സ്വര്‍ണവിലയില്‍ ഇന്ന് മാറ്റമില്ല

സംസ്ഥാനത്തെ സ്വര്‍ണവിലയില്‍ ഇന്ന് മാറ്റമില്ല. രണ്ടു ദിവസത്തെ വര്‍ധനയ്ക്ക് ശേഷം ജൂലൈ 3 തിങ്കളായ്ച സ്വര്‍ണവില താഴോട്ടു പോയിരുന്നു. അതിനു ശേഷം ഇന്നലെ വീണ്ടും വില ഉയര്‍ന്നു.  22 കാരറ്റ് സ്വര്‍ണം ഗ്രാമിന്‍റെ ഇന്നത്തെ വില 5415 രൂപയാണ്. പവന് 43,240 രൂപയാണ് വില. കഴിഞ്ഞ ആഴ്‍ചയിലും പൊതുവേ ചാഞ്ചാട്ടമാണ് സ്വര്‍ണവിലയില്‍ ഉണ്ടായിരുന്നത്. കഴിഞ്ഞ തിങ്കളാഴ്ച വില നേരിയ തോതില്‍ ഉയര്‍ന്നുവെങ്കിലും ചൊവ്വാഴ്ച വിലയില്‍ മാറ്റമുണ്ടായില്ല. പിന്നീട് ബുധനും വ്യാഴവും ഇടിവ് രേഖപ്പെടുത്തുകയായിരുന്നു. എന്നാല്‍ വെള്ളിയും ശനിയും വിലവര്‍ധിച്ചു.

24 കാരറ്റ് സ്വര്‍ണത്തിന്‍റെ വിലയിലും ഇന്ന് മാറ്റമുണ്ടായിട്ടില്ല. ഇന്ന് ഗ്രാമിന് 5906 രൂപയാണ് വില.  24 കാരറ്റ് പവന്‍ ഇന്ന് 47,248 രൂപയാണ്. ആഗോള തലത്തില്‍ ഇന്ന് സ്വര്‍ണവില ഉയര്‍ച്ചയിലേക്ക് നീങ്ങിയിട്ടുണ്ട്. ഔണ്‍സിന് ശരാശരി 1925 ഡോളര്‍ എന്ന നിലയിലാണ് വ്യാപാരം പുരോഗമിക്കുന്നത്.

സ്വര്‍ണത്തിന് സമാനമായി വെള്ളി വിലയിലും ഇന്ന് മാറ്റമുണ്ടായിട്ടില്ല.  ഇന്ന് ഗ്രാമിന് 75.80 രൂപയാണ് വെള്ളിവില. 8 ഗ്രാം വെള്ളിയുടെ വില 606.40 രൂപയാണ്. ഡോളറിനെതിരേ ഇന്ന് രൂപയുടെ മൂല്യം 1 ഡോളറിന് 82.13 രൂപ എന്ന നിലയിലാണ്.