സംസ്ഥാനത്തെ സ്വര്‍ണ വിലയില്‍ ഇന്നു മാറ്റമില്ല. തുടര്‍ച്ചയായ നാലു ദിവസങ്ങളിലെ മുന്നേറ്റത്തിന് ശേഷമാണ് രണ്ട് ദിവസങ്ങളിലായി വില മാറ്റമില്ലാതെ തുടരുന്നത്. 22 കാരറ്റ് ഗ്രാമിന് ഇന്ന് 5450 രൂപയാണ് വില. പവന് ഇന്ന് 43,600 രൂപ. നാലു ദിവസങ്ങളിലായി മൊത്തം 320 രൂപയുടെ വര്‍ധനയാണ് പവന് ഉണ്ടായത്. ഈ മാസം 7 ദിവസങ്ങളില്‍ മാത്രമാണ് സ്വര്‍ണ വില ഉയര്‍ന്നത്.
24 കാരറ്റ് സ്വര്‍ണം ഗ്രാമിന്‍റെ വിലയിലും ഇന്ന് മാറ്റമില്ല, 5945 രൂപയാണ് ഇന്നത്തെ വില. പവന് 47,560 രൂപ. ആഗോള തലത്തില്‍ സ്വര്‍ണ വില ഔണ്‍സിന് 1914.16 (ഇന്ത്യന്‍ സമയം 12:00ന്) എന്ന തലത്തിലാണ് പുരോഗമിക്കുന്നത്.
മാര്‍ച്ച് അവസാനം മുതല്‍ മേയ് രണ്ടാം വാരം വരെയുള്ള കാലയളവില്‍ സ്വര്‍ണം വലിയ കുതിപ്പിന്‍റെ പാതയിലായിരുന്നു. എന്നാല്‍ തുടര്‍ന്നങ്ങോട്ട് വിലയില്‍ തുടര്‍ച്ചയായ ചാഞ്ചാട്ടവും ക്രമേണ ഇടിവും ഉണ്ടാകുകയായിരുന്നു. ജൂണില്‍ വെറും 7 ദിവസങ്ങളില്‍ മാത്രമാണ് സ്വര്‍ണ വിലയില്‍ വര്‍ധന രേഖപ്പെടുത്തിയത്. ജൂലൈയില്‍ പൊതുവേ ചാഞ്ചാട്ടമാണ് വിലയില്‍ കണ്ടത്. ഓഗസ്റ്റില്‍ വീണ്ടും ഇടിവ് പ്രകടമാകുന്നതിലേക്ക് നീങ്ങി.
സംസ്ഥാനത്തെ വെള്ളിവില ഇന്ന് വര്‍ധന പ്രകടമാക്കി. ഒരു ഗ്രാം വെള്ളിയുടെ വില 50 പൈസയുടെ വര്‍ധനയോടെ 80 രൂപയില്‍ എത്തി. എട്ട് ഗ്രാം വെള്ളിക്ക് 640 രൂപ. ഡോളറിനെതിരേ രൂപയുടെ മൂല്യം ഇന്ന് ഇടിഞ്ഞു, ഡോളറിന് 82.65 രൂപ എന്ന നിലയാണ് വിനിമയം.