ഐഫോൺ കയറ്റുമതി ഇരട്ടിയായി 10 ബില്യൺ ഡോളറിന്റെ നേട്ടം

ഇലക്‌ട്രോണിക്‌സ് നിർമ്മാണത്തിൽ ഇന്ത്യയെ ഒരു പ്രധാന കേന്ദ്രമാക്കാനുള്ള ഗവൺമെൻ്റിൻ്റെ ശ്രമങ്ങളിൽ, ആപ്പിൾ പങ്കാളി ആയതെോടെ, ഐഫോണുകൾ നിർമ്മിക്കാൻ ഇതുവരെ ചൈനയിലെ സൗകര്യങ്ങളെ ആശ്രയിച്ചിരുന്ന കുപെർട്ടിനോ ആസ്ഥാനമായുള്ള കമ്പനി, അതിൻ്റെ അസംബ്ലി പ്രവർത്തനങ്ങളുടെ ഗണ്യമായ അടിത്തറ ഇന്ത്യയിലേക്ക് മാറ്റി.

2023-24 ൽ ഇന്ത്യ ഏകദേശം 15 ബില്യൺ ഡോളർ മൂല്യമുള്ള സ്മാർട്ട്‌ഫോണുകൾ കയറ്റുമതി ചെയ്തു. അതിൽ ഐഫോണുകൾ 65 ശതമാനം സംഭാവന ചെയ്തു. അല്ലെങ്കിൽ ഏകദേശം 10 ബില്യൺ ഡോളർ, മുൻ വർഷം ഇത് 5 ബില്യൺ ഡോള‍‌ർ ആയിരുന്നു. ആദ്യമായി ഒരു ഇന്ത്യൻ കമ്പനിയായ ടാറ്റ ഇലക്‌ട്രോണിക്‌സും ഐഫോണുകൾ അസംബിൾ ചെയ്യുന്നതിനുള്ള കരാർ ലഭിച്ചു.

ആപ്പിളിൻ്റെ ഇന്ത്യയിലെ അസംബ്ലി ഫാക്ടറികളിൽ ജോലി ചെയ്യുന്നവരിൽ വലിയൊരു വിഭാ​ഗം സ്ത്രീകളാണ്. "ആപ്പിൾ നിലവിൽ 1.5 ലക്ഷം ആളുകൾക്ക് നേരിട്ട് തൊഴിൽ നൽകുന്നു. മുന്നോട്ട് പോകുമ്പോൾ അത് ഗണ്യമായി വർദ്ധിക്കും," കേന്ദ്ര ഇലക്ട്രോണിക്സ്, ഐടി മന്ത്രി അശ്വിനി വൈഷ്ണവ്പറഞ്ഞു. 

കമ്പനിയുടെ വിപുലീകരണം അതിൻ്റെ നിരവധി വിദേശ വിതരണക്കാരെ രാജ്യത്ത് വ്യവസായം  സ്ഥാപിക്കാൻ പ്രേരിപ്പിച്ചു. ക്യാമറ മൊഡ്യൂളുകൾ, കമ്മ്യൂണിക്കേഷൻസ്, പവർ സപ്ലൈ അല്ലെങ്കിൽ ഡിജിറ്റൽ സിഗ്നൽ പ്രോസസ്സിംഗ് എന്നിങ്ങനെ ഘടക വിതരണ ശൃംഖലയിലെ എല്ലാ പ്രധാന സ്ഥാപനവും ഇന്ത്യയിൽ ഒരു അടിത്തറ സ്ഥാപിക്കാൻ സജീവമായി നോക്കുകയാണ്, വൈഷ്ണവ് പറഞ്ഞു.

ഇത് സ്വയമേവ സമീപത്തെ കൂടുതൽ മെച്ചപ്പെട്ട അടിസ്ഥാന സൗകര്യങ്ങൾക്ക് ഇടയാക്കുന്നു. തമിഴ്‌നാട് തലസ്ഥാനമായ ചെന്നൈയിൽ നിന്ന് 40 കിലോമീറ്റർ അകലെയുള്ള ആപ്പിളിൻ്റെ പ്രധാന നിർമ്മാണ കേന്ദ്രമായ ശ്രീപെരുമ്പത്തൂരിൽ, ഫോക്‌സ്‌കോണിന് രണ്ട് വലിയ ഐഫോൺ അസംബ്ലി പ്ലാൻ്റുകൾ ഉണ്ട്, പ്രധാനമായും സ്ത്രീ തൊഴിലാളികൾക്കായി രണ്ട് കൂറ്റൻ ഡോർമിറ്ററികൾ, ചൈനയിലെ ഐഫോൺ നഗരമായ ഷെങ്‌ഷൂവിൻ്റെ മാതൃകയിൽ വരുന്നു.