ബിഎസ്ഇ-ലിസ്റ്റഡ് കമ്പനികളുടെ വിപണി മൂലധനം 400 ലക്ഷം കോടി രൂപയിലെത്തി
- ഇതാദ്യമായാണ് ബിഎസ്ഇ-ലിസ്റ്റഡ് കമ്പനികളുടെ വിപണി മൂലധനം 400 ലക്ഷം കോടി രൂപ കടന്നത്
- 30 ഷെയര്‍ ബിഎസ്ഇ ബെഞ്ച്മാര്‍ക്ക് 425.62 പോയിന്റ് ഉയര്‍ന്ന് 74,673.84 എന്ന പുതിയ റെക്കോര്‍ഡിലെത്തി
- കഴിഞ്ഞ വര്‍ഷം ജൂലൈയില്‍ ബിഎസ്ഇ ലിസ്റ്റഡ് സ്ഥാപനങ്ങളുടെ വിപണി മൂലധനം 300 ലക്ഷം കോടി രൂപയിലെത്തിയിരുന്നു
ഇക്വിറ്റികളിലെ റെക്കോര്‍ഡ് റാലിയെ തുടര്‍ന്ന് തിങ്കളാഴ്ച രാവിലെ ബിഎസ്ഇ-ലിസ്റ്റഡ് കമ്പനികളുടെ വിപണി മൂലധനം എക്കാലത്തെയും ഉയര്‍ന്ന നിരക്കായ 401.10 ലക്ഷം കോടിയിലെത്തി.
ഇതാദ്യമായാണ് ബിഎസ്ഇ-ലിസ്റ്റഡ് കമ്പനികളുടെ വിപണി മൂലധനം 400 ലക്ഷം കോടി രൂപ കടന്നത്. 30 ഷെയര്‍ ബിഎസ്ഇ ബെഞ്ച്മാര്‍ക്ക് 425.62 പോയിന്റ് ഉയര്‍ന്ന് 74,673.84 എന്ന പുതിയ റെക്കോര്‍ഡിലെത്തി.
ബിഎസ്ഇ-ലിസ്റ്റഡ് കമ്പനികളുടെ വിപണി മൂലധനം എക്കാലത്തെയും ഉയര്‍ന്ന നിരക്കായ 4,01,16,018.89 കോടി രൂപയിലെത്തി (4.81 ട്രില്യണ്‍ യുഎസ് ഡോളര്‍).
കഴിഞ്ഞ വര്‍ഷം ജൂലൈയില്‍ ബിഎസ്ഇ ലിസ്റ്റഡ് സ്ഥാപനങ്ങളുടെ വിപണി മൂലധനം 300 ലക്ഷം കോടി രൂപയിലെത്തിയിരുന്നു.
സെന്‍സെക്സില്‍ നിന്ന്, മഹീന്ദ്ര ആന്‍ഡ് മഹീന്ദ്ര, മാരുതി, ടാറ്റ സ്റ്റീല്‍, ബജാജ് ഫിന്‍സെര്‍വ്, പവര്‍ ഗ്രിഡ്, റിലയന്‍സ് ഇന്‍ഡസ്ട്രീസ്, ആക്സിസ് ബാങ്ക്, ജെഎസ്ഡബ്ല്യു സ്റ്റീല്‍ തുടങ്ങിയ ഓഹരികള്‍ നേട്ടത്തിലാണ്.
വിപ്രോ, നെസ്ലെ, എച്ച്ഡിഎഫ്സി ബാങ്ക്, ബജാജ് ഫിനാന്‍സ് തുടങ്ങിയ ഓഹരികള്‍ പിന്നോക്കാവസ്ഥയിലാണ്.
ഏഷ്യന്‍ വിപണികളില്‍, സിയോളും ടോക്കിയോയും പോസിറ്റീവ് ടെറിട്ടറിയിലാണ് വ്യാപാരം നടത്തുന്നത്. ഷാങ്ഹായ്, ഹോങ്കോംഗ് എന്നിവ താഴ്ന്ന നിലയിലാണ്.
വാള്‍സ്ട്രീറ്റ് വെള്ളിയാഴ്ച നേട്ടത്തോടെയാണ് അവസാനിച്ചത്.
എക്‌സ്‌ചേഞ്ച് ഡാറ്റ പ്രകാരം, വിദേശ സ്ഥാപന നിക്ഷേപകര്‍ വെള്ളിയാഴ്ച 1,659.27 കോടി രൂപയുടെ ഇക്വിറ്റികള്‍ വാങ്ങി.
ആഗോള എണ്ണ മാനദണ്ഡമായ ബ്രെന്റ് ക്രൂഡ് 1.36 ശതമാനം ഇടിഞ്ഞ് ബാരലിന് 89.93 ഡോളറിലെത്തി.