ഐപിഒ-യിൽ ഇസാഫ് ബാങ്കിന് അടിപതറുന്നത്‌ എന്തുകൊണ്ട്? മൂന്നാമൂഴം എന്നുണ്ടാവും?

കൊച്ചി: എന്തുകൊണ്ടാണ് ഏറെ പ്രചാരം നൽകിയ പ്രാരംഭ പബ്ലിക് ഓഫറിന്റെ (ഐപിഒ) കാര്യത്തിൽ ഇസാഫ് സ്‌മോൾ ഫിനാൻസ് ബാങ്കിന് കാലിടറുന്നത്?

2022 ഒക്‌ടോബർ 20-ന് ഇസാഫിന്റെ ഐപിഒ സമയപരിധി അവസാനിച്ചിട്ട് ഇപ്പോൾ നാല് മാസമാകുന്നു, ഇത് രണ്ടാം തവണയാണ്  ഐപിഒയുടെ കാര്യത്തിൽ ഇങ്ങനെ സംഭവിക്കുന്നത്.

കാലഹരണപ്പെട്ട ഐപിഒയിൽ 800 കോടി രൂപയുടെ പുതിയ ഇഷ്യൂ ഘടകവും 197.78 കോടി രൂപയുടെ ഓഫർ ഫോർ സെയിലുമാണ് (OFS) ഉണ്ടായിരുന്നത്.

പിഎൻബി മെറ്റ്‌ലൈഫ്, ബജാജ് അലയൻസ് ലൈഫ്, പിഐ വെഞ്ചേഴ്‌സ്, ജോൺ ചക്കോള എന്നിവയായിരുന്നു ഒഎഫ്‌എസ് വഴി ഷെയർഹോൾഡിംഗ് ഓഫ്‌ലോഡ് ചെയ്യാൻ പദ്ധതിയിട്ടിരുന്ന പ്രൊമോട്ടർമാർ.

2023 സാമ്പത്തിക വർഷത്തെ കണക്കുകൾ പ്രസിദ്ധീകരിക്കുന്നതിന് മുമ്പ് ഐപിഒയ്ക്കുള്ള പുതിയ അപേക്ഷയുമായി ബാങ്ക് മാർക്കറ്റ് റെഗുലേറ്ററായ സെബിയെ സമീപിക്കാൻ സാധ്യതയില്ലെന്ന് അഭിജ്ഞ വൃത്തങ്ങൾ മൈഫിന് പോയിന്റിനോട് പറഞ്ഞു, അതായത് ഐപിഒ-യ്ക്കുള്ള അപേക്ഷ സമർപ്പിക്കാൻ ഇനിയും കുറച്ച് മാസങ്ങൾ കൂടി കാത്തിരിക്കേണ്ടി വരുനെന്നു സാരം..

2022 ഒക്‌ടോബർ-20 ഐപിഒ സമയപരിധി അവസാനിക്കുമ്പോഴും അത് നടക്കില്ല എന്നതിന്റെ സൂചനകളൊന്നും അന്ന് ബാങ്ക് നൽകിയിരുന്നില്ല. 

ഒക്‌ടോബർ 20 അവസാന തിയ്യതിക്ക്‌ മുമ്പുള്ള കുറച്ച് ആഴ്‌ചകളിൽ ഇസാഫ് സ്‌മോൾ ഫിനാൻസ് ബാങ്കിലേക്കുള്ള ഫോൺ വിളികൾക്കു മാനേജ്‌മെന്റ് സ്ഥിരമായി പല്ലവിയാണ് നൽകി പോന്നത്: “ഞങ്ങൾ ഐപിഒയുടെ കാര്യങ്ങളിൽ പ്രവർത്തിക്കുകയാണ്, ഒക്ടോബർ 20, സെബിയുടെ അംഗീകാരം അവസാനിക്കുന്നത്തിനു മുമ്പ് ഇഷ്യു ആരംഭിക്കാൻ  കഴിയുമെന്ന് ഞങ്ങൾ പ്രതീക്ഷിക്കുന്നു.അന്നത്തെ മറുപടികൾ.

എല്ലാവർക്കും അറിയാവുന്നതുപോലെ, ഇസാഫ് ഐപിഒ സമയപരിധി പാലിക്കുന്നതിൽ രണ്ടാമതും പരാജയപ്പെട്ടു, ഇത് സെബിയുടെ ഐപിഓ-യ്ക്കുള്ള അംഗീകാരം കാലഹരണപ്പെടുന്നതിന് ഇടയാക്കി.

എന്നിരുന്നാലും, ഇസാഫ് പ്രക്രിയകൾ വേഗത്തിലാക്കുമെന്നും ഐപിഒയ്ക്കുള്ള മറ്റൊരു ശ്രമത്തിനായി പുതിയ അപേക്ഷയുമായി സെബിയെ സമീപിക്കുമെന്നും വിപണി വിശ്വസിച്ചു.

അതിനു കാരണം, ഒക്ടോബർ 20-ന്റെ സമയപരിധി അവസാനിച്ചതിന് തൊട്ടുപിന്നാലെ, പുതിയ ഐപിഒ അപേക്ഷയുമായി ബാങ്ക് ഡിസംബറിൽ (2022) സെബിയെ സമീപിക്കുമെന്ന് ബാങ്കിന്റെ ചീഫ് എക്സിക്യൂട്ടീവ് പോൾ തോമസ് മാധ്യമങ്ങളോട് പറഞ്ഞിരുന്നു.

സിഇഒ സൂചിപ്പിച്ച ഡിസംബർ വരെയുള്ള രണ്ട് മാസത്തെ ഇടവേള അക്കാലത്ത് പലരെയും ആശ്ചര്യപ്പെടുത്തിയിട്ടുണ്ടെങ്കിലും, ഇപ്പോൾ ഫെബ്രുവരി പകുതി പിന്നിട്ടിരിക്കുന്നു, അടുത്ത അപേക്ഷ ഇസാഫ് എപ്പോൾ സമർപ്പിക്കുമെന്നാണ് വിപണി ഇപ്പോഴും ഉറ്റുനോക്കുന്നത്..

എന്തുകൊണ്ട് ഐ.പി.ഒ

ഒരു ഐപിഒ ഇസാഫിന് ആവശ്യമായി വന്നത് അധിക മൂലധനത്തിന്റെ ആവശ്യകതയല്ല; ചെറുകിട ധനകാര്യ ബാങ്കിനുള്ള റിസർവ് ബാങ്ക് ഓഫ് ഇന്ത്യയുടെ (ആർബിഐ) റെഗുലേറ്ററി ആവശ്യകതയുമായിട്ടാണ് ഇതിന് കൂടുതൽ ബന്ധമുള്ളത്.

എല്ലാ ചെറുകിട ധനകാര്യ ബാങ്കുകളും 500 കോടി രൂപയുടെ മൂല്യം നേടി മൂന്ന് വർഷത്തിനുള്ളിൽ തങ്ങളുടെ ഓഹരികൾ ഒരു സ്റ്റോക്ക് മാർക്കറ്റിൽ ലിസ്റ്റ് ചെയ്യണമെന്ന് റീസർവേ ബാങ്കിന്റെ നിയമം വ്യവസ്ഥ ചെയ്യുന്നു. 2021 ജൂലൈയിൽ ഇസാഫ്  ബാങ്ക് ആ കടമ്പ കടന്നു. 

ഇസാഫ് സ്‌മോൾ ഫിനാൻസ് ബാങ്കിന് 2022 മാർച്ച് 31 വരെ 449.47 കോടി രൂപ അടച്ച മൂലധനവും 957.32 കോടി രൂപ കരുതലും ഉണ്ട്, 2022 സെപ്റ്റംബർ 30 വരെ ബാങ്കിന് 21.18 ശതമാനം സുഖപ്രദമായ മൂലധന പര്യാപ്തത അനുപാതവും (CAR) ഉണ്ട്.