തുടര്‍ച്ചയായ നാലാം ദിനത്തിലും മാറ്റമില്ലാതെ സ്വര്‍ണവില

സംസ്ഥാനത്തെ സ്വര്‍ണ വിലയില്‍ തുടര്‍ച്ചയായ നാലാം ദിനത്തിലും മാറ്റമില്ല. ജൂലൈ 12നും 13നുമായി ഗ്രാമിന് 55 രൂപയുടെയും പവന് 440 രൂപയുടെയും വര്‍ധന സ്വര്‍ണവിലയില്‍ ഉണ്ടായിരുന്നു. ഇന്ന് 22 കാരറ്റ് സ്വര്‍ണത്തിന്‍റെ വില 5500 രൂപയാണ്. പവന് 44,000 രൂപയാണ് വില. രണ്ടു മാസത്തോളം നീണ്ട ചാഞ്ചാട്ടത്തിനും ഇടിവിനും ശേഷമാണ് സ്വര്‍ണ വില വീണ്ടും ഉയര്‍ന്ന തലത്തിലേക്ക് നീങ്ങുന്നുവെന്ന സൂചനകള്‍ നല്‍കിയിട്ടുള്ളത്.

24 കാരറ്റ് സ്വര്‍ണം ഗ്രാമിന് ഇന്ന് 6000 രൂപയാണ് വില, പവന് 48,000 രൂപ. ഈ വിലയും കഴിഞ്ഞ 4 ദിവസങ്ങളിലായി മാറിയിട്ടില്ല. ആഗോള തലത്തില്‍ ഔണ്‍സിന് 1951 - 1956 ഡോളര്‍ എന്ന തലത്തിലാണ് ഇന്ന് സ്വര്‍ണവില. യുഎസ് പണപ്പെരുപ്പം പരിമിതപ്പെട്ടതും വരാനിരിക്കുന്ന ഫെഡ് റിസര്‍വ് യോഗവും സ്വര്‍ണവിലയ്ക്ക് അനുകൂലമായി മാറിയേക്കാം.  ഇന്ന് 1 ഡോളറിന് 82.17 രൂപയാണ് മൂല്യം.

വെള്ളിവിലയില്‍ ഇന്ന് പക്ഷേ ഇടിവ് രേഖപ്പെടുത്തിയിട്ടുണ്ട്. 1 ഗ്രാം വെള്ളിയുടെ വില ഗ്രാമിന് 30 പൈസയുടെ ഇടിവോടെ 81.50 രൂപയില്‍ എത്തി. 8 ഗ്രാം വെള്ളിക്ക് 652 രൂപയാണ് വില. ഇന്നലത്തെ വിലയില്‍ നിന്ന് 2.40 രൂപയുടെ ഇടിവ്.