പോര്‍ട്ടിനൊപ്പം തന്നെ മനസിലാക്കേണ്ട ഒന്നാണ് അതാത് സ്ഥാപനങ്ങള്‍ നല്‍കുന്ന ഓഫറുകളും. പലിശ, വായ്പാ ലഭ്യത, ഇളവുകള്‍, മൂല്യ വര്‍ധിത സേവനങ്ങള്‍ ഇതൊക്കെ ഓരോ സ്ഥാപനത്തിനും വ്യത്യസ്തപ്പെട്ടിരിക്കും. നിക്ഷേപ കാലാവധി പൂര്‍ത്തിയാകും മുന്‍പ് തന്നെ പണം പിന്‍വലിക്കാന്‍ അനുവദിക്കുന്ന ബാങ്കുകളുമുണ്ട്. ഓണ്‍ലൈന്‍ - മൊബൈല്‍ ബാങ്കിംഗ് സേവനങ്ങളുടെ ലഭ്യതയും ഉറപ്പാക്കുന്നത് നല്ലതാണ്. ഇത്തരം കാര്യങ്ങള്‍ കൃത്യമായി മനസിലാക്കി നിക്ഷേപം നടത്തുക.
വായ്പാ ലഭ്യത മറക്കണ്ട ഒപ്പം നിക്ഷേപ പലിശയും
സ്ഥിര നിക്ഷേപം നടത്തുന്നത് ഒരു നിശ്ചിത കാലയളവിലേക്കാണെങ്കിലും ഇതിനിടയില്‍ പണത്തിന്റെ ആവശ്യം പല തവണ ഉണ്ടാകും. നിങ്ങളുടെ പേരില്‍ സ്ഥിര നിക്ഷേപം ഉണ്ടെങ്കില്‍ നിങ്ങള്‍ക്ക് വായ്പ ലഭിക്കുന്നതിന് ബുദ്ധിമുട്ടുണ്ടാകില്ല. നിക്ഷേപം നടത്തിയ തുകയുടെ 75 ശതമാനം വരെ വായ്പയായി ലഭിക്കും എന്ന കാര്യം ഓര്‍ക്കുക. എന്നാല്‍ സ്ഥിര നിക്ഷേപത്തിന് ലഭിക്കുന്ന പലിശയേക്കാള്‍ അല്‍പം കൂടുതലാണ് ഇത്തരം വായ്പകളിന്മേല്‍ ബാങ്ക് ഈടാക്കുന്ന പലിശ. സ്ഥിര നിക്ഷേപം എത്ര കാലത്തേക്കാണോ അതേ കാലയളവിനുള്ളില്‍ തന്നെ വായ്പ അടച്ചു തീര്‍ക്കാനുള്ള സൗകര്യവുമുണ്ട്.