ഇന്ത്യ-യുഎസ് ട്രേഡ് പോളിസി ഫോറം; സാമൂഹിക സുരക്ഷാ കരാര്‍ ചര്‍ച്ചയാകും
- ഇരുരാജ്യങ്ങളും തമ്മിലുള്ള വ്യാപാര, നിക്ഷേപ പ്രശ്നങ്ങള് എപിഎഫിലാണ് പരിഹരിക്കപ്പെടുക
- ഫോറത്തിന്റെ യോഗം ജനുവരി 13-14 തീയതികളില്‍
- സാമൂഹിക സുരക്ഷാ കരാര്‍ സംബന്ധിച്ച ആശങ്കകള്‍ പരിഹരിക്കാനുള്ള ശ്രമം ഉണ്ടാകും
ഇന്ത്യ-യുഎസ് ട്രേഡ് പോളിസി ഫോറത്തിന്റെ (ടിപിഎഫ്) യോഗത്തില്‍ സാമൂഹിക സുരക്ഷാ കരാര്‍, വിസ, കാര്‍ഷിക വ്യാപാരം പ്രോത്സാഹിപ്പിക്കല്‍ തുടങ്ങിയവ ന്യൂഡെല്‍ഹി ഉന്നയിക്കുമെന്ന് ഉന്നത സര്‍ക്കാര്‍ ഉദ്യോഗസ്ഥന്‍ വ്യക്തമാക്കി. ഈ മാസസം 13-14 തീയതികളിലാണ് ഫോറത്തിന്റെ യോഗം നടക്കുന്നത്. യോഗത്തില്‍ വാണിജ്യമന്ത്രി പിയൂഷ് ഗോയലുമായി യുഎസ് വ്യാപാര പ്രതിനിധി കാതറിന്‍ തായ് കൂടിക്കാഴ്ച നടത്തും.
ഇന്ത്യ-യുഎസ് ടിപിഎഫിന്റെ 14-ാമത് മന്ത്രിതല യോഗമായിരിക്കും ഇത്. യുഎസുമായുള്ള സമ്പൂര്‍ണവല്‍ക്കരണ കരാറിന്റെ സാമൂഹിക സുരക്ഷയാണ് ഇന്ത്യ തേടുന്നത്. സാമൂഹിക സുരക്ഷാ കരാറും മൊബിലിറ്റിയുമാണ് ചര്‍ച്ചയിലെ പ്രധാന പ്രശ്നങ്ങള്.
ഉടമ്പടി പ്രകാരം, ആതിഥേയ രാജ്യത്തിന്റെ സാമൂഹിക സുരക്ഷാ പദ്ധതികളിലേക്ക് ഒരു പ്രവാസിയും സംഭാവന നല്‍കേണ്ടതില്ല.
അമേരിക്കയില്‍ ജോലി ചെയ്യുന്നവരും സാമൂഹിക സുരക്ഷയ്ക്ക് പണം നല്‍കുന്നവരും എന്നാല്‍ അതില്‍ നിന്ന് ഒരു പ്രയോജനവും ലഭിക്കാത്തവരുമായ നിരവധി ഇന്ത്യക്കാര്‍ക്ക്, പ്രത്യേകിച്ച് ഐടി മേഖലയില്‍ നിന്നുള്ളവര്‍ക്ക് ഇത് പ്രയോജനം ചെയ്യും.
2023 ജനുവരിയില്‍ വാഷിംഗ്ടണിലാണ് അവസാന യോഗം നടന്നത്. ഇന്ത്യയില്‍ നിന്നുള്ള ആളുകള്‍ക്ക് ബിസിനസ് വിസ അനുവദിക്കുന്നതിലെ കാലതാമസം ഇന്ത്യ ആ മീറ്റിംഗില്‍ എടുത്തുകാണിച്ചു.
ഇരുരാജ്യങ്ങള്‍ക്കുമിടയില്‍ പ്രൊഫഷണലുകളുടെയും വിദഗ്ധ തൊഴിലാളികളുടെയും ബിസിനസ് സഞ്ചാരികളുടെയും പോക്കുവരവുകള്‍ ഉഭയകക്ഷി സാമ്പത്തിക, സാങ്കേതിക പങ്കാളിത്തം വര്‍ധിപ്പിക്കുന്നതിന് സഹായകരമാകുമാകുന്നതായും കഴിഞ്ഞ ടിപിഎഫ് മീറ്റില്‍ ഇരു രാജ്യങ്ങളും സൂചിപ്പിച്ചിരുന്നു.
ഇരു രാജ്യങ്ങളും തമ്മിലുള്ള വ്യാപാര, നിക്ഷേപ പ്രശ്നങ്ങള് പരിഹരിക്കാനുള്ള വേദിയാണ് ടിപിഎഫ്. ഇതിന് അഞ്ച് ഫോക്കസ് ഗ്രൂപ്പുകളുണ്ട് -- കൃഷി, നിക്ഷേപം, നവീകരണം, സര്‍ഗ്ഗാത്മകത (ബൗദ്ധിക സ്വത്തവകാശം), സേവനങ്ങള്‍, താരിഫ്, നോണ്‍-താരിഫ് തടസ്സങ്ങള്‍.
ഇന്ത്യയുടെ ഏറ്റവും വലിയ വ്യാപാര പങ്കാളിയാണ് അമേരിക്ക. ഇന്ത്യയുടെ മൊത്തം ചരക്കുകളുടെ കയറ്റുമതിയുടെ 20 ശതമാനവും അമേരിക്കയാണ്, ഐടി പോലുള്ള സേവന മേഖലകളുടെ പ്രധാന വിപണിയുമാണ്.
2021-22ല്‍ 120 ബില്യണ്‍ ഡോളറായിരുന്ന രാജ്യങ്ങള്‍ തമ്മിലുള്ള ഉഭയകക്ഷി വ്യാപാരം 2022-23ല്‍ 129.4 ബില്യണ്‍ ഡോളറായി ഉയര്‍ന്നു. 2022-23ല്‍ യുഎസില്‍ നിന്ന് ഇന്ത്യയ്ക്ക് 6 ബില്യണ്‍ ഡോളര്‍ നേരിട്ടുള്ള വിദേശ നിക്ഷേപം ലഭിക്കുകയും ചെയ്തു.