ഭവന വില്‍പ്പനയില്‍ ഏഴ് ശതമാനം ഇടിവ്

ഏഴ് പ്രധാന നഗരങ്ങളില്‍ ഈ വര്‍ഷം ഭവന വില്‍പ്പന 4 ശതമാനം ഇടിഞ്ഞ് 4.6 ലക്ഷം യൂണിറ്റുകളായി കുറഞ്ഞു. അതേസമയം വില്‍പ്പന മൂല്യം 16 ശതമാനം ഉയര്‍ന്ന് 5.68 ലക്ഷം കോടി രൂപയായി, അനറോക്ക് പറയുന്നു.

ഭൂമി, തൊഴിലാളികള്‍, ചില കെട്ടിട അസംസ്‌കൃത വസ്തുക്കള്‍ എന്നിവയുടെ വിലക്കയറ്റം മൂലം ഏഴ് പ്രധാന നഗരങ്ങളില്‍ ഈ വര്‍ഷം ശരാശരി ഭവന വില 21 ശതമാനം വര്‍ധിച്ചു.

പൊതു, അസംബ്ലി തിരഞ്ഞെടുപ്പുകള്‍ക്കിടയിലുള്ള റെഗുലേറ്ററി അംഗീകാരങ്ങള്‍ വൈകിയത് കാരണം 2024-ല്‍ ഹൗസിംഗ് പ്രോജക്ടുകളുടെ പുതിയ ലോഞ്ചുകളിലെ ഇടിവാണ് വില്‍പ്പന കുറഞ്ഞു. ഇന്ത്യയിലെ മുന്‍നിര ഹൗസിംഗ് ബ്രോക്കറേജ് സ്ഥാപനങ്ങളിലൊന്നായ അനറോക്ക് പുറത്തുവിട്ട റിപ്പോര്‍ട്ടിലാണ് ഇക്കാര്യങ്ങള്‍ പരാ്മര്‍ശിക്കപ്പെട്ടിട്ടുള്ളത്.

എന്നിരുന്നാലും, ഭവന വിലയിലുണ്ടായ വര്‍ധന ഈ വര്‍ഷം വില്‍പ്പന മൂല്യത്തില്‍ വളരാന്‍ സഹായിച്ചു.

അനറോക്ക് പുറത്തുവിട്ട വിപണി ഡാറ്റ പ്രകാരം 2023 ലെ 4,76,530 യൂണിറ്റുകളില്‍ നിന്ന് 2024 ല്‍ 7 പ്രധാന നഗരങ്ങളിലെ വില്‍പ്പനയില്‍ 4 ശതമാനം ഇടിഞ്ഞ് 4,59,650 യൂണിറ്റുകളായി.

എന്നിരുന്നാലും, ഹൗസിംഗ് യൂണിറ്റുകളുടെ മൊത്തത്തിലുള്ള വില്‍പ്പന മൂല്യം മുന്‍വര്‍ഷത്തെ 4.88 ലക്ഷം കോടിയില്‍ നിന്ന് 2024-ല്‍ 16 ശതമാനം വാര്‍ഷിക വളര്‍ച്ചയോടെ 5.68 ലക്ഷം കോടി രൂപയായി.

ഹൗസിംഗ് പ്രോപ്പര്‍ട്ടികളുടെ പുതിയ വിതരണത്തില്‍, അനറോക്ക് ഡാറ്റ 2024 ല്‍ 4,12,520 യൂണിറ്റുകളായി 7 ശതമാനം ഇടിവ് കാണിക്കുന്നു. 2024-ല്‍ മികച്ച 7 നഗരങ്ങളിലെ ശരാശരി വിലയില്‍ 21 ശതമാനം വാര്‍ഷിക വര്‍ധനയുണ്ടായതായി അനറോക്ക് ചെയര്‍മാന്‍ അനുജ് പുരി പറഞ്ഞു.

നഗരങ്ങളില്‍, ഡല്‍ഹി-എന്‍സിആറിലെ ഭവന വില്‍പ്പന 2023 ലെ 65,625 യൂണിറ്റില്‍ നിന്ന് ഈ വര്‍ഷം 6 ശതമാനം ഇടിയും. മുംബൈ മെട്രോപൊളിറ്റന്‍ റീജിയന്‍ (എംഎംആര്‍) വില്‍പന 1,53,870 യൂണിറ്റില്‍ നിന്ന് 1,55,335 യൂണിറ്റായി ഒരു ശതമാനം വര്‍ധിച്ചു.ബെംഗളൂരുവില്‍ റെസിഡന്‍ഷ്യല്‍ പ്രോപ്പര്‍ട്ടികളുടെ വില്‍പ്പന 2 ശതമാനം ഉയര്‍ന്ന് 65,230 യൂണിറ്റായി.

പൂനെയിലെ ഭവന വില്‍പ്പന 86,680 യൂണിറ്റില്‍ നിന്ന് 6 ശതമാനം ഇടിഞ്ഞ് 81,090 യൂണിറ്റായി. ഹൈദരാബാദ് വില്‍പ്പന 5 ശതമാനം ഇടിഞ്ഞ് 61,715 യൂണിറ്റില്‍ നിന്ന് 58,540 യൂണിറ്റിലെത്തി. ചെന്നൈയില്‍ 21,630 യൂണിറ്റില്‍ നിന്ന് 11 ശതമാനം ഇടിഞ്ഞ് 19,220 യൂണിറ്റിലെത്തി.കൊല്‍ക്കത്തയിലെ ഭവന വില്‍പന 2024ല്‍ 20 ശതമാനം ഇടിഞ്ഞ് 18,335 യൂണിറ്റാകുകയും ചെയ്തു.