ടെക് കമ്പനികളിലെ പിരിച്ചുവിടല്‍ ഒരു ലക്ഷം കടന്നു

2024ല്‍, ഗണ്യമായ പിരിച്ചുവിടലുകളും വ്യാപകമായ അനിശ്ചിതത്വവും അടയാളപ്പെടുത്തുന്ന അഭൂതപൂര്‍വമായ അസ്ഥിരതതയാണ് ടെക് മേഖല അഭിമുഖീകരിക്കുന്നത്. ഈ വര്‍ഷത്തെ പിരിച്ചുവിടലുകളുടെ എണ്ണം ലോകമെമ്പാടുമുള്ള 384 കമ്പനികളില്‍ നിന്നുള്ള 124,517 ജീവനക്കാരെ ബാധിച്ചു.

സാമ്പത്തിക സമ്മര്‍ദങ്ങള്‍, ദ്രുതഗതിയിലുള്ള സാങ്കേതിക മുന്നേറ്റങ്ങള്‍, വികസിച്ചുകൊണ്ടിരിക്കുന്ന വിപണി ആവശ്യകതകള്‍ എന്നിവ ഗണ്യമായ തൊഴില്‍ വെട്ടിക്കുറവിലേക്ക് നയിച്ചു. ഇന്റല്‍, മൈക്രോസോഫ്റ്റ്, യുകെജി തുടങ്ങിയ പ്രമുഖ കമ്പനികള്‍ തങ്ങളുടെ തൊഴില്‍ ശക്തി കുറയ്ക്കുകയാണ്.

പ്രൊഫഷണലുകള്‍ തുടര്‍ച്ചയായി നൈപുണ്യവും പൊരുത്തപ്പെടുത്തലും നേടേണ്ടതിന്റെ ആവശ്യകത ഇത് അടിവരയിടുന്നു.

ടെക് വ്യവസായത്തിലെ പിരിച്ചുവിടലുകള്‍ ജൂലൈ വരെ തുടര്‍ന്നു. ഈ മാസം മാത്രം 34 ടെക്നോളജി കമ്പനികളിലായി 8,000-ത്തിലധികം തൊഴില്‍ നഷ്ടങ്ങള്‍ റിപ്പോര്‍ട്ട് ചെയ്യപ്പെട്ടു.

മൈക്രോസോഫ്റ്റ് ഗെയിമിംഗ് വിഭാഗത്തില്‍ നിന്ന് 650 ജീവനക്കാരെയാണ് പിരിച്ചുവിട്ടത്. അതെസമയം ഐബിഎം മുതിര്‍ന്ന പ്രോഗ്രാമര്‍മാര്‍, സെയില്‍സ്, സപ്പോര്‍ട്ട് ഉദ്യോഗസ്ഥരെ പിരിച്ചുവിട്ടു. സിസ്‌കോയിലെ പിരിച്ചുവിടല്‍ ബാധിച്ചത് 5,600 തൊഴിലാളികളെയാണ്. മൊത്ത ജീവനക്കാരില്‍ 7 %ത്തോളം വരുമിത്. ഫെബ്രുവരിയില്‍ 4,000 ത്തോളം ജീവനക്കാരെ പിരിച്ചുവിട്ടിരുന്നു. ഡോസി, വി ട്രാന്‍സ്ഫര്‍ പോലുള്ള ചെറിയ സ്റ്റാര്‍ട്ടപ്പുകളും നഷ്ടം കുറയ്ക്കാന്‍ ജീവനക്കാരെ കുറച്ചിട്ടുണ്ട്.