ഡെലിവറി അതിവേഗമെന്ന് ആമസോണ്‍
- പ്രൈം അംഗങ്ങളുടെ ഓര്‍ഡറുകളുടെ ഏകദേശം 50 ശതമാനവും അടുത്ത ദിവസമോ അതേ ദിവസമോ ഡെലിവര്‍ ചെയ്യുന്നു
- ആമസോണ്‍ ഇന്ത്യയ്ക്ക് 15 സംസ്ഥാനങ്ങളിലായി ഫുള്‍ഫില്‍മെന്റ് സെന്ററുകളും 19 സംസ്ഥാനങ്ങളിലായി സോര്‍ട്ടേഷന്‍ സെന്ററുകളും ഉണ്ട്
;
ആമസോണ്‍ ഇന്ത്യ അതിന്റെ പ്രൈം അംഗത്വ ഉപയോക്താക്കളുടെ 50 ശതമാനം ഓര്‍ഡറുകളും ഒരേ ദിവസത്തിനുള്ളില്‍, അടുത്ത ദിവസമോ അല്ലെങ്കില്‍ വേഗത്തിലോ ഡെലിവര്‍ ചെയ്തതായി അവകാശപ്പെടുന്നു.
പ്രൈം അംഗത്വത്തിനായി കമ്പനി പ്രതിമാസം 299 രൂപയോ പ്രതിവര്‍ഷം 1,499 രൂപയോ ഈടാക്കുന്നു. പ്രൈം അംഗങ്ങള്‍ക്ക് അതേ ദിവസം, അടുത്ത ദിവസം അല്ലെങ്കില്‍ ഷെഡ്യൂള്‍ ചെയ്ത സമയം അനുസരിച്ച് ഓര്‍ഡര്‍ ഡെലിവറി ചെയ്യുന്നതിനായി ഇത് സൗജന്യമോ ഡിസ്‌കൗണ്ട് ഡെലിവറിയോ വാഗ്ദാനം ചെയ്യുന്നുണ്ട്.
'ഇന്ത്യയില്‍, 2024-ല്‍ ഇതുവരെ, ഐ ലൈനറുകള്‍ മുതല്‍ ബേബി ഉല്‍പ്പന്നങ്ങള്‍, ഗാര്‍ഡന്‍ ടൂളുകള്‍, വാച്ചുകള്‍, ഫോണുകള്‍ തുടങ്ങി നിരവധി ഉല്‍പ്പന്നങ്ങളില്‍ ഉടനീളമുള്ള എല്ലാ പ്രൈം അംഗങ്ങളുടെ ഓര്‍ഡറുകളുടെ ഏകദേശം 50 ശതമാനവും അടുത്ത ദിവസം, അതേ ദിവസം തന്നെ എത്തി. അല്ലെങ്കില്‍ വേഗത്തില്‍,' ആമസോണ്‍ പ്രസ്താവനയില്‍ പറഞ്ഞു.
ഉപഭോക്താക്കള്‍ക്ക് വേഗത്തില്‍ സേവനം നല്‍കാന്‍ എഐ സഹായിച്ചതായും കമ്പനി അറിയിച്ചു.
''ഉല്‍പ്പന്നങ്ങളുടെ തിരഞ്ഞെടുപ്പ് വിപുലീകരിക്കുന്നതിന് ഞങ്ങള്‍ മെഷീന്‍ ലേണിംഗിന്റെ ശക്തി പ്രയോജനപ്പെടുത്തി. കൂടാതെ തുടര്‍ച്ചയായി ഓര്‍ഡര്‍ ചെയ്യാനും വില്‍പ്പനക്കാരെ ശുപാര്‍ശ ചെയ്തു,'' പ്രസ്താവനയില്‍ പറയുന്നു.
ആമസോണ്‍ ഇന്ത്യയ്ക്ക് 15 സംസ്ഥാനങ്ങളിലായി ഫുള്‍ഫില്‍മെന്റ് സെന്ററുകളും 19 സംസ്ഥാനങ്ങളിലായി സോര്‍ട്ടേഷന്‍ സെന്ററുകളും ആമസോണും പ്രാദേശിക സംരംഭകരും നടത്തുന്ന 1,950 ഡെലിവറി സ്റ്റേഷനുകളും 28,000 തേര്‍ഡ് പാര്‍ട്ടി ഡെലിവറി പങ്കാളികളുമുണ്ട്.
ആമസോണ്‍ അതേ ദിവസം 10 ലക്ഷത്തിലധികം ഇനങ്ങളും അടുത്ത ദിവസം 40 ലക്ഷത്തിലധികം ഇനങ്ങളും അതിന്റെ പ്രൈം അംഗങ്ങള്‍ക്ക് വിതരണം ചെയ്യുന്നുവെന്ന് കമ്പനി അവകാശപ്പെടുന്നു.
