കെഫിന്‍ന്റെ 10 ശതമാനം ഓഹരികൾ വിറ്റ് ജനറല്‍ അറ്റ്‌ലാന്റിക്
- ഓഹരികള്‍ വിറ്റത് ഓപ്പണ്‍ മാര്‍ക്കറ്റ് ഇടപാടിലൂടെ
- ഇടപാട് മൂല്യം 850.85 കോടി രൂപ
- കെഫിന്‍ ടെക്‌നോളജീസിന്റെ ഓഹരികള്‍ 4.29 ശതമാനം ഇടിഞ്ഞു
കെഫിന്‍ ടെക്‌നോളജീസിന്റെ 10 ശതമാനം ഓഹരികള്‍ 851 കോടി രൂപയ്ക്ക് സ്വകാര്യ ഇക്വിറ്റി സ്ഥാപനമായ ജനറല്‍ അറ്റ്‌ലാന്റിക് ഓപ്പണ്‍ മാര്‍ക്കറ്റ് ഇടപാടിലൂടെ വിറ്റഴിച്ചു. ജനറല്‍ അറ്റ്‌ലാന്റിക് അതിന്റെ അഫിലിയേറ്റ് ജനറല്‍ അറ്റ്‌ലാന്റിക് സിംഗപ്പൂര്‍ ഫണ്ട് പിടിഇ വഴിയാണ് കമ്പനിയുടെ ഓഹരികള്‍ വിറ്റത്.യുഎസ് ആസ്ഥാനമായുള്ള പ്രൈവറ്റ് ഇക്വിറ്റി സ്ഥാപനമാണ് കെഫിന്‍ ടെക്‌നോളജീസിന്റെ പ്രൊമോട്ടര്‍.
ബിഎസ്ഇയില്‍ ലഭ്യമായ ബള്‍ക്ക് ഡീല്‍ ഡാറ്റ അനുസരിച്ച്, ജനറല്‍ അറ്റ്‌ലാന്റിക് സിംഗപ്പൂര്‍ ഫണ്ട് പിടിഇ 1,70,00,000 ഓഹരികള്‍ ഓഫ്ലോഡ് ചെയ്തു. ഇത് കെഫിന്‍ ടെക്നോളജീസിലെ 9.98 ശതമാനം ഓഹരിയാണ്.ഓഹരികള്‍ ഓരോന്നിനും ശരാശരി 500.50 രൂപ നിരക്കിലാണ് വിറ്റത്. ഇടപാട് മൂല്യം 850.85 കോടി രൂപ.
ഇടപാടിന് ശേഷം ജനറല്‍ അറ്റ്ലാന്റിക്കിന്റെ കെഫിന്‍ ടെക്നോളജീസിലെ ഓഹരികള്‍ 49.12 ശതമാനത്തില്‍ നിന്ന് 39.14 ശതമാനമായി കുറഞ്ഞു.
ഐസിഐസിഐ പ്രുഡന്‍ഷ്യല്‍ മ്യൂച്വല്‍ ഫണ്ട്, ഐസിഐസിഐ പ്രുഡന്‍ഷ്യല്‍ ലൈഫ് ഇന്‍ഷുറന്‍സ്, ഐഐഎഫ്എല്‍ സെക്യൂരിറ്റീസ്, സൊസൈറ്റി ജനറല്‍, യൂണിഫൈ കാപ്പിറ്റല്‍ പ്രൈവറ്റ് ലിമിറ്റഡ് എന്നിവയാണ് കെഫിന്‍ ടെക്‌നോളജീസിന്റെ ഓഹരികള്‍ വാങ്ങിയത്.
വെള്ളിയാഴ്ച, എന്‍എസ്ഇയില്‍ കെഫിന്‍ ടെക്‌നോളജീസിന്റെ ഓഹരികള്‍ 4.29 ശതമാനം ഇടിഞ്ഞ് 509 രൂപയിലെത്തി.
ഷപൂര്‍ജി പല്ലോന്‍ജി ആന്‍ഡ് കമ്പനി ഒരു ഓപ്പണ്‍ മാര്‍ക്കറ്റ് ഇടപാടിലൂടെ സ്റ്റെര്‍ലിംഗ് ആന്‍ഡ് വില്‍സണ്‍ റിന്യൂവബിള്‍ എനര്‍ജിയുടെ 2 ശതമാനം ഓഹരി 163 കോടി രൂപയ്ക്ക് വിറ്റു. എന്‍എസ്ഇയിലെ ഒരു പ്രത്യേക ബള്‍ക്ക് ഇടപാടില്‍, പ്രൊമോട്ടര്‍ സ്ഥാപനമായ ഷാപൂര്‍ജി പല്ലോന്‍ജി ആന്‍ഡ് കമ്പനി 39,14,279 ഓഹരികള്‍ ഓഫ്ലോഡ് ചെയ്തു. ഡാറ്റ പ്രകാരം സ്റ്റെര്‍ലിംഗ്, വില്‍സണ്‍ റിന്യൂവബിള്‍ എനര്‍ജി എന്നിവയുടെ 2 ശതമാനം ഓഹരികളാണിത്. ഓഹരികള്‍ ഓരോന്നിനും ശരാശരി 415.46 രൂപ നിരക്കിലായിരുന്നു വില്‍പ്പന. ഇടപാട് 162.62 കോടി രൂപയുടേതാണ്.
എന്‍എസ്ഇയില്‍ സ്റ്റെര്‍ലിംഗ്, വില്‍സണ്‍ റിന്യൂവബിള്‍ എനര്‍ജി എന്നിവയുടെ ഓഹരികള്‍ 0.45 ശതമാനം ഉയര്‍ന്ന് 426 രൂപയിലെത്തിയിട്ടുണ്ട്.