ഫ്ലാറ്റായി വ്യാപാരം അവസാനിപ്പിച്ച് വിപണി; സൊമാറ്റോ, ഐ‌ടി‌സി ഓഹരികള്‍ക്ക് നേട്ട ദിനം
ഇന്ന് സെൻസെക്സും നിഫ്റ്റിയും ഫ്ലാറ്റായി അവസാനിച്ചു. സെൻസെക്സ് 7.51 പോയിന്റ് ഇടിഞ്ഞ് 74,332.58 ൽ ക്ലോസ് ചെയ്തു. നിഫ്റ്റി 7.80 പോയിന്റ് ഉയർന്ന് 22,552.50 ൽ എത്തി. തുടർച്ചയായ വിദേശ ഫണ്ടുകളുടെ പിന്‍വലിക്കലും ആഗോള വ്യാപാര യുദ്ധത്തെക്കുറിച്ചുള്ള അനിശ്ചിതത്വവുമാണ്‌ വിപണിയെ ഇന്ന് സ്വാധിനിച്ചത്‌.
സെൻസെസ് ഓഹരികൾ ( Top Gainers, Losers )
ആർ‌ഐ‌എൽ, കൊട്ടക് മഹീന്ദ്ര ബാങ്ക്, ടാറ്റ മോട്ടോഴ്‌സ്, ആക്സിസ് ബാങ്ക്, നെസ്‌ലെ ഇന്ത്യ, ഭാരതി എയർടെൽ, ടി‌സി‌എസ് എന്നി ഓഹരികൾ ഇന്ന് നേട്ടമുണ്ടാക്കിയപ്പോൾ ഇൻഫോസിസ്, സൊമാറ്റോ, എൻ‌ടി‌പി‌സി, എച്ച്‌സി‌എൽ‌ടെക്, ഐ‌സി‌ഐ‌സി‌ഐ ബാങ്ക്, ഇൻഡസ്ഇൻഡ് ബാങ്ക്, എച്ച്‌ഡി‌എഫ്‌സി ബാങ്ക് എന്നി ഓഹരികൾ ഇടിവ് നേരിട്ടു.
നിഫ്റ്റി 50 ( Top Gainers, Losers )
ആർ‌ഐ‌എൽ, ടാറ്റ മോട്ടോഴ്‌സ്, ബി‌ഇ‌എൽ, ബജാജ് ഓട്ടോ, ഹിൻഡാൽകോ, എച്ച്‌ഡി‌എഫ്‌സി ലൈഫ്, ബ്രിട്ടാനിയ എന്നിവ മികച്ച നേട്ടമുണ്ടാക്കിയപ്പോൾ ഇൻഡസ്ഇൻഡ് ബാങ്ക്, എൻ‌ടി‌പി‌സി, ശ്രീറാം ഫിനാൻസ്, ഇൻഫോസിസ്, ബി‌പി‌സി‌എൽ, എച്ച്‌സി‌എൽ‌ടെക്, ട്രെന്റ് എന്നിവ നഷ്ടത്തിൽ വ്യാപാരം അവസാനിപ്പിച്ചു.
സെക്ടറൽ സൂചിക
സെക്ടറൽ സൂചികകളിൽ കൺസ്യൂമർ ഡ്യൂറബിൾസ്, ഐടി, പവർ, റിയൽറ്റി എന്നിവ 0.5-1 ശതമാനം ഇടിഞ്ഞു. അതേസമയം ക്യാപിറ്റൽ ഗുഡ്‌സ്, എനർജി, മെറ്റൽ, മീഡിയ എന്നിവ 0.5-2 ശതമാനം ഉയർന്നു.
ബിഎസ്ഇ മിഡ്‌ക്യാപ് സൂചിക 0.3 ശതമാനം ഇടിഞ്ഞപ്പോൾ സ്‌മോൾക്യാപ് സൂചിക 0.7 ശതമാനം ഉയർന്നു. ഇന്ത്യ വിക്സ് 1.85 ശതമാനം ഇടിഞ്ഞ് 13.47 ൽ എത്തി.
ആഗോള വിപണികൾ
ഏഷ്യൻ വിപണികളിൽ, ടോക്കിയോ, ഷാങ്ഹായ്, ഹോങ്കോംഗ്, സിയോൾ എന്നിവ നഷ്ടത്തിൽ അവസാനിച്ചു. യൂറോപ്യൻ വിപണികൾ താഴ്ന്ന നിലയിലാണ് വ്യാപാരം നടത്തിയത്. വ്യാഴാഴ്ച വാൾസ്ട്രീറ്റ് നഷ്ടത്തിൽ ക്ലോസ് ചെയ്തു.
ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയിൽ 1.32 ശതമാനം ഉയർന്നു. ബാരലിന് 70.38 ഡോളറിലെത്തി. ഡോളറിനെതിരെ രൂപയുടെ മൂല്യം 20 പൈസ ഉയർന്ന് 86.92 ൽ എത്തി.