രാസവള പ്രയോഗം തേയില കയറ്റുമതിയെ തളർത്തി; തിരിച്ചയച്ച് ലോക രാജ്യങ്ങള്‍
കൊല്‍ക്കത്ത: ഇന്ത്യന്‍ തേയിലയ്ക്ക് ആഗോള തലത്തില്‍ ലഭിച്ചിരുന്ന പ്രീതീയ്ക്ക് മേല്‍ വിലങ്ങിട്ട് ലോകരാജ്യങ്ങള്‍. കീടനാശിയുടേയും രാസവസ്തുക്കളുടേയും അതിമ പ്രയോഗം ചൂണ്ടിക്കാട്ടി ഇന്ത്യന്‍ തേയില പല രാജ്യങ്ങളും തിരിച്ചയക്കുന്നതായി ഇന്ത്യന്‍ ടീ എക്സ്പോര്‍ട്ടേഴ്സ് അസോസിയേഷന്‍ (ഐടിഇഎ) ചെയര്‍മാന്‍ അന്‍ഷുമാന്‍ കനോറിയ. സാമ്പത്തിക പ്രതിസന്ധിമൂലം കടുത്ത ആഭ്യന്തര സംഘര്‍ഷങ്ങളിലേക്ക് വീണ ശ്രീലങ്കയുടെ വിപണി കൂടി പിടിച്ചെടുക്കാനുള്ള ഇന്ത്യന്‍ തന്ത്രങ്ങള്‍ക്കാണ് ഇപ്പോള്‍ വിലങ്ങ് വീണിരിക്കുന്നത്. മറ്റെല്ലാ കയറ്റുമതിക്കും ഇന്ത്യ നിയന്ത്രങ്ങള്‍ ഏര്‍പ്പെടുത്തിയപ്പോള്‍ തേയില കയറ്റുമതി ഉയര്‍ത്താനാണ് പദ്ധതിയിട്ടിരുന്നത്. രാജ്യത്ത് വില്‍ക്കുന്ന എല്ലാ […]
കൊല്‍ക്കത്ത: ഇന്ത്യന്‍ തേയിലയ്ക്ക് ആഗോള തലത്തില്‍ ലഭിച്ചിരുന്ന പ്രീതീയ്ക്ക് മേല്‍ വിലങ്ങിട്ട് ലോകരാജ്യങ്ങള്‍. കീടനാശിയുടേയും രാസവസ്തുക്കളുടേയും അതിമ പ്രയോഗം ചൂണ്ടിക്കാട്ടി ഇന്ത്യന്‍ തേയില പല രാജ്യങ്ങളും തിരിച്ചയക്കുന്നതായി ഇന്ത്യന്‍ ടീ എക്സ്പോര്‍ട്ടേഴ്സ് അസോസിയേഷന്‍ (ഐടിഇഎ) ചെയര്‍മാന്‍ അന്‍ഷുമാന്‍ കനോറിയ.
സാമ്പത്തിക പ്രതിസന്ധിമൂലം കടുത്ത ആഭ്യന്തര സംഘര്‍ഷങ്ങളിലേക്ക് വീണ ശ്രീലങ്കയുടെ വിപണി കൂടി പിടിച്ചെടുക്കാനുള്ള ഇന്ത്യന്‍ തന്ത്രങ്ങള്‍ക്കാണ് ഇപ്പോള്‍ വിലങ്ങ് വീണിരിക്കുന്നത്. മറ്റെല്ലാ കയറ്റുമതിക്കും ഇന്ത്യ നിയന്ത്രങ്ങള്‍ ഏര്‍പ്പെടുത്തിയപ്പോള്‍ തേയില കയറ്റുമതി ഉയര്‍ത്താനാണ് പദ്ധതിയിട്ടിരുന്നത്.
രാജ്യത്ത് വില്‍ക്കുന്ന എല്ലാ ചായകളും ഫുഡ് സേഫ്റ്റി ആന്‍ഡ് സ്റ്റാന്‍ഡേര്‍ഡ് അതോറിറ്റി ഓഫ് ഇന്ത്യ (എഫ്എസ്എസ്എഐ) മാനദണ്ഡങ്ങള്‍ പാലിക്കണം. എന്നിരുന്നാലും, വാങ്ങുന്നവരില്‍ ഭൂരിഭാഗവും അസാധാരണമാംവിധം ഉയര്‍ന്ന രാസവസ്തുക്കളുള്ള ചായയാണ് വാങ്ങുന്നതെന്ന് കനോറിയ ് പറഞ്ഞു.
2021ല്‍ ഇന്ത്യ 195.90 ദശലക്ഷം കിലോ തേയില കയറ്റുമതി ചെയ്തു. റഷ്യ ഉള്‍പ്പെടുന്ന കോമണ്‍വെല്‍ത്ത് ഓഫ് ഇന്‍ഡിപെന്‍ഡന്റ് സ്റ്റേറ്റ്സ് (സിഐഎസ്) രാജ്യങ്ങളും ഇറാനുമായിരുന്നു പ്രധാന ഉപഭോക്താക്കള്‍. ഈ വര്‍ഷം 300 ദശലക്ഷം കിലോ തേയില കൈവരിക്കാനാണ് ബോര്‍ഡ് ലക്ഷ്യമിടുന്നത്. എന്നാല്‍ ഇന്ത്യന്‍ തേയിലക്കെതിരെ ഇപ്പോള്‍ ഉയര്‍ന്നിരിക്കുന്ന ഈ ആരോപണം ഈ ലക്ഷ്യങ്ങളെ പ്രതിസന്ധിയിലാക്കും.
പല രാജ്യങ്ങളും ചായയ്ക്ക് കര്‍ശനമായ പ്രവേശന നിയന്ത്രണങ്ങള്‍ പാലിക്കുന്നുണ്ടെന്ന് കനോറിയ പറഞ്ഞു. മിക്ക രാജ്യങ്ങളും ഇയു മാനദണ്ഡങ്ങളുടെ വ്യതിയാനങ്ങള്‍ പിന്തുടരുന്നു, അവ എഫ്എസ്എസ്എഐ നിയമങ്ങളേക്കാള്‍ കൂടുതല്‍ കര്‍ശനമാണ്.
നിയമം അനുസരിക്കുന്നതിനുപകരം, എഫ്എസ്എസ്എഐ മാനദണ്ഡങ്ങള്‍ കൂടുതല്‍ ഉദാരമാക്കാന്‍ പലരും സര്‍ക്കാരിനെ പ്രേരിപ്പിക്കുന്നു. ചായ ഒരു ആരോഗ്യ പാനീയമായി കണക്കാക്കപ്പെടുന്നതിനാല്‍ ഇത് തെറ്റായ സൂചന നല്‍കുമെന്നും അദ്ദേഹം പറഞ്ഞു.
ടീ പായ്ക്കര്‍മാരില്‍ നിന്നും കയറ്റുമതിക്കാരില്‍ നിന്നും ഈ വിഷയത്തില്‍ പരാതികള്‍ ലഭിച്ചിട്ടുണ്ടെന്ന് ടീ ബോര്‍ഡിലെ മുതിര്‍ന്ന ഉദ്യോഗസ്ഥന്‍ പിടിഐയോട് പറഞ്ഞു.
'നിര്‍മ്മാതാക്കള്‍ നിലവിലുള്ള എഫ്എസ്എസ്എഐ മാനദണ്ഡങ്ങള്‍ കര്‍ശനമായി പാലിക്കണമെന്ന് ആവര്‍ത്തിക്കുന്നു. മാനദണ്ഡങ്ങള്‍ പരിഷ്‌ക്കരിക്കുന്നതിനുള്ള പ്രശ്‌നം എഫ്എസ്എസ്എഐയുമായി ഉത്പാദകരുടെ സംഘടനകള്‍ ഉന്നയിച്ചിട്ടുണ്ട്. കയറ്റുമതി- ഇറക്കുമതി രാജ്യങ്ങളുടെ നിലവിലുള്ള മാനദണ്ഡങ്ങള്‍ പാലിക്കണം,' അദ്ദേഹം പറഞ്ഞു.
2021ല്‍ ഇന്ത്യ 5,246.89 കോടി രൂപയുടെ തേയിലയാണ് കയറ്റുമതി ചെയ്തത്.