Q3-ൽ 22.7% ലാഭമുയർത്തി ഹിന്ദുസ്ഥാൻ സിങ്ക്

ന്യൂഡൽഹി: മൂന്നാം പാദത്തിൽ മെച്ചപ്പെട്ട പ്രകടനവുമായി വേദാന്ത ഗ്രൂപ്പ് സ്ഥാപനമായ ഹിന്ദുസ്ഥാൻ സിങ്ക് ലിമിറ്റഡ്.

ഡിസംബർ 31ന് അവസാനിച്ച സാമ്പത്തിക പാദത്തിൽ കമ്പനിയുടെ ലാഭം 22.7% വർധിച്ച് അറ്റാദായം 2,701 കോടി രൂപയിലെത്തി.

കഴിഞ്ഞ വർഷം ഇതേ കാലയളവിൽ 2,200 കോടി രൂപയുടെ അറ്റാദായമാണ് കമ്പനി റിപ്പോർട്ട് ചെയ്തത്. ബി എസ് ഇക്ക് നൽകിയ ഫയലിംഗിൽ ഹിന്ദുസ്ഥാൻ സിങ്ക് ലിമിറ്റഡ് അറിയിച്ചതാണിത്.

2021 ഒക്ടോബർ-ഡിസംബർ കാലയളവിൽ കമ്പനിയുടെ വരുമാനം 8,269 കോടി രൂപയായി വർദ്ധിച്ചു.

ഒരു വർഷം മുമ്പ് 6,483 കോടി രൂപയായിരുന്നു ഇതെന്നും ഫയലിംഗിൽ പറയുന്നു.