ബ്ലിങ്കിറ്റ് അവതരിപ്പിക്കുന്ന ബിസ്ട്രോ ആപ്പ്: 10 മിനിറ്റിൽ ഫുഡ് ഡെലിവറി സേവനം

വെറും 10 മിനിറ്റിനുള്ളിൽ രുചികരമായ ഭക്ഷണം നിങ്ങളുടെ വീട്ടുവാതിൽക്കൽ എത്തിക്കാൻ ബിസ്ട്രോ. ലഘുഭക്ഷണമോ, ആസ്വാദ്യകരമായ ഉച്ചഭക്ഷണമോ, ജ്യൂസുകളോ എന്തും നൊടിയിടയിൽ ഉപഭോകതാക്കളുടെ മുന്നിൽ എത്തിക്കാൻ ബിസ്ട്രോ ആപ്പ് എത്തിയിരിക്കുന്നു.

സൊമാറ്റോയുടെ ഇ-കൊമേഴ്‌സ് വിഭാഗമായ ബ്ലിങ്കിറ്റ്, വെറും 10 മിനിറ്റിനുള്ളിൽ പലചരക്ക് ഡെലിവറി വാഗ്ദാനം ചെയ്യുന്ന ഒരു സ്റ്റാൻഡാലോൺ ആപ്പായ ബിസ്ട്രോയുടെ സമാരംഭത്തോടെ ഫുഡ്ലി ഡെലിവറി സേവനങ്ങൾ വിപുലീകരിക്കുന്നു. അടുത്തിടെ ആരംഭിച്ച സെപ്‌റ്റോ കഫേ, സ്വിഗ്ഗി  ബോൾട്ട് തുടങ്ങിയ സേവനങ്ങളുമായി മത്സരിക്കാനാണ് ഈ നീക്കത്തിലൂടെ ബ്ലിങ്കിറ്റ് ലക്ഷ്യമിടുന്നത്.

2023 ൽ സോമാറ്റോ ഇൻസ്റ്റൻ്റ് എന്ന പേരിൽ സമാനമായ സേവനം നൽകാൻ കമ്പനി മുമ്പ് ശ്രമിച്ചിരുന്നുവെങ്കിലും ഒടുവിൽ അത് നിർത്തലാക്കുകയായിരുന്നു. 

ബ്ലിങ്ക് ഇറ്റിന്റെ നിലവിലുള്ള ഡാർക്ക് സ്റ്റോർ നെറ്റ്‌വർക്ക് ഉപയോഗിച്ച്, ബിസ്ട്രോയ്ക്ക് വേഗത്തിലുള്ള ഡെലിവറി സമയവും വിശാലമായ ആക്‌സസ്സും നേടാൻ കഴിയും. ബിസ്ട്രോ, "മിനിറ്റുകൾക്കുള്ളിൽ" ഭക്ഷണം, പാനീയങ്ങൾ, സ്നാക്‌സ്, മീൽസ് എന്നിവ ഡെലിവറി ചെയ്യുക എന്ന ലക്ഷ്യത്തോടെയാണ് പ്രവർത്തിക്കുന്നത്.

ഉയർന്ന ഹൈജീൻ നിലവാരം പാലിക്കുന്നതിനൊപ്പം സന്തുലിതമായ, ആരോഗ്യകരമായ ഭക്ഷണം ഡെലിവറി ചെയ്യുക എന്നതാണ് ബിസ്ട്രോയുടെ പ്രധാന സവിശേഷതകളിൽ ഒന്ന്. പരിസ്ഥിതി സൗഹൃദ പാക്കേജിംഗ് ഉപയോഗിക്കുന്നതിലൂടെ ബിസ്ട്രോ സുസ്ഥിരത യിലും ശ്രദ്ധ കേന്ദ്രീകരിക്കുന്നു. ബ്ലിങ്ക് ഇറ്റ് പോലെ, സുഗമമായ ഡെലിവറി ഉറപ്പാക്കുന്നതിന് ലൈവ് ഓർഡർ ട്രാക്കിംഗ് സവിശേഷതയും ബിസ്ട്രോ ആപ്പിൽ ഉണ്ടാകും.

ഫുഡ്-ടെക് സ്‌പേസിലെ സോമാറ്റോയുടെ ഏറ്റവും വലിയ എതിരാളിയായ സ്വിഗ്ഗി ഒക്‌ടോബറിൽ 10 മിനിറ്റിനുള്ളിൽ ഭക്ഷണം ഡെലിവറി ചെയ്യുന്ന ബോൾട്ട് അവതരിപ്പിച്ചിരുന്നു. ഉപഭോക്താവിൽ നിന്ന് 2 കിലോമീറ്റർ ചുറ്റളവിലുള്ള ജനപ്രിയ റെസ്റ്റോറന്റുകളിൽ നിന്നും, ക്വിക്ക് സർവീസ് റെസ്‌റ്റോറീനുകളിൽ നിന്നും ഭക്ഷണം വേഗത്തിൽ എത്തിക്കുന്നതിനാണ് ബോൾട്ട് രൂപകൽപ്പന ചെയ്തിരിക്കുന്നത്. രുചിയെയും ഫ്രഷ്നെസിനെയും ഗുണനിലവാരത്തെയും കുറയ്ക്കാതെ വേഗത്തിൽ ഡെലിവറി ചെയ്യാവുന്ന വിഭവങ്ങളിലാണ് ഇത് ശ്രദ്ധ കേന്ദ്രീകരിക്കുന്നത്.

ഹൈദരാബാദ്, മുംബൈ, ഡൽഹി, പൂനെ, ചെന്നൈ, ബാംഗ്ലൂർ എന്നീ ആറ് പ്രധാന നഗരങ്ങളിലുടനീളം ഈ സേവനം ഇതിനകം പ്രവർത്തിക്കുന്നു. ബിസ്‌ട്രോ സമാനമായ മോഡലിൽ പ്രവർത്തിക്കുന്നു, കൂടാതെ ശ്രദ്ധാപൂർവ്വം ക്യൂറേറ്റ് ചെയ്‌ത ലിസ്റ്റിംഗ് വാഗ്ദാനം ചെയ്യുന്നു. വേഗത്തിലുള്ള ലഘുഭക്ഷണങ്ങളും, ഭക്ഷണവും പാനീയങ്ങളും നൽകാൻ നിലവിലുള്ള നെറ്റ്‌വർക്കുകൾ പ്രയോജനപ്പെടുത്താൻ ബിസ്ട്രോ പദ്ധതിയിടുന്നു.