മാര്‍ച്ച് രണ്ടിന് പ്രത്യേക വ്യാപാര സെഷന്‍

മാര്‍ച്ച് രണ്ട് ശനിയാഴ്ച ബിഎസ്ഇ, എന്‍എസ്ഇ യില്‍ പ്രത്യേക വ്യാപാര സെഷന്‍ നടത്തും.

എന്‍എസ്ഇയിലും ബിഎസ്ഇയിലും ഇതിനു മുന്‍പ് പ്രത്യേക വ്യാപാര സെഷന്‍ നടന്നത് ജനുവരി 20നാണ്.

പ്രൈമറി സൈറ്റ് എന്ന നിലവിലെ വ്യാപാരം നടക്കുന്ന പ്ലാറ്റ്‌ഫോമില്‍ നിന്ന് ഡിസാസ്റ്റര്‍ റിക്കവറി സൈറ്റിലേക്ക് ചുവടുമാറ്റുന്നതിനാണ് സ്‌പെഷ്യല്‍ ട്രേഡിംഗ് സെഷന്‍ നടത്തുന്നത്.

അപ്രതീക്ഷിതമോ അസാധാരണമോ ആയ തടസങ്ങള്‍ സംഭവിച്ചാല്‍ വ്യാപാരം പുനരാരംഭിക്കാന്‍ സഹായിക്കുന്ന സംവിധാനമാണ് ഡിസാസ്റ്റര്‍ റിക്കവറി സൈറ്റ്.

മാര്‍ച്ച് രണ്ടിലെ പ്രത്യേക വ്യാപാരത്തില്‍ രണ്ട് ഘട്ടങ്ങളാണുള്ളത്.

ആദ്യത്തേത് രാവിലെ 9.15 മുതല്‍ 45 മിനിറ്റ് നേരത്തേയ്ക്കായിരിക്കും. രണ്ടാമത്തേത് 11.30 മുതല്‍ 12.30 വരെയാണ്.

പ്രീ-ഓപ്പണ്‍ സെഷനുമുണ്ടാകും. രാവിലെ 9-9.08 വരെയും 11.15-11.23 വരെയുമാണ് പ്രീ-ഓപ്പണ്‍ സെഷന്‍.