ഇന്ത്യയുടെ ചിപ്പ് വിപണി 100 ബില്യണ്‍ ഡോളര്‍ കടക്കും
- ഇന്ത്യയുടെ അര്‍ദ്ധചാലക വിപണിക്ക് വന്‍ വളര്‍ച്ചാ സാധ്യത
- നിരവധി വിദേശ കമ്പനികള്‍ ഇന്ത്യയില്‍ പ്ലാന്റുകള്‍ സ്ഥാപിക്കുന്നു
- മൊഹാലിയിലെ കേന്ദ്രഉടമസ്ഥതയിലുള്ള സെമി-കണ്ടക്ടര്‍ ലബോറട്ടറി നവീകരിക്കും
ഇന്ത്യയുടെ അര്‍ദ്ധചാലക വിപണി 2030 ഓടെ 100 ബില്യണ്‍ ഡോളര്‍ കടക്കുമെന്ന് സര്‍ക്കാര്‍. ആഭ്യന്തര അര്‍ദ്ധചാലക വിപണിയെ മികച്ച നിലയിലെത്തിക്കാന്‍ സഹായിക്കുന്ന സംരംഭങ്ങളില്‍, ചിപ്പ് ഫാബുകള്‍ , ഡിസ്‌പ്ലേ ഫാബ്‌സ്, ചിപ്പ് ടെസ്റ്റിംഗ്, പാക്കേജിംഗ് പ്ലാന്റുകള്‍ എന്നിവ സ്ഥാപിക്കുന്നതിനുള്ള പിഎല്‍ഐ പദ്ധതികള്‍, ഡിസൈന്‍-ലിങ്ക്ഡ് ഇന്‍സെന്റീവ് (ഡിഎല്‍ഐ) പദ്ധതി എന്നിവ ഉള്‍പ്പെടുന്നു.
കൂടാതെ, മൊഹാലിയിലെ കേന്ദ്രത്തിന്റെ ഉടമസ്ഥതയിലുള്ള സെമി-കണ്ടക്ടര്‍ ലബോറട്ടറി നവീകരിക്കാനുള്ള ശ്രമങ്ങളും നടന്നുവരുന്നു.
2023 കലണ്ടര്‍ വര്‍ഷത്തിലെ 38 ബില്യണ്‍ ഡോളറിന്റെ വിപണി മൂല്യത്തില്‍ നിന്ന്, 2030 ആകുമ്പോഴേക്കും അര്‍ദ്ധചാലക വിപണി 109 ബില്യണ്‍ ഡോളറായി വളരുമെന്നാണ് പ്രതീക്ഷ. ഇത് വ്യവസായത്തിന്റെ 16% സംയുക്ത വാര്‍ഷിക വളര്‍ച്ചാ നിരക്ക് സൂചിപ്പിക്കുന്നു.
ഗുജറാത്തിലെ ധോലേരയില്‍ തായ്വാനിലെ പവര്‍ചിപ്പ് സെമികണ്ടക്ടര്‍ മാനുഫാക്ചറിംഗ് കോര്‍പ്പറേഷനുമായി (പിഎസ്എംസി) പങ്കാളിത്തത്തോടെ ടാറ്റ ഇലക്ട്രോണിക്‌സ് സ്ഥാപിക്കുന്ന വരാനിരിക്കുന്ന അര്‍ദ്ധചാലക ഫാബ് ആയിരിക്കും ഈ പ്ലാനുകളിലെ പ്രധാനം. ഇത് 2027-ഓടെ പ്രവര്‍ത്തനത്തിന് തയ്യാറാകുമെന്ന് കേന്ദ്രം പറയുന്നു.
കേന്ദ്ര-സംസ്ഥാന പിന്തുണയുള്ള ഇന്‍സെന്റീവുകള്‍ ഉള്‍പ്പെടെ 10.9 ബില്യണ്‍ ഡോളറിന്റെ അറ്റ നിക്ഷേപമുള്ള ഇവിടെ പ്രതിവര്‍ഷം 3 ബില്യണ്‍ ചിപ്പുകള്‍ നിര്‍മ്മിക്കും. ഇവയെല്ലാം റെയില്‍വേ, ഇലക്ട്രിക് വാഹനങ്ങള്‍, വൈറ്റ് ഗുഡ്സ് തുടങ്ങിയ വ്യാവസായിക ഉപയോഗത്തിനുള്ളവയാണ്.
2.75 ബില്യണ്‍ ഡോളറിന്റെ അറ്റ നിക്ഷേപത്തോടെ യുഎസ് ആസ്ഥാനമായുള്ള മൈക്രോണ്‍ 2022-ല്‍ എടിഎംപി സൗകര്യം പ്രഖ്യാപിച്ചിട്ടുണ്ട്. ഇന്ത്യയ്ക്ക് ഇതിനകം തന്നെ ശക്തമായ ഒരു ചിപ്പ് ഡിസൈന്‍ വ്യവസായവും ഉണ്ട്.
ഫാബ്ലെസ് യുഎസ് ചിപ്പ് മേക്കര്‍ ക്വാല്‍കോം രാജ്യത്തെ ബജറ്റ് ശ്രേണിയിലുള്ള സ്മാര്‍ട്ട്ഫോണുകള്‍ക്കായി രൂപകല്‍പ്പന ചെയ്ത പുതിയ മൊബൈല്‍ പ്രോസസ്സിംഗ് പ്ലാറ്റ്ഫോം പ്രഖ്യാപിച്ചു. കമ്പനിയുടെ മിക്ക നെറ്റ്വര്‍ക്കിംഗ് മോഡങ്ങളും അതുപോലെ തന്നെ അതിന്റെ എല്ലാ ചിപ്പുകളുടെയും ഗണ്യമായ വിഭാഗവും രൂപകല്‍പ്പന ചെയ്തിരിക്കുന്നത് ഇന്ത്യയിലെ എഞ്ചിനീയര്‍മാരാണ്.
ഇന്ത്യ, ക്വാല്‍കോമിന്റെ ഏറ്റവും വലിയ എഞ്ചിനീയറിംഗ് ഡിസൈന്‍ അടിത്തറ ഇന്ത്യന്‍ എഞ്ചിനീയര്‍മാരാണ്.