ആദായ നികുതി നിരക്ക് അതികഠിനം; 25 ശതമാനമായി കുറയ്ക്കണം: സുർജിത് ഭല്ല

ന്യൂഡൽഹി: ഇന്ത്യ ലോകത്തിലെ ഏറ്റവും സമ്പന്നമായ രാജ്യമല്ലെങ്കിലും ഇവിടുത്തെ നികുതി പിരിവ് സാമ്പത്തികമായി ഏറ്റവും ഉയർന്ന രാജ്യങ്ങളിലൊന്നാണ്; ആദായനികുതി നിരക്ക് നിലവിലെ 40 ശതമാനത്തിൽ നിന്ന് 25 ശതമാനമായി കുറയ്ക്കണമെന്ന് പ്രമുഖ സാമ്പത്തിക വിദഗ്ധൻ. സുർജിത് ഭല്ല പറഞ്ഞു.

സാമ്പത്തിക വളർച്ച ത്വരിതപ്പെടുത്തുന്നതിന് നികുതി നിരക്ക് കുറയ്ക്കേണ്ടത് ആവശ്യമാണെന്ന് പിടിഐയോട് സംസാരിക്കവെ ഭല്ല പറഞ്ഞു.

"നമ്മൾ ലോകത്ത് കൂടുതൽ ആഗോളവൽക്കരിക്കപ്പെട്ട സമ്പദ്‌വ്യവസ്ഥയാണ്, ലോകം കൂടുതൽ ആഗോളവൽക്കരിക്കപ്പെട്ടിരിക്കുന്നു. ഇന്ത്യയിലെ മൊത്തത്തിലുള്ള നികുതി നിരക്ക് ഘടന നോക്കുകയാണെങ്കിൽ, നികുതി പിരിവ് ലോകത്തിലെ ഏറ്റവും ഉയർന്ന ഒന്നാണ്, എന്നാൽ, നമ്മൾ  ലോകത്തിലെ ഏറ്റവും സമ്പന്നമായ സമ്പദ്‌വ്യവസ്ഥയല്ല," ഭല്ല പറഞ്ഞു.

സംസ്ഥാനം, കേന്ദ്രം, തദ്ദേശ സ്ഥാപനങ്ങൾ എന്നിവയുടെ നികുതി പിരിവ് ഇന്ത്യയുടെ ജിഡിപിയുടെ 19 ശതമാനമാണെന്ന് അദ്ദേഹം പറഞ്ഞു.

"നമ്മൾ ഇത് 2 ശതമാനമായി കുറയ്ക്കുന്നതിലേക്ക് നീങ്ങണം. പ്രത്യക്ഷ നികുതികളെ സംബന്ധിച്ചിടത്തോളം, മൊത്തത്തിലുള്ള നികുതി നിരക്ക് 25 ശതമാനത്തിൽ കൂടരുത് എന്ന് ഞാൻ കരുതുന്നു. ഇപ്പോൾ അത് സർചാർജുകളും മറ്റും കൂടി 40-ന് അടുത്താണ് . 25 ശതമാനം, അതാണ് നമ്മുടെ കോർപ്പറേറ്റ് നികുതി നിരക്ക്; അതായിരിക്കണം നമ്മുടെ ആദായനികുതി നിരക്ക്," ഭല്ല പറഞ്ഞു.

നിലവിൽ ഇന്ത്യയിലെ ഏറ്റവും ഉയർന്ന ആദായനികുതി നിരക്ക് 39 ശതമാനമാണ്. 2023-24 ലെ ബജറ്റ്, ഉയർന്ന ആസ്തിയുള്ള വ്യക്തികൾക്ക് ബാധകമായ സർചാർജ് കുറച്ചുകൊണ്ട് ഇന്ത്യയിലെ ഏറ്റവും ഉയർന്ന ആദായനികുതി നിരക്ക് 42.74 ശതമാനത്തിൽ നിന്ന് കുറച്ചു.

സമൂഹത്തിലെ തിരഞ്ഞെടുത്ത വിഭാഗത്തിന് മാത്രമല്ല, എല്ലാവർക്കും നികുതി കുറയ്‌ക്കേണ്ടതുണ്ടെന്ന് ഭല്ല പറഞ്ഞു.

2023 മാർച്ചിൽ അവസാനിച്ച സാമ്പത്തിക വർഷത്തിൽ ഇന്ത്യയുടെ മൊത്ത പ്രത്യക്ഷ നികുതി പിരിവ് 20 ശതമാനത്തിലധികം വർധിച്ച് 19.68 ലക്ഷം കോടി രൂപയായി.

മൊത്തം കോർപ്പറേറ്റ് നികുതി പിരിവ് 16.91 ശതമാനം വർധിച്ച് 10.04 ലക്ഷം കോടി രൂപയായതു ഇതിൽ ഉൾപ്പെടുന്നു. മൊത്ത വ്യക്തിഗത ആദായ നികുതി പിരിവ് 24.23 ശതമാനം ഉയർന്ന് 9.60 ലക്ഷം കോടി രൂപയായി.

ബ്യൂറോക്രാറ്റിക് ഇടപെടൽ കൂടുതലുള്ള മേഖലകളിലൊന്നാണ് നേരിട്ടുള്ള നികുതിയെന്നും നികുതി വെട്ടിപ്പ് കുറയ്ക്കുന്നതിന് ഇത് കൂടുതൽ കാര്യക്ഷമമാക്കണമെന്നും ഭല്ല പറഞ്ഞു.

"വളരെ ഉയർന്ന ആദായനികുതി നിരക്കിനെക്കുറിച്ച് എന്തെങ്കിലും ചെയ്യാതെ നിങ്ങൾക്ക് നികുതി വെട്ടിപ്പ് കുറയ്ക്കാൻ കഴിയില്ല. ചില തിരഞ്ഞെടുത്ത മേഖലകളേക്കാൾ എല്ലാവർക്കും പ്രയോജനം ലഭിക്കുന്ന തരത്തിൽ നികുതി ഘടനയിൽ മാറ്റം വരുത്തേണ്ടതുണ്ട്," അദ്ദേഹം പറഞ്ഞു.

പ്രത്യക്ഷ നികുതി വരുമാനം

ഇക്കഴിഞ്ഞ സാമ്പത്തിക വര്‍ഷത്തില്‍ രാജ്യത്തെ പ്രത്യക്ഷ നികുതി വരുമാനത്തിലുണ്ടായത് 20 ശതമാനത്തിന്‍റെ വര്‍ധന. 19.68 ലക്ഷം കോടി രൂപയാണ് 2022-23 വര്‍ഷത്തില്‍ പ്രത്യക്ഷ നികുതി വരുമാനമായി സമാഹരിക്കാനായത്. ഫെബ്രുവരി 1ന് സര്‍ക്കാര്‍ നിശ്ചയിച്ചിരുന്ന പുതുക്കിയ സമാഹരണ ലക്ഷ്യത്തേക്കാള്‍ കൂടുതലാണിത്.

റീഫണ്ടുകള്‍ ക്രമീകരിച്ചതിനു ശേഷം, വ്യക്തികളില്‍ നിന്നും കോര്‍പ്പറേറ്റുകളില്‍‍ നിന്നും സമാഹരിക്കാനായ അറ്റ ആദായ നികുതി 18 ശതമാനത്തിന്‍റെ വര്‍ധന പ്രകടമാക്കി 16.61 ലക്ഷം കോടി രൂപയിലെത്തി.

കഴിഞ്ഞ സാമ്പത്തിക വര്‍ഷത്തേക്കുള്ള ബജറ്റില്‍ 14.20 ലക്ഷം കോടി രൂപയുടെ സമാഹരണ ലക്ഷ്യമാണ് പ്രഖ്യാപിച്ചിരുന്നത്. പുതുക്കിയ എസ്റ്റിമേറ്റില്‍ പിന്നീടത് 16.50 ലക്ഷം കോടിയാക്കി. ഏപ്രില്‍ 1ന് ആരംഭിച്ച 2023-24 സാമ്പത്തിക വര്‍ഷത്തില്‍ പ്രത്യക്ഷ നികുതി ഇനത്തില്‍ 18.23 ലക്ഷം കോടി രൂപ സമാഹരിക്കുന്നതിനാണ് സര്‍ക്കാര്‍ ലക്ഷ്യം നിശ്ചയിച്ചിട്ടുള്ളത്.

"2022-23 സാമ്പത്തിക വർഷത്തെ പ്രത്യക്ഷ നികുതികളുടെ മൊത്ത ശേഖരണം (റീഫണ്ടിനായി ക്രമീകരിക്കുന്നതിന് മുമ്പ്) 19.68 ലക്ഷം കോടി രൂപയാണ്. 20.33 ശതമാനത്തിന്‍റെ വര്‍ധന," ധനമന്ത്രാലയം പ്രസ്താവനയിൽ പറഞ്ഞു. 2021-22 സാമ്പത്തിക വർഷത്തേക്കാൾ 37 ശതമാനം വർധനവോടെ 3.07 ലക്ഷം കോടി രൂപയുടെ റീഫണ്ടുകൾ കഴിഞ്ഞ സാമ്പത്തിക വർഷത്തിൽ ഇഷ്യൂ ചെയ്തു.

മൊത്തം കോർപ്പറേറ്റ് നികുതി പിരിവ് 16.91 ശതമാനം വർധിച്ച് 10.04 ലക്ഷം കോടി രൂപയായി. മൊത്തം വ്യക്തിഗത ആദായ നികുതി കളക്ഷൻ 24.23 ശതമാനം ഉയർന്ന് 9.60 ലക്ഷം കോടി രൂപയായി.