സ്വര്‍ണവിലയില്‍ ഇന്ന് മാറ്റമില്ല

സംസ്ഥാനത്തെ സ്വര്‍ണവിലയില്‍ ഇന്ന് മാറ്റമില്ല. ഇക്കഴിഞ്ഞ വെള്ളിയാഴ്ച 22 കാരറ്റ് സ്വര്‍ണം ഗ്രാമിന്‍റെ വില 35 രൂപയുടെ ഇടിവോടെ 5855 രൂപയില്‍ എത്തിയിരുന്നു. പിന്നീട് ആ വില മാറ്റമില്ലാതെ തുടരുകയാണ്. പവന് 46,840 രൂപ. 24 കാരറ്റ് സ്വര്‍ണത്തിനും ഇന്ന് വിലയില്‍ മാറ്റമില്ല, ഗ്രാമിന് 6387 രൂപ, 24 കാരറ്റ് പവന് 51,096 രൂപയാണ്.

യുഎസ് ഫെഡ് റിസര്‍വ് 2024ല്‍ പലിശ നിരക്കുകള്‍ വെട്ടിക്കുറയ്ക്കാന്‍ തയാറെടുക്കുന്നു എന്ന് വ്യക്തമായതോടെ ഡിസംബറില്‍ സ്വര്‍ണവില പുതിയ ഉയരങ്ങളിലേക്ക് കുതിച്ചിരുന്നു. ഡോളറിനെതിരേ രൂപയുടെ മൂല്യത്തിലുണ്ടായ ഇടിവും സംസ്ഥാനത്തെ സ്വര്‍ണ വിലയെ ബാധിച്ചു. ആഗോള തലത്തിലും സ്വര്‍ണ വിലയില്‍ ഇന്ന് കാര്യമായ മാറ്റമില്ല. ട്രോയ് ഔണ്‍സിന് 2063 ഡോളര്‍ എന്ന നിലയിലാണ് വ്യാപാരം പുരോഗമിക്കുന്നത്. 

സംസ്ഥാനത്തെ വെള്ളിവിലയിലും ഇന്ന് മാറ്റമില്ല. വെള്ളി ഗ്രാമിന് 80 രൂപയാണ് ഇന്നത്തെ വില.