ചരിത്രം കുറിച്ച് ടിസിഎസ്; വിപണി മൂല്യം 15 ലക്ഷം കോടി

ഐടി സേവനങ്ങൾ നൽകുന്ന ടാറ്റ ഗ്രൂപ് കമ്പനിയായ ടിസിഎസിൻ്റെ വിപണി മൂല്യം ആദ്യമായി 15 ലക്ഷം കോടി രൂപ കടന്നു. തുടക്ക വ്യാപാരത്തിൽ ഓഹരികൾ സർവകാല ഉയരമായ 4,149.90 രൂപയിലെത്തിയിരുന്നു. ഇന്ന് വിപണിയിൽ ടിസിഎസിൻ്റെ 44.74 ലക്ഷം ഓഹരികളുടെ വ്യാപാരമാണ് നടന്നത്.

മേഖല സൂചികകളിൽ നിഫ്റ്റി ഐടി ഏറ്റവും കൂടുതൽ നേട്ടമുണ്ടാകി, 2.92 ശതമാനം ഉയർന്നു. നിഫ്റ്റി 50 ഇന്ന് ഉയർന്നത്  0.72 ശതമാനമാണ്.

നിഫ്റ്റി ഐടി സൂചികയിൽ എച്ച്‌സിഎൽ ടെക്കിനു ശേഷം 3 ശതമാനത്തിലധികം നേട്ടമുണ്ടാക്കിയത് ടിസിഎസ് ഓഹരികളാണ്.

ഒഐ (Open Interest) 3.5 ശതമാനം ഉയർന്നതോടെ ടിസിഎസിൽ പുതിയ നീണ്ട ബിൽഡ്-അപ്പ് കാണപ്പെടുന്നു. പരമാവധി പുട്ട് റൈറ്റിംഗ് 4,000 സ്‌ട്രൈക്ക് വിലയിലും കോൾ റൈറ്റിംഗ് 4,300, 4,200 ലെവലിലുമാണ് കാണപ്പെട്ടത്.

കഴിഞ്ഞു പോയ പാദത്തിൽ മികച്ച മാർജിൻ വിപുലീകരണം റിപ്പോർട്ട് ചെയ്ത ടിസിഎസ് വരുമാനത്തിൽ നേരിയ പുരോഗതി രേഖപ്പെടുത്തിയിരുന്നു. മൂന്നാം പാദത്തിൽ പ്രവർത്തന മാർജിനുകൾ മുൻ പദത്തെക്കാളും 75 ബേസിസ് പോയിൻ്റുകളും മുൻ വർഷത്തേക്കാളും 48 ബേസിസ് പോയിൻ്റുകളും വർദ്ധിച്ചു.

ടിസിഎസും ഇൻഫോസിസും ചേർന്ന് ബിഎസ്ഇ സെൻസെക്‌സ് സൂചികയിൽ 66 ശതമാനം നേട്ടം നൽകി, ടിസിഎസ് മാത്രം സൂചികയുടെ 34 ശതമാനം നേട്ടമുണ്ടാക്കി. 

ഒരു വർഷം മുതൽ ഇന്നുവരെയുള്ള അടിസ്ഥാനത്തിൽ,17 ശതമാനം ഉയർന്ന പെർസിസ്റ്റൻ്റ് സിസ്റ്റംസ് ആണ് നിഫ്റ്റി ഐടി സൂചികയിലെ ഏറ്റവും ഉയർന്ന നേട്ടം നൽകിയ ഓഹരി.  ഇൻഫോസിസ് 11 ശതമാനം ഉയർന്നു, ടിസിഎസ് 8 ശതമാനവുമാണ് ഈ കാലയളവിൽ ഉയർന്നത്.

ടിസിഎസ് ഓഹരികൾ എൻഎസ്ഇ യിൽ 3.93 ശതമാനം ഉയർന്ന് 4,129.35 രൂപയിൽ ക്ലോസ് ചെയ്തു.