5 ലക്ഷം രൂപ വരെ നികുതി അടയ്ക്കാൻ ഇനി യുപിഐ

ഇന്ത്യയിലെ ദശലക്ഷക്കണക്കിന് നികുതിദായകരെ സഹായിക്കുന്നതിന് നാഷണൽ പേയ്മെന്റ്സ് കോർപ്പറേഷൻ ഓഫ് ഇന്ത്യ (എൻപിസിഐ) യുപിഐ ഉപയോഗിച്ച് നികുതി പേയ്മെന്റ് നടത്താനുള്ള പരിധി വർദ്ധിപ്പിച്ചു. ഇതോടെ യുപിഐ വഴി 5 ലക്ഷം രൂപ വരെയുള്ള നികുതി പേയ്മെന്റ് നടത്താൻ കഴിയും.

ഒട്ടേറെ പേർ പേയ്മെന്റുകൾക്ക്  യുപിഐ ഉപയോഗിക്കുന്നതിനാൽ,  യുപിഐയിൽ ഇടപാട് പരിധി വർദ്ധിപ്പിക്കേണ്ടതുണ്ട് എന്ന് 2024 ഓഗസ്റ്റ് 24 ലെ ഒരു സർക്കുലറിൽ, എൻപിസിഐ സൂചിപ്പിച്ചിരുന്നു.

 വ്യാപാരികൾ നികുതി പേയ്മെന്റ് വിഭാഗത്തിന്  പേയ്മെന്റ് മോഡായി യുപിഐ പ്രാപ്തമാക്കിയിരിക്കുന്നുവെന്ന് ഉറപ്പുവരുത്തണം. എൻപിസിഐ സൂചിപ്പിക്കുന്നത് പോലെ, നികുതി പേയ്‌മെൻ്റ് വിഭാഗത്തിനായുള്ള വർദ്ധിച്ച പരിധിക്ക് ഒരു പേയ്‌മെൻ്റ് മോഡായി യുപിഐ പ്രവർത്തനക്ഷമമാക്കിയിട്ടുണ്ടെന്ന് വ്യാപാരികളും ഉറപ്പാക്കേണ്ടതുണ്ട്.

യുപിഐ  ഉപയോഗിച്ചുള്ള നികുതി പേയ്‌മെൻ്റുകളുടെ ഇടപാട് പരിധി പരിധി 1 ലക്ഷം രൂപയിൽ നിന്ന് 5 ലക്ഷം രൂപയായി ഉയർത്തിയ നടപടി,    ഇന്ത്യയുടെ  ഡിജിറ്റൽ  സമ്പദ്വ്യവസ്ഥയെ ശക്തീകരിക്കുമെന്ന് വിവിധ സാമ്പത്തിക സംഘടനകൾ അഭിപ്രായപ്പെട്ടു. ഇത്  നികുതി ശേഖരണ സംവിധാനത്തെ ശക്തിപ്പെടുത്തുകയും, ചെലവ് കുറയ്ക്കുക്കാൻ സഹായിക്കുകയും ചെയ്യും.  നികുതിദായകർക്ക് യുപിഐ  പേയ്മെന്റ് കൂടുതൽ സൗകര്യപ്രദമാണെന്ന് വിപണി വൃത്തങ്ങൾ പറഞ്ഞു.