മണപ്പുറം എംഡി നന്ദകുമാറിനെതിരെയുള്ള ഇഡി നടപടിക്ക് ഹൈക്കോടതി സ്റ്റേ

കൊച്ചി: മണപ്പുറം ഫിനാൻസ് മാനേജിങ് ഡയറക്ടറും. സിഇഒയുമായ വി പി നന്ദകുമാറിന്റെ സ്വത്തുക്കളിൽ എൻഫോഴ്‌സ്‌മെന്റ് ഡയറക്ടറേറ്റിന് (ഇഡി) ആരംഭിച്ച അന്വേഷണ നടപടികൾ ഹൈക്കോടതി ഇന്ന് (മെയ് 12) സ്റ്റേ ചെയ്തു. എൻഫോഴ്‌സ്‌മെന്റ് ഡയറക്ടറേറ്റിന് ഗുരുതരമായ പ്രത്യാഘാതങ്ങൾ ഉണ്ടാക്കിയേക്കാവുന്ന ഒരു നീക്കമാണിതെന്ന് നിയമ വിദഗ്ധർ കണക്കാക്കുന്നു.

മെയ് 3 ന് ആരംഭിച്ച ഇഡിയുടെ അന്വേഷണ നടപടികൾ റദ്ദാക്കണമെന്ന് ആവശ്യപ്പെട്ട നന്ദകുമാറിന് വേണ്ടി സുപ്രീം കോടതിയിലെ മുതിർന്ന അഭിഭാഷകൻ ദുഷ്യന്ത് ദവെയും നിയമ സ്ഥാപനമായ മേനോൻ & പൈയുമാണ്  ഹൈക്കോടതിയെ സമീപിച്ചതെന്നാണ് മൈഫിൻപോയിന്റ്ന് അറിയാൻ കഴിഞ്ഞത്.

കേസിൽ വീണ്ടും വാദം കേൾക്കുന്നത് മെയ് 25-ന് മാറ്റി.

നന്ദകുമാറിന്റെ ഓഹരികൾ, സ്വകാര്യ ബാങ്ക് അക്കൗണ്ടുകൾ, സ്വകാര്യ സ്വത്തുക്കൾ എന്നിവയുൾപ്പെടെ 2,300 കോടി രൂപ വിലമതിക്കുന്ന സ്വത്തുക്കൾ ഇഡി അറ്റാച്ച്‌മെന്റ് ചെയ്തത് അസാധുവാക്കാൻ ഹൈക്കോടതി സ്‌റ്റേ ഇടയാക്കും.

2002ലെ കള്ളപ്പണം വെളുപ്പിക്കൽ തടയൽ നിയമം (പിഎംഎൽഎ 2002) പ്രകാരം മണപ്പുറം ഫിനാൻസ് ലിമിറ്റഡിന്റെ (എംഎഫ്‌എൽ) മാനേജിംഗ് ഡയറക്ടർ വി പി നന്ദകുമാറിന്റെ കേരളത്തിലെ തൃശൂരിലെ ആറ് സ്ഥലങ്ങളിൽ ഇഡി തിരച്ചിൽ ആരംഭിച്ചത് മെയ് 3 നാണ്.

വാസ്തവത്തിൽ, വിപണിയിൽ കാട്ടുതീ പോലെ പടർന്ന ഇഡി റെയ്ഡുകളെക്കുറിച്ചുള്ള വാർത്തയെത്തുടർന്ന് മെയ് 3 ന് മണപ്പുറം ഓഹരി 12 ശതമാനം ഇടിഞ്ഞിരുന്നു. ഇന്ന് വ്യാപാരം അവസാനിക്കുമ്പോൾ ഓഹരിവില 109.95 രൂപയിലാണ് നിൽക്കുന്നത്. 

അനാവശ്യമായ റെയ്ഡുകൾ

മെയ് 3 ന് മൈഫിൻപോയിന്റ്നോട് സംസാരിച്ചപ്പോൾ തന്നെ  ഇഡി റെയ്ഡുകൾ തീർത്തും അനാവശ്യമാണെന്നും അതിനാൽ പിഎംഎൽഎ (Prevention of Money Laundering Act) പ്രകാരമുള്ള കേസ് നിലനിൽക്കില്ലെന്നും നിയമ വിദഗ്ധർ ഉറപ്പിച്ചു പറഞ്ഞിരുന്നു.

“10 വർഷം മുമ്പ് നന്ദകുമാറിന്റെ ഉടമസ്ഥതയിലുള്ള മണപ്പുറം അഗോ ഫാംസ് ലിമിറ്റഡ് (എംഎഎഫ്എൽ) സമാഹരിച്ച 143.75 കോടി രൂപ നിക്ഷേപങ്ങളുമായി ബന്ധപ്പെട്ട വസ്തുതകളാണ് ഇഡി റെയ്ഡുകളിലേക്ക് നയിച്ചത്.

എന്നാൽ, പഞ്ചാബ് നാഷണൽ ബാങ്കിൽ (PNB) പരിപാലിക്കുന്ന ഒരു എസ്‌ക്രോ അക്കൗണ്ടിൽ ഇപ്പോഴും കിടക്കുന്ന അവകാശികളില്ലാത്ത 9.5 ലക്ഷം രൂപ നിക്ഷേപം  ഒഴികെ ബാക്കി എല്ലാം വർഷങ്ങൾക്ക് മുമ്പ് തന്നെ തിരികെ നൽകിയിരുന്നു എന്ന് നന്ദകുമാർ മൈഫിൻപോയിന്റ്നോട് പറഞ്ഞു,

അതാത് ബാങ്കുകളിൽ ലഭ്യമാണെന്ന് നന്ദകുമാർ അവകാശപ്പെടുന്ന MAFL തിരിച്ചയച്ച 53 കോടി രൂപയുടെ നിക്ഷേപവുമായി ബന്ധപ്പെട്ട രേഖകളും കെ വൈ സി-യും (KYC) ഹാജരാക്കുന്നതിൽ നന്ദകുമാർ പരാജയപ്പെട്ടുവെന്ന അടിസ്ഥാനത്തിലാണ് അടുത്തിടെ ഇഡി  റെയ്ഡ് നടന്നത്.

കെവൈസിയെ സംബന്ധിച്ച ഇഡിയുടെ നിരീക്ഷണങ്ങളൊന്നും തങ്ങൾക്കു ബോധ്യപ്പെട്ടില്ലായെന്ന് ഈ റിപ്പോർട്ടറോട് സംസാരിച്ച നിയമവിദഗ്ധർ പറഞ്ഞു. ഈ കെ‌വൈ‌സികൾ 2012 ൽ തന്നെ ആർ‌ബി‌ഐ പരിശോധിച്ചുവെന്ന് വിശ്വസനീയമായി മനസ്സിലാക്കാം, തുടർന്നാണ് ആർ‌ബി‌ഐ ഈ കേസ് പിന്നീട് അവസാനിപ്പിച്ചത് .

മാത്രമല്ല, 2012 മുതൽ കഴിഞ്ഞ 10 വർഷത്തിലേറെയായി എപ്പോൾ വേണമെങ്കിലും ED-ക്ക് KYC-യിൽ അതിന്റെ പരിശോധനകൾ നടത്താമായിരുന്നു.

ജോയ്ആലുക്കാസ്, ബിആർഡി സെക്യൂരിറ്റീസ് ലിമിറ്റഡ്, ചില സ്വർണ്ണ നിർമ്മാതാക്കൾ തുടങ്ങി പ്രമുഖ ബിസിനസ് ഗ്രൂപ്പുകളും ചില പ്രമുഖ സിനിമാ താരങ്ങളും സമീപ മാസങ്ങളിൽ ഇഡി റെയ്ഡുകൾക്ക് കേരളത്തിൽ ഇരയായിട്ടുണ്ട്.