നാല് മുന്‍നിര കമ്പനികളുടെ വിപണി മൂല്യത്തില്‍ കനത്ത ഇടിവ്

ഏറ്റവും മൂല്യമുള്ള 10 കമ്പനികളില്‍ നാലെണ്ണത്തിന്റെ സംയോജിത വിപണി മൂല്യത്തില്‍ കനത്ത ഇടിവ്. നാലുകമ്പനികള്‍ക്കും കൂടി കഴിഞ്ഞയാഴ്ച ഉണ്ടായ നഷ്ടം 96,605.66 കോടി രൂപയാണ്. ഏറ്റവും വലിയ തിരിച്ചടിയേറ്റത് എച്ച്ഡിഎഫ്സി ബാങ്കിനാണ്.

ടാറ്റ കണ്‍സള്‍ട്ടന്‍സി സര്‍വീസസ് (ടിസിഎസ്), എച്ച്ഡിഎഫ്സി ബാങ്ക്, ഐസിഐസിഐ ബാങ്ക്, സ്റ്റേറ്റ് ബാങ്ക് ഓഫ് ഇന്ത്യ എന്നിവയാണ് മൂല്യ നിര്‍ണയത്തില്‍ ഇടിവ് നേരിട്ട മുന്‍നിരക്കാര്‍. അതേസമയം റിലയന്‍സ് ഇന്‍ഡസ്ട്രീസ്, ഭാരതി എയര്‍ടെല്‍, ഇന്‍ഫോസിസ്, ഐടിസി, ലൈഫ് ഇന്‍ഷുറന്‍സ് കോര്‍പ്പറേഷന്‍ ഓഫ് ഇന്ത്യ (എല്‍ഐസി), ഹിന്ദുസ്ഥാന്‍ യുണിലിവര്‍ എന്നിവ മികവ് പുലര്‍ത്തി. ഈ കമ്പനികള്‍ ഒരുമിച്ച് 82,861.16 കോടി രൂപ മൂല്യനിര്‍ണ്ണയത്തില്‍ കൂട്ടിച്ചേര്‍ത്തു.

എച്ച്ഡിഎഫ്സി ബാങ്കിന്റെ വിപണി മൂല്യം 37,025.46 കോടി രൂപ ഇടിഞ്ഞ് 13,37,919.84 കോടി രൂപയായി. ഐസിഐസിഐ ബാങ്കിന്റെ മൂല്യം 29,324.55 കോടി രൂപ ഇടിഞ്ഞ് 8,93,378.50 കോടി രൂപയായി.

ടിസിഎസിന്റെ വിപണി മൂലധനം (എംക്യാപ്) 24,856.26 കോടി രൂപ ഇടിഞ്ഞ് 14,83,144.53 കോടി രൂപയായും സ്റ്റേറ്റ് ബാങ്ക് ഓഫ് ഇന്ത്യയുടെത് 5,399.39 കോടി രൂപ കുറഞ്ഞ് 7,08,168.60 കോടി രൂപയിലുമെത്തി.

എന്നാല്‍ റിലയന്‍സ് ഇന്‍ഡസ്ട്രീസിന്റെ മൂല്യം 41,138.41 കോടി രൂപ ഉയര്‍ന്ന് 16,93,373.48 കോടി യായി. ഹിന്ദുസ്ഥാന്‍ യുണിലിവറിന്റെ മൂല്യം 15,331.08 കോടി രൂപ ഉയര്‍ന്ന് 5,65,194.18 കോടി രൂപയിലെത്തി. എല്‍ഐസിയുടെ മൂല്യം 13,282.49 കോടി രൂപ ഉയര്‍ന്ന് 5,74,689.29 കോടിയായും ഇന്‍ഫോസിസിന്റെ മൂല്യം 9,031.19 കോടി രൂപ ഉയര്‍ന്ന് 8,04,834.34 കോടിയായും ഉയര്‍ന്നു.

ഐടിസിയുടെ മൂല്യം 3,878.63 കോടി രൂപ ഉയര്‍ന്ന് 6,03,064.44 കോടി രൂപയായും ഭാരതി എയര്‍ടെല്ലിന്റെ മൂല്യം 199.36 കോടി രൂപ ഉയര്‍ന്ന് 9,10,934.58 കോടി രൂപയായും ഉയര്‍ന്നു.

രാജ്യത്തെ ഏറ്റവും മൂല്യമുള്ള കമ്പനിയായി റിലയന്‍സ് ഇന്‍ഡസ്ട്രീസ് തുടരുന്നു. ടിസിഎസ്, എച്ച്ഡിഎഫ്സി ബാങ്ക്, ഭാരതി എയര്‍ടെല്‍, ഐസിഐസിഐ ബാങ്ക്, ഇന്‍ഫോസിസ്, സ്റ്റേറ്റ് ബാങ്ക് ഓഫ് ഇന്ത്യ, ഐടിസി, എല്‍ഐസി, ഹിന്ദുസ്ഥാന്‍ യുണിലിവര്‍ എന്നിവയാണ് തൊട്ടു പിന്നില്‍.