സാമ്പത്തിക പ്രതിസന്ധി; ബോയിംഗ് 2,500-ലധികം തൊഴിലാളികളെ ഒഴിവാക്കുന്നു
- 17,000 തൊഴിലവസരങ്ങള്‍ വെട്ടിക്കുറയ്ക്കാനുള്ള പദ്ധതിയുടെ ഭാഗമാണിത്
- പിരിച്ചുവിടപ്പെടുന്നവര്‍ ജനുവരി 17 വരെ ബോയിംഗിന്റെ ശമ്പളപ്പട്ടികയില്‍ തുടരും
- പിങ്ക് സ്ലിപ്പ് ലഭിച്ചവരില്‍ നൂറുകണക്കിന് എഞ്ചിനീയര്‍മാരും പ്രൊഡക്ഷന്‍ തൊഴിലാളികളും
യുഎസ് വിമാനനിര്‍മ്മാതാവായ ബോയിംഗ് 2,500-ലധികം തൊഴിലാളികളെ പിരിച്ചുവിട്ടു. 17,000 തൊഴിലവസരങ്ങള്‍ വെട്ടിക്കുറയ്ക്കാനുള്ള പദ്ധതിയുടെ ഭാഗമായാണിത്. വാഷിംഗ്ടണ്‍, ഒറിഗോണ്‍, സൗത്ത് കരോലിന, മിസോറി എന്നീസംസ്ഥാനങ്ങളില്‍നിന്നാണ് പിരിച്ചുവിടല്‍ ഉണ്ടായത്. പിരിച്ചുവിടലിനെക്കുറിച്ച് പ്രതികരിക്കാന്‍ ബോയിംഗ് വിസമ്മതിച്ചു.
തങ്ങളുടെ തൊഴില്‍ അവസാനിപ്പിക്കുന്നതിന് 60 ദിവസം മുമ്പെങ്കിലും ജീവനക്കാരെ അറിയിക്കാനുള്ള ഫെഡറല്‍ ആവശ്യകതകള്‍ പാലിക്കുന്നതിന് ജനുവരി 17 വരെ ബോയിംഗിന്റെ ശമ്പളപ്പട്ടികയില്‍ തുടരുമെന്ന് എയ്റോസ്പേസ് ഭീമന്‍ യുഎസ് തൊഴിലാളികളെ അറിയിച്ചു.
നവംബര്‍ പകുതിയോടെ ബോയിംഗ് വര്‍ക്കര്‍ അഡ്ജസ്റ്റ്മെന്റ് ആന്‍ഡ് റീട്രെയിനിംഗ് നോട്ടിഫിക്കേഷന്‍ അയയ്ക്കുമെന്ന വാര്‍ത്ത പരക്കെ പ്രതീക്ഷിച്ചിരുന്നു. ഡിസംബറില്‍ മറ്റൊരു റൗണ്ട് പ്രതീക്ഷിക്കുന്നു.
ആളുകളെ ഉല്‍പ്പാദനം നിര്‍ത്തുകയോ എഞ്ചിനീയറിംഗ് ലാബുകളില്‍ നിന്ന് പുറത്താക്കുകയോ' കമ്പനി ഉദ്ദേശിക്കുന്നില്ലെന്ന് ഒക്ടോബറില്‍, ബോയിംഗിന്റെ പുതിയ സിഇഒ കെല്ലി ഓര്‍ട്ട്‌ബെര്‍ഗ് പറഞ്ഞിരുന്നു. കമ്പനിയുടെ പ്രധാന നിര്‍മ്മാണ കേന്ദ്രങ്ങളിലെ തൊഴിലാളികളെ പിരിച്ചുവിടല്‍ എങ്ങനെ ബാധിക്കുമെന്നതിന്റെ സൂചനകള്‍ക്കായി വ്യവസായ നിരീക്ഷകര്‍ കാത്തിരിക്കുകയാണ്.
എന്നിരുന്നാലും, കഴിഞ്ഞയാഴ്ച പിങ്ക് സ്ലിപ്പ് ലഭിച്ചവരില്‍ നൂറുകണക്കിന് എഞ്ചിനീയര്‍മാരും പ്രൊഡക്ഷന്‍ തൊഴിലാളികളും ഉള്‍പ്പെടുന്നു. 218 എഞ്ചിനീയര്‍മാരും 220 സാങ്കേതിക വിദഗ്ധരും ഉള്‍പ്പെടെ ബോയിംഗിലെ 438 യൂണിയന്‍ അംഗങ്ങള്‍ക്ക് കഴിഞ്ഞയാഴ്ച പിരിച്ചുവിടല്‍ നോട്ടീസ് ലഭിച്ചതായി സൊസൈറ്റി ഓഫ് പ്രൊഫഷണല്‍ എഞ്ചിനീയറിംഗ് എംപ്ലോയീസ് ഇന്‍ എയ്റോസ്പേസ് അറിയിച്ചു.
33,000ലധികം യുഎസ് വെസ്റ്റ് കോസ്റ്റ് തൊഴിലാളികളുടെ ആഴ്ചകള്‍ നീണ്ട പണിമുടക്കില്‍ തങ്ങളുടെ മിക്ക വാണിജ്യ ജെറ്റുകളുടെയും ഉത്പാദനം കമ്പനി നിര്‍ത്തിവച്ചിരുന്നു.അതിനുശേഷം ഏറ്റവും മികച്ച വില്‍പ്പനയുള്ള 737 മാക്സിന്റെ ഉത്പാദനം പുനരാരംഭിക്കാന്‍ ശ്രമിക്കുന്നതിനിടെയാണ് പിരിച്ചുവിടല്‍ അറിയിപ്പുകള്‍.