താരിഫ് ആശങ്കകളുടെ പുതു വർഷം, വിപണി ഇന്ന് കരുതലോടെ നീങ്ങും

ഡൊണാൾഡ് ട്രംപിന്റെ പരസ്പര താരിഫുകളെക്കുറിച്ചുള്ള ആശങ്കകൾ നിഴൽ വീഴ്ത്തിയ  ആഗോള വിപണിയിലെ സൂചനകൾ അനുസരിച്ച്,  ഇന്ത്യൻ  വിപണി ഇന്ന് താഴ്ന്ന് തുറക്കാൻ സാധ്യത. പുതിയ സാമ്പത്തിക വർഷത്തിലെ ആദ്യ വ്യാപാര ദിനമായ ഇന്ന് വിപണിയിൽ ശക്തമായ ചാഞ്ചാട്ടം ഉണ്ടായേക്കുമെന്ന് വിദഗ്ധർ വിലയിരുത്തുന്നു. ഗിഫ്റ്റ് നിഫ്റ്റി ഇടിഞ്ഞു. ഏഷ്യൻ വിപണികൾ ഉയർന്ന  നിലയിൽ വ്യാപാരം നടത്തുന്നു.  യുഎസ്  വിപണി  സമ്മിശ്രമായി അവസാനിച്ചു. 

പുതിയ സാമ്പത്തിക വർഷത്തിന്റെ ആദ്യ ആഴ്ചയിൽ, ഡൊണാൾഡ് ട്രംപിന്റെ പരസ്പര താരിഫ് പ്രഖ്യാപനങ്ങൾ, വിദേശ ഫണ്ടുകളുടെ ഒഴുക്ക്, ആഭ്യന്തര, ആഗോള സാമ്പത്തിക ഡാറ്റ, ഓട്ടോ സെയിൽസ് ഡാറ്റ, മറ്റ് ആഗോള വിപണി സൂചനകൾ എന്നിവ നിക്ഷേപകർ നിരീക്ഷിക്കും.

ഗിഫ്റ്റ് നിഫ്റ്റി 

ഗിഫ്റ്റ് നിഫ്റ്റി ഏകദേശം 23,455 ലെവലിൽ വ്യാപാരം നടത്തുന്നു. നിഫ്റ്റി ഫ്യൂച്ചേഴ്‌സിന്റെ മുൻ ക്ലോസിനേക്കാൾ ഏകദേശം 182 പോയിന്റിന്റെ ഇടിവ്. ഇത് ഇന്ത്യൻ ഓഹരി വിപണി സൂചികകൾക്ക് ഒരു താഴ്ന്ന തുടക്കത്തെ സൂചിപ്പിക്കുന്നു.

ഏഷ്യൻ വിപണികൾ

 ചൊവ്വാഴ്ച ഏഷ്യൻ വിപണികൾ ഉയർന്ന നിലയിൽ വ്യാപാരം നടത്തുന്നു.  കഴിഞ്ഞ സെഷനിലെ എട്ട് മാസത്തെ ഏറ്റവും താഴ്ന്ന നിലയിൽ നിന്ന് ജപ്പാന്റെ നിക്കി 1% ഉയർന്നു. ടോപ്പിക്സ് 1.34% ഉയർന്നു. ദക്ഷിണ കൊറിയയുടെ കോസ്പി 1.03% ഉയർന്നു, കോസ്ഡാക്ക് 1.12% ഉയർന്നു. ഹോങ്കോങ്ങിന്റെ ഹാങ് സെങ് സൂചിക ഫ്യൂച്ചറുകൾ ശക്തമായ ഓപ്പണിംഗിനെ സൂചിപ്പിക്കുന്നു.

വാൾസ്ട്രീറ്റ്

യുഎസ് പ്രസിഡന്റ് ഡൊണാൾഡ് ട്രംപിന്റെ സാമ്പത്തിക അജണ്ടയെ സംബന്ധിച്ച അനിശ്ചിതത്വത്തിനിടയിൽ തിങ്കളാഴ്ച യുഎസ് ഓഹരി വിപണി സമ്മിശ്രമായി അവസാനിച്ചു.  ഡൗ ജോൺസ് വ്യാവസായിക ശരാശരി 417.86 പോയിന്റ് അഥവാ 1% ഉയർന്ന് 42,001.76 ലും എസ് ആൻറ് പി  30.91 പോയിന്റ് അഥവാ 0.55% ഉയർന്ന് 5,611.85 ലും എത്തി. നാസ്ഡാക്ക് കോമ്പോസിറ്റ് 23.70 പോയിന്റ് അഥവാ 0.14% താഴ്ന്ന് 17,299.29 ലും ക്ലോസ് ചെയ്തു.

ഈ പാദത്തിൽ, എസ്  ആൻറ് പി 500 4.6% ഇടിഞ്ഞു, നാസ്ഡാക്ക് കോമ്പോസിറ്റ് 10.5% ഇടിഞ്ഞു, ഡൗ ജോൺസ് ഇൻഡസ്ട്രിയൽ ആവറേജ് 1.3% ഇടിഞ്ഞു.

ടെസ്‌ല ഓഹരി വില 1.67% ഇടിഞ്ഞു, എൻവിഡിയ ഓഹരി വില 1.18% ഇടിഞ്ഞു. ആപ്പിൾ ഓഹരി വില 1.94% ഉയർന്നു. ഡിസ്കവർ ഫിനാൻഷ്യൽ സർവീസസ് ഓഹരികൾ 7.5% ഉം ക്യാപിറ്റൽ വൺ ഫിനാൻഷ്യൽ ഓഹരി വില 3.3% ഉം ഉയർന്നു.

ഇന്ത്യൻ വിപണി

2024-25 സാമ്പത്തിക വർഷത്തെ അവസാന വ്യാപാര ദിനമായ വെള്ളിയാഴ്ച ബെഞ്ച്മാർക്ക് സൂചികകളായ സെൻസെക്സും നിഫ്റ്റിയും നഷ്ടത്തിൽ ക്ലോസ് ചെയ്തു. സെൻസെക്സ് 192 പോയിന്റ് അഥവാ 0.25 ശതമാനം താഴ്ന്ന് 77,414.92 ലും നിഫ്റ്റി 73 പോയിന്റ് അഥവാ 0.31 ശതമാനം താഴ്ന്ന് 23,519.35 ലും ക്ലോസ് ചെയ്തു. സെൻസെക്സ് ഓഹരികളിൽ കൊട്ടക് മഹീന്ദ്ര ബാങ്ക്, ഹിന്ദുസ്ഥാൻ യൂണിലിവർ, ഐസിഐസിഐ ബാങ്ക്, ടാറ്റ മോട്ടോഴ്‌സ്, നെസ്‌ലെ, ഭാരതി എയർടെൽ എന്നി ഓഹരികൾ നേട്ടമുണ്ടാക്കിയപ്പോൾ ഇൻഡസ്ഇൻഡ് ബാങ്ക് 3.50 ശതമാനത്തിലധികവും മഹീന്ദ്ര ആൻഡ് മഹീന്ദ്ര 2 ശതമാനവും ഇടിഞ്ഞു. എച്ച്‌സി‌എൽ ടെക്, മാരുതി, ഇൻഫോസിസ്, സൊമാറ്റോ, പവർ ഗ്രിഡ്, അദാനി പോർട്ട്സ്, ടാറ്റ കൺസൾട്ടൻസി സർവീസസ്, അൾട്രാടെക് സിമന്റ് എന്നി ഓഹരികളും ഇടിവ് നേരിട്ടു.

സെക്ടറൽ സൂചികകളിൽ എഫ്എംസിജി, പ്രൈവറ്റ് ബാങ്ക് ഒഴികെ മറ്റെല്ലാ സൂചികകളും നഷ്ടത്തിൽ അവസാനിച്ചു. എഫ്എംസിജി സൂചിക 0.59 ശതമാനവും പ്രൈവറ്റ് ബാങ്ക് സൂചിക 0.15 ശതമാനവും നേട്ടമുണ്ടാക്കി. അതേസമയം നിഫ്റ്റി ഐടി 1.76 ശതമാനം നഷ്ടത്തിലും ഓട്ടോ 1.03 ശതമാനം നഷ്ടത്തിലും ക്ലോസ് ചെയ്തു. റിയാൽറ്റി 1.42 ശതമാനം നഷ്ടത്തിലും മെറ്റൽ 0.73 ശതമാനം നഷ്ടത്തിലുമായി. ഫാർമ സൂചിക 0.65 ശതമാനവും പി‌എസ്‌യു ബാങ്ക് 0.52 ശതമാനം ഇടിഞ്ഞു. ഓയിൽ ആൻഡ് ഗ്യാസ് 0.03 ശതമാനം ഇടിവ് നേരിട്ടു.  ബിഎസ്ഇ മിഡ്ക്യാപ് സൂചിക 0.7 ശതമാനവും സ്മോൾക്യാപ് സൂചിക 0.4 ശതമാനവും ഇടിഞ്ഞു.

പിന്തുണയും പ്രതിരോധവും

നിഫ്റ്റി 

പിവറ്റ് പോയിന്റുകളെ അടിസ്ഥാനമാക്കിയുള്ള പ്രതിരോധം: 23,616, 23,663, 23,739

പിന്തുണ: 23,464, 23,417, 23,341

ബാങ്ക് നിഫ്റ്റി

പിവറ്റ് പോയിന്റുകളെ അടിസ്ഥാനമാക്കിയുള്ള പ്രതിരോധം: 51,772, 51,891, 52,084

 പിന്തുണ: 51,387, 51,269, 51,076

പുട്ട്-കോൾ അനുപാതം

മാർക്കറ്റിന്റെ മാനസികാവസ്ഥയെ സൂചിപ്പിക്കുന്ന നിഫ്റ്റി പുട്ട്-കോൾ അനുപാതം (PCR), മാർച്ച് 28 ന് 0.92 ആയി കുറഞ്ഞു.

ഇന്ത്യ വിക്സ്

വിപണിയിലെ ചാഞ്ചാട്ടം അളക്കുന്ന ഭയ സൂചികയായ ഇന്ത്യ വിക്സ് 4.38 ശതമാനം കുറഞ്ഞ് 12.72 ആയി.

വിദേശ പോർട്ട്‌ഫോളിയോ നിക്ഷേപകർ

വെള്ളിയാഴ്ച വിദേശ പോർട്ട്‌ഫോളിയോ നിക്ഷേപകർ 4,352 കോടി രൂപയുടെ ഓഹരികൾ വിറ്റു. ആഭ്യന്തര നിക്ഷേപകർ 7,646 കോടി രൂപയുടെ ഓഹരികൾ വാങ്ങി.

രൂപ

വെള്ളിയാഴ്ച യുഎസ് ഡോളറിനെതിരെ രൂപ 24 പൈസ ഉയർന്ന് 85.50 ൽ ക്ലോസ് ചെയ്തു.

സ്വർണ്ണ വില

 ട്രംപിന്റെ പരസ്പര താരിഫുകൾ പണപ്പെരുപ്പ സമ്മർദ്ദങ്ങൾക്ക് കാരണമായേക്കാമെന്നും സാമ്പത്തിക വളർച്ചയെ തടസ്സപ്പെടുത്തുമെന്ന ആശങ്കയെത്തുടർന്ന് സ്വർണ്ണ വില റെക്കോർഡ് ഉയരത്തിലെത്തി. സ്‌പോട്ട് ഗോൾഡ് ഔൺസിന് 3,134.04  ഡോളർ എന്ന പുതിയ ഉയരത്തിലെത്തി. യുഎസ് സ്വർണ്ണ ഫ്യൂച്ചറുകൾ 0.3% ഉയർന്ന് 3,160.00  ഡോളർ ആയി.

എണ്ണ വില

 ക്രൂഡ് ഓയിൽ വില കുറഞ്ഞു. ബ്രെന്റ് ഫ്യൂച്ചറുകൾ ബാരലിന് 0.1% ഇടിഞ്ഞ് 74.67 ഡോളറിലെത്തി. യുഎസ് വെസ്റ്റ് ടെക്സസ് ഇന്റർമീഡിയറ്റ് ക്രൂഡ് ഫ്യൂച്ചറുകൾ 0.1% ഇടിഞ്ഞ് 71.37 ഡോളറിലെത്തി.

ഇന്ന് ശ്രദ്ധിക്കേണ്ട ഓഹരികൾ

ഹിന്ദുസ്ഥാൻ എയറോനോട്ടിക്സ്

156 ലൈറ്റ് കോംബാറ്റ് ഹെലികോപ്റ്ററുകൾ  വിതരണം ചെയ്യുന്നതിനായി പ്രതിരോധ മന്ത്രാലയം കമ്പനിയുമായി രണ്ട് കരാറുകളിൽ ഒപ്പുവച്ചു, പരിശീലനവും മറ്റ് അനുബന്ധ ഉപകരണങ്ങളും ഉൾപ്പെടെ ഏകദേശം 62,700 കോടി രൂപയാണ് ഇടപാട് മൂല്യം. 

എൻസിസി

 മാർച്ചിൽ കമ്പനിക്ക് 5,773 കോടി രൂപയുടെ  ഓർഡറുകൾ ലഭിച്ചു. ഇതിൽ 2,686 കോടി രൂപ ഗതാഗത വിഭാഗത്തിനും 2,139 കോടി രൂപ കെട്ടിട വിഭാഗത്തിനും 948 കോടി രൂപ ജല-പരിസ്ഥിതി വിഭാഗത്തിനുമാണ്.

എഞ്ചിനീയേഴ്‌സ് ഇന്ത്യ

മഹാരാഷ്ട്രയിലും പശ്ചിമ ബംഗാളിലും  സർക്കാർ ഉടമസ്ഥതയിലുള്ള സംഘടനകളിൽ നിന്ന് 245 കോടി രൂപയുടെ കൺസൾട്ടൻസി അസൈൻമെന്റുകൾ കമ്പനിക്ക് ലഭിച്ചു.

എച്ച് ബി എൽ എഞ്ചിനീയറിംഗ്

3,900 കിലോമീറ്റർ വിസ്തൃതിയുള്ള 413 സ്റ്റേഷനുകളിലായി കവച് നൽകുന്നതിനായി 762.56 കോടി രൂപയുടെ കരാറുകൾക്കായി കമ്പനിക്ക്  ലഭിച്ചു. ഇതുവരെയുള്ള എല്ലാ കവച് കരാറുകളുടെയും ആകെ മൂല്യം 3,618 കോടി രൂപയാണ്.

ഐടിസി

സെഞ്ച്വറി പൾപ്പ് ആൻഡ് പേപ്പർ എന്ന പേരിൽ പ്രവർത്തിക്കുന്ന എബ്രെലിന്റെ പൾപ്പ് ആൻഡ് പേപ്പർ ബിസിനസ്സ്, ആസ്തികൾ, ബാധ്യതകൾ, കരാറുകൾ, ജീവനക്കാർ എന്നിവയുൾപ്പെടെ 3,500 കോടി രൂപയ്ക്ക് സ്ലം സെയിൽ അടിസ്ഥാനത്തിൽ ഏറ്റെടുക്കുന്നതിനായി ആദിത്യ ബിർള റിയൽ എസ്റ്റേറ്റുമായി (എബ്രെൽ) കമ്പനി ഒരു ബിസിനസ് ട്രാൻസ്ഫർ കരാറിൽ ഏർപ്പെട്ടു. ഏറ്റെടുക്കൽ ഇന്ത്യൻ കോമ്പറ്റീഷൻ കമ്മീഷന്റെയും പരിസ്ഥിതി മന്ത്രാലയത്തിന്റെയും അംഗീകാരത്തിന് വിധേയമാണ്.

പ്രസ്റ്റീജ് എസ്റ്റേറ്റ്സ് പ്രോജക്ടുകൾ

കമ്പനിയുടെ അനുബന്ധ സ്ഥാപനമായ പ്രസ്റ്റീജ് ഹോസ്പിറ്റാലിറ്റി വെഞ്ച്വേഴ്സിന്റെ ഓഹരികളിൽ ഒന്നോ അതിലധികമോ തവണകളായി അവകാശ ഓഹരികൾ വഴി 1,625.04 കോടി രൂപ വരെ നിക്ഷേപിക്കാൻ ബോർഡ് അംഗീകാരം നൽകി.

ബ്രിഗേഡ് എന്റർപ്രൈസസ്

മൈസൂരുവിൽ 5 ഏക്കർ വിസ്തീർണ്ണമുള്ള ഒരു പുതിയ ആഡംബര റെസിഡൻഷ്യൽ പ്രോജക്റ്റിനായി ബ്രിഗേഡ് ഗ്രൂപ്പ് ഒരു സംയുക്ത വികസന കരാറിൽ ഒപ്പുവച്ചു. നിർദ്ദിഷ്ട പദ്ധതിക്ക് 300 കോടി രൂപയുടെ മൊത്ത വികസന മൂല്യമുണ്ട്.

മസഗോൺ ഡോക്ക് ഷിപ്പ് ബിൽഡേഴ്‌സ്

2024-25 സാമ്പത്തിക വർഷത്തേക്കുള്ള രണ്ടാമത്തെ ഇടക്കാല ലാഭവിഹിതം പരിഗണിക്കാൻ ഏപ്രിൽ 8 ന് ബോർഡ് യോഗം ചേരും.