ഇഷ്യൂവിനൊരുങ്ങി ഓൺ ഡോർ കൺസെപ്റ്റ്‌സ്

ഭക്ഷണസാധനങ്ങളും വീട്ടുപകരണങ്ങളും ലഭ്യമാക്കുന്ന ഇ-കൊമേഴ്‌സ് സംരംഭമായ ഓൺ ഡോർ കൺസെപ്റ്റ്‌സ് ഇഷ്യൂ ഒക്ടോബർ 23-ന് ആരംഭിക്കും. 14.99 ലക്ഷം ഓഹരികൾ നൽകി 31.18 കോടി രൂപ സ്വരൂപിക്കാനാണ് കമ്പനിയുടെ ലക്ഷ്യം. ഇഷ്യൂ 27-ന് അവസാനിക്കും.

പത്തുരൂപ മുഖവിലയുള്ള ഓഹരിയൊന്നിന് 208 രൂപയാണ് ഇഷ്യൂ വില. കുറഞ്ഞത് 600 ഓഹരികൾക്കായി അപേക്ഷിക്കണം. റീട്ടെയിൽ നിക്ഷേപകർക്ക് ആവശ്യമായ ഏറ്റവും കുറഞ്ഞ നിക്ഷേപ തുക 124,800 രൂപയാണ്. ഓഹരികൾക്കുള്ള അലോട്ട്‌മെന്റ് നവംബർ ഒന്നിന് പൂർത്തിയാവും. നവംബർ 6-ന് ഓഹരികൾ എൻഎസ്ഇ എമെർജിൽ ലിസ്‌റ്റ് ചെയ്യും. 

എൻഎസ്ബി ബിപിഓ സൊല്യൂഷൻസ് പ്രൈവറ്റ് ലിമിറ്റഡ്, നരേന്ദ്ര സിംഗ് ബപ്ന, പ്രമോദ് രാംദാസ് ഇംഗ്ലെ, സ്വാതി ബപ്ന, വൈശാലി ഇംഗ്ലെ എന്നിവരാണ് കമ്പനിയുടെ പ്രമോട്ടർമാർ.

ഇഷ്യൂ തുക അധിക പ്രവർത്തന മൂലധന ആവശ്യകതകൾ നിറവേറ്റുന്നതിനും പൊതു കോർപ്പറേറ്റ് ആവശ്യങ്ങള്‍ക്കായി ഉപയോഗിക്കും.

2014 ഡിസംബറിൽ സ്ഥാപിതമായ ഓൺ ഡോർ പലചരക്ക് സാധനങ്ങളുടെയും വീട്ടിലെ അവശ്യവസ്തുക്കളുടെയും ഇ-കൊമേഴ്‌സ് വെബ്‌സൈറ്റാണ്. 2015 ജനുവരിയിൽ, കമ്പനി അതിന്റെ ആദ്യ സ്റ്റോർ മധ്യപ്രദേശിലെ ഭോപ്പാലിൽ ആരംഭിച്ചു. 2023 മാർച്ച് 31 വരെ, കമ്പനി മധ്യപ്രദേശിലെ വിവിധ നഗരങ്ങളിലായി 55 സ്റ്റോറുകൾ സ്ഥാപിച്ചിട്ടുണ്ട്, അതിൽ 17 സ്റ്റോറുകൾ കമ്പനിയുടെ ഉടമസ്ഥതയിലുള്ളതും 38 സ്റ്റോറുകൾ ഫ്രാഞ്ചൈസി മോഡൽ വഴിയും പ്രവർത്തിക്കുന്നു.

കമ്പനിയുടെ ഉൽപ്പന്ന വിഭാഗം:

ഭക്ഷണ വിഭാഗത്തിൽ: പലചരക്ക്, പഴങ്ങളും പച്ചക്കറികളും, പാനീയങ്ങളും പാലുൽപ്പന്നങ്ങളും മിഠായികളും ഉൾപ്പെടുന്നു

എഫ്എംസിജി വിഭാഗത്തിൽ: വ്യക്തിഗത പരിചരണവും ടോയ്‌ലറ്ററികളും മറ്റ് ഓവർ-ദി-കൌണ്ടർ ഉൽപ്പന്നങ്ങളും ഉൾപ്പെടുന്ന. പൊതു ചരക്കുകളിൽ പാത്രങ്ങൾ, പ്ലാസ്റ്റിക് വസ്തുക്കൾ, നിത്യോപയോഗ സാധനങ്ങൾ തുടങ്ങിയവ ഉൾപ്പെടുന്നു.

ഫസ്റ്റ് ഓവർസീസ് കാപ്പിറ്റലാണ് ഇഷ്യുവിന്റെ ലീഡ് മാനേജർ, ബിഗ്ഷെയർ സെർവീസസാണ് രജിസ്ട്രാർ.