ആഭ്യന്തര വിപണി ഇന്ന് വ്യാപാരം അവസാനിപ്പിച്ചത് നഷ്ട്ടത്തിലാണ്. സെൻസെക്സ് -217.41 പോയിന്റ് ഇടിഞ്ഞ് 74,115.17 ലും നിഫ്റ്റി -92.20 പോയിന്റ് ഇടിഞ്ഞ് 22,460.30 ലും ക്ലോസ് ചെയ്തു. ഇൻഡസ്ട്രിയൽ, ഓയിൽ ആൻഡ് ഗ്യാസ് ഓഹരികളിലെ വിൽപ്പനയാണ് വിപണിയെ ഇന്ന് ഇടിവിലേക്ക്‌ നയിച്ചത്.
സെൻസെസ് ഓഹരികൾ ( Top Gainers, Losers )
ഇൻഫോസിസ്, എച്ച്‌യുഎൽ, പവർഗ്രിഡ്, ഐടിസി, നെസ്‌ലെ ഇന്ത്യ, ഏഷ്യൻ പെയിന്റ്സ് എന്നി ഓഹരികൾ നേട്ടമുണ്ടാക്കിയപ്പോൾ എൽ ആൻഡ് ടി, ആർഐഎൽ, സൊമാറ്റോ, കൊട്ടക് മഹീന്ദ്ര ബാങ്ക്, ഇൻഡസ്ഇൻഡ് ബാങ്ക്, ടൈറ്റൻ, ടിസിഎസ് എന്നിവ ഇടിവ് നേരിട്ടു.
നിഫ്റ്റി 50 ( Top Gainers, Losers )
പവർഗ്രിഡ്, എച്ച്‌യുഎൽ, ഇൻഫോസിസ്, നെസ്‌ലെ ഇന്ത്യ, ഐടിസി, ഏഷ്യൻ പെയിന്റ്സ്, സിപ്ല എന്നിവ നേട്ടമുണ്ടാക്കിയപ്പോൾ ഒഎൻജിസി, ട്രെന്റ്, ഇൻഡസ്ഇൻഡ് ബാങ്ക്, ബജാജ് ഓട്ടോ, ഐഷർ മോട്ടോഴ്‌സ്, എൽ ആൻഡ് ടി എന്നിവ നഷ്ടത്തിൽ ക്ലോസ് ചെയ്തു.
സെക്ടറൽ സൂചിക
സെക്ടറൽ സൂചികകളിൽ എഫ്‌എം‌സി‌ജി മാത്രമാണ് ഇന്ന് നേട്ടത്തിലെത്തിയത്. സൂചിക 0.22 ശതമാനം ഉയർന്നു. അതേസമയം നിഫ്റ്റി ഓട്ടോ, കൺസ്യൂമർ ഡ്യൂറബിൾസ്, ക്യാപിറ്റൽ ഗുഡ്‌സ്, ഓയിൽ ആൻഡ് ഗ്യാസ്, റിയൽറ്റി, പി‌എസ്‌യു ബാങ്ക് എന്നിവ 1-2 ശതമാനം വരെ ഇടിഞ്ഞു.
ബി‌എസ്‌ഇ മിഡ്‌ക്യാപ് സൂചിക 1.3 ശതമാനവും സ്‌മോൾക്യാപ് സൂചിക 1.7 ശതമാനവും ഇടിഞ്ഞു. ഇന്ത്യ വിക്സ് 3.82 ശതമാനം ഉയർന്ന് 13.99 ൽ എത്തി.
ആഗോള വിപണികൾ
ഏഷ്യൻ വിപണികളിൽ, ടോക്കിയോ, ഷാങ്ഹായ്, ഹോങ്കോംഗ്, സിയോൾ എന്നിവ സമ്മിശ്രമായാണ് അവസാനിച്ചത്. യൂറോപ്യൻ വിപണികൾ താഴ്ന്ന നിലയിലായിരുന്നു വ്യാപാരം നടത്തിയത്. വെള്ളിയാഴ്ച വാൾസ്ട്രീറ്റ് പോസിറ്റീവ് നോട്ടിൽ അവസാനിച്ചു.
ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയിൽ 0.34 ശതമാനം ഉയർന്ന് ബാരലിന് 70.60 യുഎസ് ഡോളറിലെത്തി. യുഎസ് ഡോളറിനെതിരെ രൂപയുടെ മൂല്യം 38 പൈസ ഇടിഞ്ഞ് 87.33 ൽ എത്തി.