'ഐഫോണ്‍ സിറ്റി'യില്‍ ഇനി ഇലക്ട്രിക് കാര്‍ നിര്‍മ്മാണം
- മിക്ക ഐഫോണുകളും നിര്‍മ്മിക്കുന്നത് ഷെങ്ഷൗവില്‍
- വിതരണക്കാരുടെയും ഫാക്ടറികളുടെയും ശൃംഖലതന്നെ ഷെങ്ഷൗവിലുണ്ട്
- ഫോക്സ്കോണിന്റെ ഇവി പ്ലാന്റ് സ്ഥാപിക്കുന്നതും ഇവിടെയാണ്
ചൈനയിലെ 'ഐഫോണ്‍ സിറ്റി'യില്‍ ബിസിനസ് മാറ്റങ്ങള്‍ അരങ്ങേറുന്നു. സെന്‍ട്രല്‍ ചൈനയിലെ ഹെനാന്‍ പ്രവിശ്യയുടെ തലസ്ഥാനമായ ഷെങ്ഷൗ ആണ് 'ഐഫോണ്‍ സിറ്റി' എന്ന പേരില്‍ അറിയപ്പെടുന്നത്. ഫോക്സ്കോണ് കമ്പനിയുടെ ഐഫോണ്‍ ബിസിനസിന്റെ അടിസ്ഥാനം ഇവിടെയാണ്. ഷെങ്ഷൗവില്‍ വിതരണക്കാരുടെയും ഫാക്ടറികളുടെയും ശൃംഖല തന്നെയുണ്ട്. ആപ്പിളിനായി മിക്ക ഐഫോണുകളും നിര്‍മ്മിക്കുന്ന ഇവിടെ കമ്പനിക്കായി പലപ്പോഴും രണ്ടരലക്ഷം ജീവനക്കാര്‍ വരെ തിരക്കേറിയ അവസരങ്ങളില്‍ ജോലിചെയ്യുന്നുണ്ട്.
അതേസമയം ചൈനയില്‍ ഐഫോണുകളുടെ വില്‍പ്പന ഇടിഞ്ഞതോടെ ഫോക്സ്കോണ് അവിടെ പുതുവഴികള്‍ തേടുകയാണ്. ഇതിന്റെ ഭാഗമായി ഇലക്ട്രിക് കാറുകള്‍ നിര്‍മ്മിക്കുന്നതിനായി ഷെങ്ഷൗവില്‍ ഫാക്ടറി നിര്‍മ്മിക്കാന്‍ തായ്വാനീസ് ഇലക്ട്രോണിക്‌സ് ഭീമനായ ഫോക്സ്കോണ് പദ്ധതിയിടുന്നു. 700 ഏക്കറിലാകും നിര്‍ദ്ദിഷ്ട പ്ലാന്റ് സ്ഥാപിക്കുക. ഫോക്സ്‌കോണിനെ സംബന്ധിച്ചിടത്തോളം, ആപ്പിളിനെ ആശ്രയിക്കുന്നത് കുറയ്ക്കുന്നതിനുള്ള വിശാലമായ നീക്കത്തിന്റെ ഭാഗംകൂടിയാണ് ഈ നടപടി.
കൂടാതെ ആപ്പിളും മറ്റ് അമേരിക്കന്‍ ഉപകരണ നിര്‍മ്മാതാക്കളും മറ്റ് രാജ്യങ്ങളിലേക്ക് നിര്‍മ്മാണം മാറ്റുകയും ചെയ്യുന്നു.ഫെബ്രുവരിയില്‍, ഇലക്ട്രിക് കാറുകള്‍ വികസിപ്പിക്കാനുള്ള ദീര്‍ഘകാല പദ്ധതി റദ്ദാക്കിയിരുന്നു. ഇതും തായ്വാനീസ് കമ്പനിക്ക് തിരിച്ചടിയായിരുന്നു.
ആപ്പിളിന് വേണ്ടി ഐഫോണുകള്‍ നിര്‍മ്മിച്ചത് പോലെ മറ്റ് കമ്പനികള്‍ ഡിസൈന്‍ ചെയ്ത് വില്‍ക്കുന്ന കാറുകള്‍ നിര്‍മ്മിക്കാനാണ് ഫോക്സ്കോണ് പദ്ധതിയിടുന്നത്. പരിമിതമായ എണ്ണം ബസുകളും കാറുകളും നിര്‍മ്മിക്കാന്‍ പങ്കാളിയായ തായ്വാനീസ് വാഹന നിര്‍മ്മാതാവിന്റെ അനുബന്ധ സ്ഥാപനമായ ലക്സ്ജെനില്‍ നിന്ന് ഓര്‍ഡറുകള്‍ നേടിയിട്ടുണ്ട്.
കഴിഞ്ഞ വര്‍ഷം ചൈനയില്‍ 130-ലധികം കമ്പനികള്‍ ഇലക്ട്രിക് വാഹനങ്ങള്‍ വിറ്റഴിച്ചതായി അലിക്സ് പാര്‍ട്നേഴ്സിലെ ഏഷ്യ ഓട്ടോമോട്ടീവ് മേധാവി സ്റ്റീഫന്‍ ഡയര്‍ പറഞ്ഞു. ദശാബ്ദത്തിന്റെ അവസാനത്തോടെ അവയില്‍ 20-ല്‍ താഴെ മാത്രമേ ലാഭകരമാകൂ എന്ന് സ്ഥാപനം പ്രതീക്ഷിക്കുന്നു.
ചൈനീസ് ഇലക്ട്രിക് കാറുകള്‍ തടയാന്‍ അമേരിക്കയും യൂറോപ്യന്‍ യൂണിയനും കുത്തനെയുള്ള താരിഫ് ഏര്‍പ്പെടുത്തിയിട്ടുണ്ട്. കടുത്ത മത്സരം, ചൈനയിലെ ഇ.വി.കളുടെ മുന്‍നിര നിര്‍മ്മാതാക്കളും വില്‍പ്പനക്കാരുമായ അമേരിക്കന്‍ കമ്പനിയായ ടെസ്ലയെ പോലും കിഴിവിലേക്ക് തള്ളിവിട്ട ഒരു വിലയുദ്ധത്തിന് കാരണമായി.
ചൈനയില്‍ ഏറ്റവും കൂടുതല്‍ വിറ്റഴിക്കപ്പെടുന്ന സ്മാര്‍ട്ട്ഫോണ്‍ ബ്രാന്‍ഡുകളില്‍ ആപ്പിളിനെ പിന്തള്ളിയ രണ്ട് കമ്പനികളായ ഹ്വാവെയും ഷഓമിയും ഇതിനകം തന്നെ ഇലക്ട്രിക് കാറുകള്‍ വില്‍ക്കുന്നു. ഇലക്ട്രിക് വാഹന സൗകര്യത്തില്‍ ഫോക്സ്കോണ് നിക്ഷേപം പ്രഖ്യാപിച്ച് ദിവസങ്ങള്‍ക്ക് ശേഷം, ഷഓമി അതിന്റെ രണ്ടാം ഘട്ടത്തിലേക്ക് കടന്നു.
അതേസമയം തങ്ങളുടെ എതിരാളികളേക്കാള്‍ വേഗത്തിലും കുറഞ്ഞ ചെലവിലും ഐഫോണുകള്‍ നിര്‍മ്മിക്കാന്‍ കമ്പനിയെ പ്രാപ്തമാക്കിയ ഘടകങ്ങള്‍ വാഹന വ്യവസായത്തിലെ വിജയത്തിലേക്ക് വിവര്‍ത്തനം ചെയ്യുമെന്ന് ഫോക്സ്കോണ് എക്‌സിക്യൂട്ടീവുകള്‍ പറയുന്നു.
ഷെങ്ഷൗവില്‍ കമ്പനി കെട്ടിപ്പടുത്ത ഉല്‍പ്പാദന ശേഷിയും സര്‍ക്കാര്‍ പിന്തുണയും അതില്‍ ഉള്‍പ്പെടുന്നു. ഒരു ആപ്പിള്‍ വിതരണക്കാരന്‍ എന്ന നിലയില്‍ ഫോക്സ്കോണിന്റെ വിജയത്തില്‍ റോഡുകള്‍, പവര്‍ പ്ലാന്റുകള്‍, നികുതി ഇളവുകള്‍ തുടങ്ങിയ ആനുകൂല്യങ്ങള്‍ ഒരു പ്രധാന പങ്ക് വഹിച്ചു.
എന്നാല്‍ ചൈനയിലെ തിരക്കേറിയ വിപണിയില്‍ ഫോക്സ്‌കോണിനെ വേറിട്ടു നിര്‍ത്താന്‍ ഉല്‍പ്പാദന ശേഷി മതിയാകുമോ എന്നതും ഉയരുന്ന ചോദ്യമാണ്. കാറുകളുടെ കാര്യം വരുമ്പോള്‍, കുറഞ്ഞ വില പോലെ തന്നെ ഉപഭോക്താക്കളുടെ വിശ്വാസ്യതയും സുരക്ഷയും പ്രധാനമാണ്.